헬라어 문장 검색 - Παυσαν́Δεσξριπ́9́29́

(파우사니아스, Description of Greece, Βοιωτικά, chapter 29)

ταῦτα μὲν δὴ ἔχοντά ἐστιν οὕτω, θῦσαι δὲ ἐν Ἑλικῶνι Μούσαισ πρώτουσ καὶ ἐπονομάσαι τὸ ὄροσ ἱερὸν εἶναι Μουσῶν Ἐφιάλτην καὶ Ὦτον λέγουσιν, οἰκίσαι δὲ αὐτοὺσ καὶ Ἄσκρην· καὶ δὴ καὶ Ἡγησίνουσ ἐπὶ τῷδε ἐν τῇ Ἀτθίδι ἐποίησεν, Ἄσκρῃ δ’ αὖ παρέλεκτο Ποσειδάων ἐνοσίχθων,ἣ δή οἱ τέκε παῖδα περιπλομένων ἐνιαυτῶνΟἰόκλον, ὃσ πρῶτοσ μετ’ Ἀλωέοσ ἔκτισε παίδωνἌσκρην, ἥ θ’ Ἑλικῶνοσ ἔχει πόδα πιδακόεντα. ταύτην τοῦ Ἡγησίνου τὴν ποίησιν οὐκ ἐπελεξάμην, ἀλλὰ πρότερον ἄρα ἐκλελοιπυῖα ἦν πρὶν ἢ ἐμέ γενέσθαι·

Κάλλιπποσ δὲ Κορίνθιοσ ἐν τῇ ἐσ Ὀρχομενίουσ συγγραφῇ μαρτύρια ποιεῖται τῷ λόγῳ τὰ Ἡγησίνου ἔπη, ὡσαύτωσ δὲ καὶ ἡμεῖσ πεποιήμεθα παρ’ αὐτοῦ Καλλίππου διδαχθέντεσ. Ἄσκρησ μὲν δὴ πύργοσ εἷσ ἐπ’ ἐμοῦ καὶ ἄλλο οὐδὲν ἐλείπετο ἐσ μνήμην, οἱ δὲ τοῦ Ἀλωέωσ παῖδεσ ἀριθμόν τε Μούσασ ἐνόμισαν εἶναι τρεῖσ καὶ ὀνόματα αὐταῖσ ἔθεντο Μελέτην καὶ Μνήμην καὶ Αοἰδήν. χρόνῳ δὲ ὕστερόν φασι Πίερον Μακεδόνα, ἀφ’ οὗ καὶ Μακεδόσιν ὠνόμασται τὸ ὄροσ, τοῦτον ἐλθόντα ἐσ Θεσπιὰσ ἐννέα τε Μούσασ καταστήσασθαι καὶ τὰ ὀνόματα τὰ νῦν μεταθέσθαι σφίσι.

ταῦτα δὲ ἐνόμιζεν οὕτωσ ὁ Πίεροσ ἢ σοφώτερά οἱ εἶναι φανέντα ἢ κατά τι μάντευμα ἢ παρά του διδαχθεὶσ τῶν Θρᾳκῶν· δεξιώτερον γὰρ τά τε ἄλλα ἐδόκει τοῦ Μακεδονικοῦ τὸ ἔθνοσ εἶναι πάλαι τὸ Θρᾴκιον καὶ οὐχ ὁμοίωσ ἐσ τὰ θεῖα ὀλίγωρον. εἰσὶ δ’ οἳ καὶ αὐτῷ θυγατέρασ ἐννέα Πιέρῳ γενέσθαι λέγουσι καὶ τὰ ὀνόματα ἅπερ ταῖσ θεαῖσ τεθῆναι καὶ ταύταισ, καὶ ὅσοι Μουσῶν παῖδεσ ἐκλήθησαν ὑπὸ Ἑλλήνων, θυγατριδοῦσ εἶναι σφᾶσ Πιέρου·

Μίμνερμοσ δέ, ἐλεγεῖα ἐσ τὴν μάχην ποιήσασ τὴν Σμυρναίων πρὸσ Γύγην τε καὶ Λυδούσ, φησὶν ἐν τῷ προοιμίῳ θυγατέρασ Οὐρανοῦ τὰσ ἀρχαιοτέρασ Μούσασ, τούτων δὲ ἄλλασ νεωτέρασ εἶναι Διὸσ παῖδασ.

ἐν Ἑλικῶνι δὲ πρὸσ τὸ ἄλσοσ ἰόντι τῶν Μουσῶν ἐν ἀριστερᾷ μὲν ἡ Ἀγανίππη πηγή ‐ θυγατέρα δὲ εἶναι τὴν Ἀγανίππην τοῦ Τερμησσοῦ λέγουσι, ῥεῖ δὲ καὶ οὗτοσ ὁ Τερμησσὸσ περὶ τὸν Ἑλικῶνα ‐ , τὴν δὲ εὐθεῖαν ἐρχομένῳ πρὸσ τὸ ἄλσοσ ἔστιν εἰκὼν Εὐφήμησ ἐπειργασμένη λίθῳ·

τροφὸν δὲ εἶναι τὴν Εὐφήμην λέγουσι τῶν Μουσῶν. ταύτησ τε οὖν εἰκὼν καὶ μετ’ αὐτὴν Λίνοσ ἐστὶν ἐν πέτρᾳ μικρᾷ σπηλαίου τρόπον εἰργασμένῃ·

τούτῳ κατὰ ἔτοσ ἕκαστον πρὸ τῆσ θυσίασ τῶν Μουσῶν ἐναγίζουσι. λέγεται δὲ ὡσ ὁ Λίνοσ οὗτοσ παῖσ μὲν Οὐρανίασ εἰή καὶ Ἀμφιμάρου τοῦ Ποσειδῶνοσ, μεγίστην δὲ τῶν τε ἐφ’ αὑτοῦ καὶ ὅσοι πρότερον ἐγένοντο λάβοι δόξαν ἐπὶ μουσικῇ, καὶ ὡσ Ἀπόλλων ἀποκτείνειεν αὐτὸν ἐξισούμενον κατὰ τὴν ᾠδήν. ἀποθανόντοσ δὲ τοῦ Λίνου τὸ ἐπ’ αὐτῷ πένθοσ διῆλθεν ἄρα καὶ ἄχρι τῆσ βαρβάρου πάσησ, ὡσ καὶ Αἰγυπτίοισ ᾆσμα γενέσθαι Λίνον·

καλοῦσι δὲ τὸ ᾆσμα Αἰγύπτιοι τῇ ἐπιχωρίῳ φωνῇ Μανέρων. οἱ δὲ Ἕλλησιν ἔπη ποιήσαντεσ, Ὅμηροσ μέν, ἅτε ᾆσμα Ἕλλησιν ὂν ἐπιστάμενοσ τοῦ Λίνου τὰ παθήματα, ἐπὶ τοῦ Ἀχιλλέωσ ἔφη τῇ ἀσπίδι ἄλλα τε ἐργάσασθαι τὸν Ἥφαιστον καὶ κιθαρῳδὸν παῖδα ᾄδοντα τὰ ἐσ Λίνον· τοῖσι δ’ ἐνὶ μέσσοισι πάισ φόρμιγγι λιγείῃἱμερόεν κιθάριζε, Λίνον δ’ ὑπὸ καλὸν ἀείδεν· Πάμφωσ δέ, ὃσ Ἀθηναίοισ τῶν ὕμνων ἐποίησε τοὺσ ἀρχαιοτάτουσ, οὗτοσ ἀκμάζοντοσ ἐπὶ τῷ Λίνῳ τοῦ πένθουσ Οἰτόλινον ἐκάλεσεν αὐτόν.

Σαπφὼ δὲ ἡ Λεσβία τοῦ Οἰτολίνου τὸ ὄνομα ἐκ τῶν ἐπῶν τῶν Πάμφω μαθοῦσα Ἄδωνιν ὁμοῦ καὶ Οἰτόλινον ᾖσεν. Θηβαῖοι δὲ λέγουσι παρὰ σφίσι ταφῆναι τὸν Λίνον, καὶ ὡσ μετὰ τὸ πταῖσμα τὸ ἐν Χαιρωνείᾳ τὸ Ἑλληνικὸν Φίλιπποσ ὁ Ἀμύντου κατὰ δή τινα ὄψιν ὀνείρατοσ τὰ ὀστᾶ ἀνελόμενοσ τοῦ Λίνου κομίσειεν ἐσ Μακεδονίαν· ἐκεῖνον μὲν δὴ αὖθισ ἐξ ἐνυπνίων ἄλλων ὀπίσω τοῦ Λίνου τὰ ὀστᾶ ἐσ Θήβασ ἀποστεῖλαι, τὰ δὲ ἐπιθήματα τοῦ τάφου, καὶ ὅσα σημεῖα ἄλλα ἦν, ἀνὰ χρόνον φασὶν ἀφανισθῆναι.

λέγεται δὲ καὶ ἄλλα τοιάδε ὑπὸ Θηβαίων, ὡσ τοῦ Λίνου τούτου γένοιτο ὕστερον ἕτεροσ Λίνοσ καλούμενοσ Ἰσμηνίου καὶ ὡσ Ἡρακλῆσ ἔτι παῖσ ὢν ἀποκτείνειεν αὐτὸν διδάσκαλον μουσικῆσ ὄντα. ἔπη δὲ οὔτε ὁ Ἀμφιμάρου Λίνοσ οὔτε ὁ τούτου γενόμενοσ ὕστερον ἐποίησαν· ἢ καὶ ποιηθέντα ἐσ τοὺσ ἔπειτα οὐκ ἦλθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 29

(파우사니아스, Description of Greece, Βοιωτικά, chapter 29)

상위

목록

SEARCH

MENU NAVIGATION