헬라어 문장 검색 - Παυσαν́Δεσξριπ́9́28́

(파우사니아스, Description of Greece, Βοιωτικά, chapter 28)

ὁ δὲ Ἑλικὼν ὀρῶν τῶν ἐν τῇ Ἑλλάδι ἐν τοῖσ μάλιστά ἐστιν εὔγεωσ καὶ δένδρων ἡμέρων ἀνάπλεωσ· καὶ οἱ τῆσ ἀνδράχνου θάμνοι παρέχονται τῶν πανταχοῦ καρπὸν αἰξὶν ἥδιστον. λέγουσι δὲ οἱ περὶ τὸν Ἑλικῶνα οἰκοῦντεσ καὶ ἁπάσασ ἐν τῷ ὄρει τὰσ πόασ καὶ τὰσ ῥίζασ ἥκιστα ἐπὶ ἀνθρώπου θανάτῳ φύεσθαι. καὶ ἄλλωσ προσφόροισ ἐπιτύχωσι τοῖσ φαρμάκοισ.

ἔστι μὲν δὴ ὁ ἰὸσ τοῖσ ἀγριωτάτοισ τῶν ὄφεων καὶ ἄλλωσ ὀλέθριοσ ἔσ τε ἀνθρώπουσ καὶ ζῷα ὁμοίωσ τὰ πάντα, συντελοῦσι δὲ οὐχ ἥκιστα ἐσ ἰσχύν σφισι τοῦ ἰοῦ καὶ αἱ νομαί, ἐπεί τοι καὶ ἀνδρὸσ ἀκούσασ οἶδα Φοίνικοσ ὡσ ἐν τῇ ὀρεινῇ τῇ Φοινίκησ ἀγριωτέρουσ τοὺσ ἔχεισ ποιοῦσιν αἱ ῥίζαι.

ἔφη δὲ ἄνθρωπον ἰδεῖν αὐτὸσ ἀποφεύγοντα ὁρμὴν ἔχεωσ, καὶ τὸν μὲν ἐπί τι ἀναδραμεῖν δένδρον, τὸν δὲ ἔχιν, ὡσ ἦλθεν ὕστεροσ, ἀποπνεῦσαι πρὸσ τὸ δένδρον τοῦ ἰοῦ καὶ οὐ ζῆν ἔτι τὸν ἄνθρωπον. τούτου μὲν τοιαῦτα ἤκουσα·

ἐν δὲ τῇ χώρᾳ τῇ Ἀράβων ὅσοι τῶν ἔχεων περὶ τὰ δένδρα τὰ πάλσαμα οἰκοῦσι, τοιάδε ἄλλα ἐσ αὐτοὺσ συμβαίνοντα οἶδα. μέγεθοσ μὲν κατὰ μυρσίνησ θάμνον τὰ πάλσαμά ἐστι, φύλλα δὲ αὐτοῖσ κατὰ τὴν πόαν τὸ σάμψουχον· ἔχεων δὲ τῶν ἐν τῇ Ἀραβίᾳ κατὰ ποσοὺσ καὶ πλείονεσ καὶ ἐλάσσονεσ ὑπὸ ἕκαστον αὐλίζονται δένδρον· τροφὴ γὰρ αὐτοῖσ ὁ τῶν παλσάμων ἐστὶν ὀπὸσ ἡδίστη, καὶ ἔτι καὶ ἄλλωσ τῇ σκιᾷ τῶν φυτῶν χαίρουσιν. ἐπὰν οὖν συλλέγειν τοῦ παλσάμου τὸν ὀπὸν ἀφίκηται τοῖσ Ἄραψιν ὡρ́α, ξύλων δύο ἕκαστοσ σκυτάλασ ἐπὶ τοὺσ ἔχεισ ἐσφέρει, κροτοῦντεσ δὲ τὰ ξύλα ἀπελαύνουσι τοὺσ ἔχεισ·

ἀποκτείνειν δὲ αὐτοὺσ οὐκ ἐθέλουσιν ἱεροὺσ τῶν παλσάμων νομίζοντεσ. ἢν δὲ καὶ ὑπὸ ἔχεων δηχθῆναί τῳ συμβῇ, τὸ μὲν τραῦμά ἐστιν ὁποῖον καὶ ὑπὸ σιδήρου, δεῖμα δὲ ἄπεστι τὸ ἀπὸ τοῦ ἰοῦ· ἅτε γὰρ σιτουμένοισ τοῖσ ἔχεσι μύρων τὸ εὐοσμότατον, μετακεράννυταί σφισιν ἐκ τοῦ θανατώδουσ ἐσ τὸ ἠπιώτερον ὁ ἰόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 28

(파우사니아스, Description of Greece, Βοιωτικά, chapter 28)

상위

목록

SEARCH

MENU NAVIGATION