헬라어 문장 검색 - Παυσαν́Δεσξριπ́9́39́

(파우사니아스, Description of Greece, Βοιωτικά, chapter 39)

τὰ μὲν δὴ πρὸσ τῶν ὀρῶν Φωκεῖσ ὑπεροικοῦσιν Ὀρχομενίων, ἐν δὲ τῷ πεδίῳ Λεβάδειά ἐστιν αὐτοῖσ ὅμοροσ. αὕτη τὸ μὲν ἐξ ἀρχῆσ ᾠκεῖτο ἐπὶ μετεώρου καὶ ὠνομάζετο Μίδεια ἀπὸ τῆσ Ἀσπληδόνοσ μητρόσ· Λεβάδου δὲ ἐξ Ἀθηνῶν ἐσ αὐτὴν ἀφικομένου κατέβησάν τε ἐσ τὸ χθαμαλὸν οἱ ἄνθρωποι καὶ ἐκλήθη Λεβάδεια ἡ πόλισ ἀπ’ αὐτοῦ. πατέρα δὲ τοῦ Λεβάδου, καὶ καθ’ ἥντινα αἰτίαν ἦλθεν, οὐκ ἴσασιν ἄλλο ἢ γυναῖκα εἶναι Λεβάδου Λαονίκην. κεκόσμηται μὲν δὴ τὰ ἄλλα σφίσιν ἡ πόλισ ὁμοίωσ τοῖσ Ἑλλήνων μάλιστα εὐδαίμοσι, διείργει δὲ ἀπ’ αὐτῆσ τὸ ἄλσοσ τοῦ Τροφωνίου <ποταμὸσ Ἕρκυνα.

> φασὶ δ’ ἐνταῦθα Ἕρκυναν ὁμοῦ Κόρῃ τῇ Δήμητροσ παίζουσαν καὶ ἔχουσαν χῆνα ἀφεῖναι τοῦτον ἄκουσαν·

ἐσ δὲ ἄντρον κοῖλον ἐσπτάντοσ καὶ ὑπὸ λίθον ἀποκρύψαντοσ αὑτὸν ἐσελθοῦσα ἡ Κόρη λαμβάνει τὸν ὄρνιθα ὑπὸ τῷ λίθῳ κατακείμενον· ῥυῆναί τε δὴ τὸ ὕδωρ ὅθεν ἀνείλετο ἡ Κόρη τὸν λίθον καὶ ὀνομασθῆναι τὸν ποταμὸν ἐπὶ τούτῳ λέγουσιν Ἕρκυναν. καὶ ἔστι μὲν πρὸσ τῇ ὄχθῃ τοῦ ποταμοῦ ναὸσ Ἑρκύνησ, ἐν δὲ αὐτῷ παρθένοσ χῆνα ἔχουσα ἐν ταῖσ χερσίν·

εἰσὶ δὲ ἐν τῷ σπηλαίῳ τοῦ ποταμοῦ τε αἱ πηγαὶ καὶ ἀγάλματα ὀρθά, περιειλιγμένοι δέ εἰσιν αὐτῶν τοῖσ σκήπτροισ δράκοντεσ. ταῦτα εἰκάσαι μὲν ἄν τισ Ἀσκληπιοῦ τε εἶναι καὶ Ὑγείασ, εἰε͂ν δ’ ἂν Τροφώνιοσ καὶ Ἕρκυνα, ἐπεὶ μηδὲ τοὺσ δράκοντασ Ἀσκληπιοῦ μᾶλλον ἢ καὶ Τροφωνίου νομίζουσιν ἱεροὺσ εἶναι. ἐπὶ δὲ τῷ ποταμῷ μνῆμά ἐστιν Ἀρκεσιλάου· Λήϊτον δὲ ἀνακομίσαι <φασὶ> τοῦ Ἀρκεσιλάου τὰ ὀστᾶ ἐκ Τροίασ. τὰ δὲ ἐπιφανέστατα ἐν τῷ ἄλσει Τροφωνίου ναὸσ καὶ ἄγαλμά ἐστιν, Ἀσκληπιῷ καὶ τοῦτο εἰκασμένον·

Πραξιτέλησ δὲ ἐποίησε τὸ ἄγαλμα. ἔστι δὲ καὶ Δήμητροσ ἱερὸν ἐπίκλησιν Εὐρώπησ καὶ Ζεὺσ Υἕτιοσ ἐν ὑπαίθρῳ. ἀναβᾶσι δὲ ἐπὶ τὸ μαντεῖον καὶ αὐτόθεν ἰοῦσιν ἐσ τὸ πρόσω τοῦ ὄρουσ, Κόρησ ἐστὶ καλουμένη θήρα καὶ Διὸσ Βασιλέωσ ναόσ. τοῦτον μὲν δὴ διὰ τὸ μέγεθοσ ἢ καὶ τῶν πολέμων τὸ ἀλλεπάλληλον ἀφείκασιν ἡμίεργον· ἐν δὲ ἑτέρῳ ναῷ Κρόνου καὶ Ἥρασ καὶ Διόσ ἐστιν ἀγάλματα. ἔστι δὲ καὶ Ἀπόλλωνοσ ἱερόν.

κατὰ δὲ τὸ μαντεῖον τοιάδε γίνεται.

ἐπειδὰν ἀνδρὶ ἐσ τοῦ Τροφωνίου κατιέναι δόξῃ, πρῶτα μὲν τεταγμένων ἡμερῶν δίαιταν ἐν οἰκήματι ἔχει, τὸ δὲ οἴκημα Δαίμονόσ τε ἀγαθοῦ καὶ Τύχησ ἱερόν ἐστιν ἀγαθῆσ· διαιτώμενοσ δὲ ἐνταῦθα τά τε ἄλλα καθαρεύει καὶ λουτρῶν εἴργεται θερμῶν, τὸ δὲ λουτρὸν ὁ ποταμόσ ἐστιν ἡ Ἕρκυνα· καί οἱ καὶ κρέα ἄφθονά ἐστιν ἀπὸ τῶν θυσιῶν, θύει γὰρ δὴ ὁ κατιὼν αὐτῷ τε τῷ Τροφωνίῳ καὶ τοῦ Τροφωνίου τοῖσ παισί, πρὸσ δὲ Ἀπόλλωνί τε καὶ Κρόνῳ καὶ Διὶ ἐπίκλησιν Βασιλεῖ καὶ Ἥρᾳ τε Ἡνιόχῃ καὶ Δήμητρι ἣν ἐπονομάζοντεσ Εὐρώπην τοῦ Τροφωνίου φασὶν εἶναι τροφόν. καθ’ ἑκάστην δὲ τῶν θυσιῶν ἀνὴρ μάντισ παρὼν ἐσ τοῦ ἱερείου τὰ σπλάγχνα ἐνορᾷ, ἐνιδὼν δὲ προθεσπίζει τῷ κατιόντι εἰ δὴ αὐτὸν εὐμενὴσ ὁ Τροφώνιοσ καὶ ἵλεωσ δέξεται.

τῶν μὲν δὴ ἄλλων ἱερείων τὰ σπλάγχνα οὐχ ὁμοίωσ δηλοῖ τοῦ Τροφωνίου τὴν γνώμην· ἐν δὲ νυκτὶ ᾗ κάτεισιν ἕκαστοσ, ἐν ταύτῃ κριὸν θύουσιν ἐσ βόθρον, ἐπικαλούμενοι τὸν Ἀγαμήδην. θυμάτων δὲ τῶν πρότερον πεφηνότων αἰσίων λόγοσ ἐστὶν οὐδείσ, εἰ μὴ καὶ τοῦδε τοῦ κριοῦ τὰ σπλάγχνα τὸ αὐτὸ θέλοι λέγειν· ὁμολογούντων δὲ καὶ τούτων, τότε ἕκαστοσ ἤδη κάτεισιν εὐέλπισ, κάτεισι δὲ οὕτω. πρῶτα μὲν ἐν τῇ νυκτὶ αὐτὸν ἄγουσιν ἐπὶ τὸν ποταμὸν τὴν Ἕρκυναν, ἀγαγόντεσ δὲ ἐλαίῳ χρίουσι καὶ λούουσι δύο παῖδεσ τῶν ἀστῶν ἔτη τρία που καὶ δέκα γεγονότεσ, οὓσ Ἑρμᾶσ ἐπονομάζουσιν·

οὗτοι τὸν καταβαίνοντά εἰσιν οἱ λούοντεσ καὶ ὁπόσα χρὴ διακονούμενοι ἅτε παῖδεσ.

τὸ ἐντεῦθεν ὑπὸ τῶν ἱερέων οὐκ αὐτίκα ἐπὶ τὸ μαντεῖον, ἐπὶ δὲ ὕδατοσ πηγὰσ ἄγεται· αἱ δὲ ἐγγύτατά εἰσιν ἀλλήλων. ἐνταῦθα δὴ χρὴ πιεῖν αὐτὸν Λήθησ τε ὕδωρ καλούμενον, ἵνα λήθη γένηταί οἱ πάντων ἃ τέωσ ἐφρόντιζε, καὶ ἐπὶ τῷδε ἄλλο αὖθισ ὕδωρ πίνειν Μνημοσύνησ·

ἀπὸ τούτου τε μνημονεύει τὰ ὀφθέντα οἱ καταβάντι. θεασάμενοσ δὲ ἄγαλμα ὃ ποιῆσαι Δαίδαλόν φασιν ‐ ὑπὸ δὲ τῶν ἱερέων οὐκ ἐπιδείκνυται πλὴν ὅσοι παρὰ τὸν Τροφώνιον μέλλουσιν ἔρχεσθαι ‐ τοῦτο τὸ ἄγαλμα ἰδὼν καὶ θεραπεύσασ τε καὶ εὐξάμενοσ ἔρχεται πρὸσ τὸ μαντεῖον, χιτῶνα ἐνδεδυκὼσ λινοῦν καὶ ταινίαισ τὸν χιτῶνα ἐπιζωσθεὶσ καὶ ὑποδησάμενοσ ἐπιχωρίασ κρηπῖδασ. ἔστι δὲ τὸ μαντεῖον ὑπὲρ τὸ ἄλσοσ ἐπὶ τοῦ ὄρουσ.

κρηπὶσ μὲν ἐν κύκλῳ περιβέβληται λίθου λευκοῦ, περίοδοσ δὲ τῆσ κρηπῖδοσ κατὰ ἅλων τὴν ἐλαχίστην ἐστίν, ὕψοσ δὲ ἀποδέουσα δύο εἶναι πήχεισ· ἐφεστήκασι δὲ ἐπὶ τῇ κρηπῖδι ὀβελοὶ καὶ αὐτοὶ χαλκοῖ καὶ αἱ συνέχουσαι σφᾶσ ζῶναι, διὰ δὲ αὐτῶν θύραι πεποίηνται. τοῦ περιβόλου δὲ ἐντὸσ χάσμα γῆσ ἐστιν οὐκ αὐτόματον ἀλλὰ σὺν τέχνῃ καὶ ἁρμονίᾳ πρὸσ τὸ ἀκριβέστατον ᾠκοδομημένον. τοῦ δὲ οἰκοδομήματοσ τούτου τὸ σχῆμα εἴκασται κριβάνῳ·

τὸ δὲ εὖροσ ἡ διάμετροσ αὐτοῦ τέσσαρασ παρέχοιτο ἂν ὡσ εἰκάσαι πήχεισ· βάθοσ δὲ τοῦ οἰκοδομήματοσ, οὐκ ἂν οὐδὲ τοῦτο εἰκάζοι τισ ἐσ πλέον ὀκτὼ καθήκειν πηχῶν. κατάβασισ δὲ οὐκ ἔστι πεποιημένη σφίσιν ἐσ τὸ ἔδαφοσ· ἐπειδὰν δὲ ἀνὴρ ἔρχηται παρὰ τὸν Τροφώνιον, κλίμακα αὐτῷ κομίζουσι στενὴν καὶ ἐλαφράν.

καταβάντι δέ ἐστιν ὀπὴ μεταξὺ τοῦ τε ἐδάφουσ καὶ τοῦ οἰκοδομήματοσ· σπιθαμῶν τὸ εὖροσ δύο, τὸ δὲ ὕψοσ ἐφαίνετο εἶναι σπιθαμῆσ. ὁ οὖν κατιὼν κατακλίνασ ἑαυτὸν ἐσ τὸ ἔδαφοσ ἔχων μάζασ μεμαγμένασ μέλιτι προεμβάλλει τε ἐσ τὴν ὀπὴν τοὺσ πόδασ καὶ αὐτὸσ ἐπιχωρεῖ, τὰ γόνατά οἱ τῆσ ὀπῆσ ἐντὸσ γενέσθαι προθυμούμενοσ·

τὸ δὲ λοιπὸν σῶμα αὐτίκα ἐφειλκύσθη τε καὶ τοῖσ γόνασιν ἐπέδραμεν, ὥσπερ ποταμῶν ὁ μέγιστοσ καὶ ὠκύτατοσ συνδεθέντα ὑπὸ δίνησ ἀποκρύψειεν <ἂν> ἄνθρωπον. τὸ δὲ ἐντεῦθεν τοῖσ ἐντὸσ τοῦ ἀδύτου γενομένοισ οὐχ εἷσ οὐδὲ ὁ αὐτὸσ τρόποσ ἐστὶν ὅτῳ διδάσκονται τὰ μέλλοντα, ἀλλά πού τισ καὶ εἶδε καὶ ἄλλοσ ἤκουσεν. ἀναστρέψαι δὲ ὀπίσω τοῖσ καταβᾶσι διὰ στομίου τε ἔστι τοῦ αὐτοῦ καὶ προεκθεόντων σφίσι τῶν ποδῶν. ἀποθανεῖν δὲ οὐδένα τῶν καταβάντων λέγουσιν ὅτι μὴ μόνον τῶν Δημητρίου τινὰ δορυφόρων·

τοῦτον δὲ οὔτε ποιῆσαι περὶ τὸ ἱερόν φασιν οὐδὲν τῶν νενομισμένων οὔτε χρησόμενον τῷ θεῷ καταβῆναι, χρυσὸν δὲ καὶ ἄργυρον ἐκκομιεῖν ἐλπίσαντα ἐκ τοῦ ἀδύτου. λέγεται δὲ καὶ τούτου τὸν νεκρὸν ἑτέρωθι ἀναφανῆναι καὶ οὐ κατὰ στόμα ἐκβληθῆναι τὸ ἱερόν. ἐσ μὲν δὴ τὸν ἄνθρωπον λεγομένων καὶ ἄλλων εἴρηταί μοι τὰ ἀξιολογώτατα· τὸν δὲ ἀναβάντα παρὰ τοῦ Τροφωνίου παραλαβόντεσ αὖθισ οἱ ἱερεῖσ καθίζουσιν ἐπὶ θρόνον Μνημοσύνησ μὲν καλούμενον, κεῖται δὲ οὐ πόρρω τοῦ ἀδύτου, καθεσθέντα δὲ ἐνταῦθα ἀνερωτῶσιν ὁπόσα εἶδέ τε καὶ ἐπύθετο·

μαθόντεσ δὲ ἐπιτρέπουσιν αὐτὸν ἤδη τοῖσ προσήκουσιν.

οἱ δὲ ἐσ τὸ οἴκημα, ἔνθα καὶ πρότερον διῃτᾶτο παρά τε Τύχῃ καὶ Δαίμονι ἀγαθοῖσ, ἐσ τοῦτο ἀράμενοι κομίζουσι κάτοχόν τε ἔτι τῷ δείματι καὶ ἀγνῶτα ὁμοίωσ αὑτοῦ τε καὶ τῶν πέλασ. ὕστερον μέντοι τά τε ἄλλα οὐδέν τι φρονήσει μεῖον ἢ πρότερον καὶ γέλωσ ἐπάνεισίν οἱ. γράφω δὲ οὐκ ἀκοὴν ἀλλὰ ἑτέρουσ τε ἰδὼν καὶ αὐτὸσ τῷ Τροφωνίῳ χρησάμενοσ.

τοὺσ δὲ ἐσ τοῦ Τροφωνίου κατελθόντασ, ἀνάγκη σφᾶσ, ὁπόσα ἤκουσεν ἕκαστοσ ἢ εἶδεν, ἀναθεῖναι γεγραμμένα ἐν πίνακι. λείπεται δ’ ἔτι καὶ τοῦ Ἀριστομένουσ ἐνταῦθα ἡ ἀσπίσ· τὰ δὲ ἐσ αὐτὴν ὁποῖα ἐγένετο, ἐδήλωσα ἐν τοῖσ προτέροισ τοῦ λόγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 39

(파우사니아스, Description of Greece, Βοιωτικά, chapter 39)

상위

목록

SEARCH

MENU NAVIGATION