헬라어 문장 검색 - Παυσαν́Δεσξριπ́9́33́

(파우사니아스, Description of Greece, Βοιωτικά, chapter 33)

ἐν Ἁλιάρτῳ δὲ τοῦ τε Λυσάνδρου μνῆμα καὶ Κέκροποσ τοῦ Πανδίονόσ ἐστιν ἡρῷον. τὸ δὲ ὄροσ τὸ Τιλφούσιον καὶ ἡ Τιλφοῦσα καλουμένη πηγὴ σταδίουσ μάλιστα Ἁλιάρτου πεντήκοντα ἀπέχουσι.

λέγεται δὲ ὑπὸ Ἑλλήνων Ἀργείουσ μετὰ τῶν Πολυνείκουσ παίδων ἑλόντασ Θήβασ ἐσ Δελφοὺσ τῷ θεῷ καὶ ἄλλα τῶν λαφύρων καὶ Τειρεσίαν ἄγειν, καὶ ‐ εἴχετο γὰρ δίψῃ ‐ καθ’ ὁδόν φασιν αὐτὸν πιόντα ἀπὸ τῆσ Τιλφούσησ ἀφεῖναι τὴν ψυχήν· καὶ ἔστι τάφοσ αὐτῷ πρὸσ τῇ πηγῇ. τὴν δὲ θυγατέρα τοῦ Τειρεσίου δοθῆναι μέν φασι τῷ Ἀπόλλωνι ὑπὸ τῶν Ἀργείων, προστάξαντοσ δὲ τοῦ θεοῦ ναυσὶν ἐσ τὴν νῦν Ιὠνίαν καὶ Ιὠνίασ ἐσ τὴν Κολοφωνίαν περαιωθῆναι.

καὶ ἡ μὲν αὐτόθι συνῴκησεν ἡ Μαντὼ Ῥακίῳ Κρητί· τὰ δὲ ἄλλα ἐσ Τειρεσίαν, ἐτῶν τε ἀριθμὸν ὧν γεγράφασιν αὐτὸν βιῶναι καὶ ὡσ ἐκ γυναικὸσ ἐσ ἄνδρα ἠλλάγη καὶ ὅτι Ὅμηροσ ἐποίησεν ἐν Ὀδυσσείᾳ συνετὸν εἶναι γνώμην Τειρεσίαν τῶν ἐν Αἵδου μόνον, ταῦτα μὲν καὶ οἱ πάντεσ ἴσασιν ἀκοῇ.

Ἁλιαρτίοισ δέ ἐστιν ἐν ὑπαίθρῳ θεῶν ἱερὸν ἃσ Πραξιδίκασ καλοῦσιν·

ἐνταῦθα ὀμνύουσι μέν, ποιοῦνται δὲ οὐκ ἐπίδρομον τὸν ὁρ́κον. ταύταισ μέν ἐστι πρὸσ τῷ ὄρει τῷ Τιλφουσίῳ τὸ ἱερόν· ἐν Ἁλιάρτῳ δέ εἰσι ναοί, καί σφισιν οὐκ ἀγάλματα ἔνεστιν, οὐκ ὄροφοσ ἔπεστιν· οὐ μὴν οὐδὲ οἷσ τισιν ἐποιήθησαν, οὐδὲ τοῦτο ἠδυνάμην πυθέσθαι. ἔστι δὲ ἐν τῇ Ἁλιαρτίᾳ ποταμὸσ Λόφισ.

λέγεται δὲ τῆσ χώρασ αὐχμηρᾶσ οὔσησ τὸ ἐξ ἀρχῆσ καὶ ὕδατοσ οὐκ ὄντοσ ἐν αὐτῇ ἄνδρα τῶν δυναστευόντων ἐλθόντα ἐσ Δελφοὺσ ἐπερέσθαι τρόπον ὅντινα ὕδωρ εὑρήσουσιν ἐν τῇ γῇ· τὴν δὲ Πυθίαν προστάσσειν, ὃσ ἂν ἐπανήκοντι ἐσ Ἁλίαρτον ἐντύχῃ οἱ πρὸ τῶν ἄλλων, τούτου δεῖν φονέα γενέσθαι αὐτόν. ἐντυχεῖν τε δὴ αὐτῷ παραγενομένῳ τὸν υἱὸν Λόφιν καὶ τὸν οὐ μελλήσαντα τῷ ξίφει τὸν νεανίσκον παῖσαι· καὶ τὸν μὲν ἔτι ἔμπνουν περιθεῖν, ὅπου δὲ ῥυῆναι τὸ αἷμα, ὕδωρ ἐντεῦθεν ἀνεῖναι τὴν γῆν. ἐπὶ τούτῳ μὲν ὁ ποταμὸσ καλεῖται Λόφισ· Ἀλαλκομεναὶ δὲ κώμη μέν ἐστιν οὐ μεγάλη, κεῖται δὲ ὄρουσ οὐκ ἄγαν ὑψηλοῦ πρὸσ τοῖσ ποσὶν ἐσχάτοισ.

γενέσθαι δὲ αὐτῇ τὸ ὄνομα <οἱ> μὲν ἀπὸ Ἀλαλκομενέωσ ἀνδρὸσ αὐτόχθονοσ, ὑπὸ τούτου δὲ Ἀθηνᾶν τραφῆναι λέγουσιν· οἱ δὲ εἶναι καὶ τὴν Ἀλαλκομενίαν τῶν Ὠγύγου θυγατέρων φασίν.

ἀπωτέρω δὲ τῆσ κώμησ ἐπεποίητο ἐν τῷ χθαμαλῷ τῆσ Ἀθηνᾶσ ναὸσ καὶ ἄγαλμα ἀρχαῖον ἐλέφαντοσ. Σύλλα δὲ ἔστι μὲν καὶ τὰ ἐσ Ἀθηναίουσ ἀνήμερα καὶ ἤθουσ ἀλλότρια τοῦ Ῥωμαίων, ἐοικότα δὲ τούτοισ καὶ τὰ ἐσ Θηβαίουσ τε καὶ Ὀρχομενίουσ·

προσεξειργάσατο δὲ καὶ ἐν ταῖσ Ἀλαλκομεναῖσ, τῆσ Ἀθηνᾶσ τὸ ἄγαλμα αὐτὸ συλήσασ. τοῦτον μὲν τοιαῦτα ἔσ τε Ἑλληνίδασ πόλεισ καὶ θεοὺσ τοὺσ Ἑλλήνων ἐκμανέντα ἐπέλαβεν ἀχαριστοτάτη νόσοσ πασῶν· φθειρῶν γὰρ ἤνθησεν, ἥ τε πρότερον εὐτυχία δοκοῦσα ἐσ τοιοῦτο περιῆλθεν αὐτῷ τέλοσ. τὸ δὲ ἱερὸν <τὸ> ἐν ταῖσ Ἀλαλκομεναῖσ ἠμελήθη τὸ ἀπὸ τοῦδε ἅτε ἠρημωμένον τῆσ θεοῦ. ἐγένετο δὲ καὶ ἄλλο ἐπ’ ἐμοῦ τοιόνδε ἐσ κατάλυσιν τοῦ ναοῦ·

κισσόσ οἱ προσπεφυκὼσ μέγασ καὶ ἰσχυρὸσ διέλυσεν ἐκ τῶν ἁρμονιῶν καὶ διέσπα τοὺσ λίθουσ ἀπ’ ἀλλήλων. ῥεῖ δὲ καὶ ποταμὸσ ἐνταῦθα οὐ μέγασ χείμαρροσ· ὀνομάζουσι δὲ Τρίτωνα αὐτόν, ὅτι τὴν Ἀθηνᾶν τραφῆναι παρὰ ποταμῷ Τρίτωνι ἔχει λόγοσ, ὡσ δὴ τοῦτον τὸν Τρίτωνα ὄντα καὶ οὐχὶ τὸν Λιβύων, ὃσ ἐσ τὴν πρὸσ Λιβύῃ θάλασσαν ἐκδίδωσιν ἐκ τῆσ Τριτωνίδοσ λίμνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 33

(파우사니아스, Description of Greece, Βοιωτικά, chapter 33)

상위

목록

SEARCH

MENU NAVIGATION