헬라어 문장 검색 - Παυσαν́Δεσξριπ́9́35́

(파우사니아스, Description of Greece, Βοιωτικά, chapter 35)

τὸν δὲ Ἐτεοκλέα λέγουσιν οἱ Βοιωτοὶ Χάρισιν ἀνθρώπων θῦσαι πρῶτον. καὶ ὅτι μὲν τρεῖσ εἶναι Χάριτασ κατεστήσατο ἴσασιν, ὀνόματα δὲ οἱᾶ ἔθετο αὐταῖσ οὐ μνημονεύουσιν· ἐπεὶ Λακεδαιμόνιοί γε εἶναι Χάριτασ δύο καὶ Λακεδαίμονα ἱδρύσασθαι τὸν Ταϋγέτησ φασὶν αὐτὰσ καὶ ὀνόματα θέσθαι Κλήταν καὶ Φαένναν. ἐοικότα μὲν δὴ Χάρισιν ὀνόματα καὶ ταῦτα, ἐοικότα δὲ καὶ παρ’ Ἀθηναίοισ·

τιμῶσι γὰρ ἐκ παλαιοῦ καὶ Ἀθηναῖοι Χάριτασ Αὐξὼ καὶ Ἡγεμόνην. τὸ γὰρ τῆσ Καρποῦσ ἐστὶν οὐ Χάριτοσ ἀλλὰ Ὥρασ ὄνομα· τῇ δὲ ἑτέρᾳ τῶν Ὡρῶν νέμουσιν ὁμοῦ τῇ Πανδρόσῳ τιμὰσ οἱ Ἀθηναῖοι, Θαλλὼ τὴν θεὸν ὀνομάζοντεσ. παρὰ δὲ Ἐτεοκλέουσ τοῦ Ὀρχομενίου μαθόντεσ τρισὶν ἤδη νομίζομεν Χάρισιν εὔχεσθαι·

καὶ Ἀγγελίων τε καὶ Τεκταῖοσὅσοι γε Διονύσου τὸν Ἀπόλλωνα ἐργασάμενοι Δηλίοισ τρεῖσ ἐποίησαν ἐπὶ τῇ χειρὶ αὐτοῦ Χάριτασ· καὶ Ἀθήνῃσι πρὸ τῆσ ἐσ τὴν ἀκρόπολιν ἐσόδου Χάριτέσ εἰσι καὶ αὗται τρεῖσ, παρὰ δὲ αὐταῖσ τελετὴν ἄγουσιν ἐσ τοὺσ πολλοὺσ ἀπόρρητον.

Πάμφωσ μὲν δὴ πρῶτοσ ὧν ἴσμεν ᾖσεν ἐσ Χάριτασ, πέρα δὲ οὔτε ἀριθμοῦ πέρι οὔτε ἐσ τὰ ὀνόματά ἐστιν οὐδὲν αὐτῷ πεποιημένον·

Ὅμηροσ δὲ ‐ ἐμνημόνευσε γὰρ Χαρίτων καὶ οὗτοσ ‐ τὴν μὲν Ἡφαίστου γυναῖκα εἶναι λέγει καὶ ὄνομα αὐτῇ τίθεται Χάριν, Πασιθέασ δὲ εἶναί φησιν ἐραστὴν <Ὕπνον,> ἐν δὲ Ὕπνου τοῖσ λόγοισ τὸ ἔποσ ἐποίησενἦ μέν μοι δώσειν Χαρίτων μίαν ὁπλοτεράων. τούτου δὲ ἕνεκα ὑπόνοια δὴ παρέστη τισὶν ὡσ Χάριτασ ἄρα καὶ πρεσβυτέρασ οἶδεν ἄλλασ Ὅμηροσ. Ἡσίοδοσ δὲ ἐν Θεογονίᾳ ‐ προσιέσθω δὲ ὅτῳ φίλον τὴν Θεογονίαν ‐ , ἐν δ’ οὖν τῇ ποιήσει ταύτῃ τὰσ Χάριτάσ φησιν εἶναι Διόσ τε καὶ Εὐρυνόμησ καί σφισιν ὀνόματα Εὐφροσύνην τε καὶ Ἀγλαί̈αν εἶναι καὶ Θαλίαν.

κατὰ ταὐτὰ δὲ ἐν ἔπεσίν ἐστι τοῖσ Ὀνομακρίτου. Ἀντίμαχοσ δὲ οὔτε ἀριθμὸν Χαρίτων οὔτε ὀνόματα εἰπὼν Αἴγλησ εἶναι θυγατέρασ καὶ Ἡλίου φησὶν αὐτάσ. Ἑρμησιάνακτι δὲ τῷ τὰ ἐλεγεῖα γράψαντι τοσόνδε οὐ κατὰ τὴν τῶν πρότερον δόξαν ἐστὶν αὐτῷ πεποιημένον, ὡσ ἡ Πειθὼ Χαρίτων εἰή καὶ αὐτὴ μία. ὅστισ δὲ ἦν ἀνθρώπων ὁ γυμνὰσ πρῶτοσ Χάριτασ ἤτοι πλάσασ ἢ γραφῇ μιμησάμενοσ, οὐχ οἱο͂́ν τε ἐγένετο πυθέσθαι με, ἐπεὶ τά γε ἀρχαιότερα ἐχούσασ ἐσθῆτα οἵ τε πλάσται καὶ κατὰ ταὐτὰ ἐποίουν οἱ ζωγράφοι·

καὶ Σμυρναίοισ τοῦτο μὲν ἐν τῷ ἱερῷ τῶν Νεμέσεων ὑπὲρ τῶν ἀγαλμάτων χρυσοῦ Χάριτεσ ἀνάκεινται, τέχνη Βουπάλου, τοῦτο δέ σφισιν ἐν τῷ Ωἰδείῳ Χάριτόσ ἐστιν εἰκών, Ἀπελλοῦ γραφή, Περγαμηνοῖσ δὲ ὡσαύτωσ ἐν τῷ Ἀττάλου θαλάμῳ, Βουπάλου καὶ αὗται·

καὶ πρὸσ τῷ ὀνομαζομένῳ Πυθίῳ Χάριτεσ καὶ ἐνταῦθά εἰσι Πυθαγόρου γράψαντοσ Παρίου·

Σωκράτησ τε ὁ Σωφρονίσκου πρὸ τῆσ ἐσ τὴν ἀκρόπολιν ἐσόδου Χαρίτων εἰργάσατο ἀγάλματα Ἀθηναίοισ. καὶ ταῦτα μέν ἐστιν ὁμοίωσ ἅπαντα ἐν ἐσθῆτι, οἱ δὲ ὕστερον ‐ οὐκ οἶδα ἐφ’ ὅτῳ ‐ μεταβεβλήκασι τὸ σχῆμα αὐταῖσ· Χάριτασ γοῦν οἱ κατ’ ἐμὲ ἔπλασσόν τε καὶ ἔγραφον γυμνάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 35

(파우사니아스, Description of Greece, Βοιωτικά, chapter 35)

상위

목록

SEARCH

MENU NAVIGATION