헬라어 문장 검색 - Παυσαν́Δεσξριπ́9́23́

(파우사니아스, Description of Greece, Βοιωτικά, chapter 23)

Θηβαίοισ δὲ πρὸ τῶν πυλῶν ἐστι τῶν Προιτίδων καὶ τὸ Ιὀλάου καλούμενον γυμνάσιον καὶ στάδιον κατὰ ταὐτὰ τῷ τε ἐν Ὀλυμπίᾳ καὶ τῷ Ἐπιδαυρίων γῆσ χῶμα· ἐνταῦθα δείκνυται καὶ ἡρῷον Ιὀλάου. τελευτῆσαι δὲ ἐν Σαρδοῖ τόν τε Ιὄλαον αὐτὸν καὶ Ἀθηναίων καὶ Θεσπιέων τοὺσ συνδιαβάντασ ὁμολογοῦσι καὶ οἱ Θηβαῖοι. ὑπερβάντι δὲ τοῦ σταδίου τὰ ἐν δεξιᾷ δρόμοσ ἵππων καὶ ἐν αὐτῷ Πινδάρου μνῆμά ἐστι.

Πίνδαρον δὲ ἡλικίαν ὄντα νεανίσκον καὶ ἰόντα ἐσ Θεσπιὰσ θέρουσ ὡρ́ᾳ καύματοσ περὶ μεσοῦσαν μάλιστα ἡμέραν κόποσ καὶ ὕπνοσ ἀπ’ αὐτοῦ κατελάμβανεν· ὁ μὲν δὴ ὡσ εἷχε κατακλίνεται βραχὺ ὑπὲρ τῆσ ὁδοῦ, μέλισσαι δὲ αὐτῷ καθεύδοντι προσεπέτοντό τε καὶ ἔπλασσον πρὸσ τὰ χείλη τοῦ κηροῦ. ἀρχὴ μὲν Πινδάρῳ ποιεῖν ᾄσματα ἐγένετο τοιαύτη·

εὐδοκιμοῦντα δὲ αὐτὸν ἤδη ἀνὰ πᾶσαν τὴν Ἑλλάδα ἐσ πλέον δόξησ ἦρεν ἡ Πυθία ἀνειποῦσα Δελφοῖσ, ὁπόσων ἀπήρχοντο τῷ Ἀπόλλωνι, μοῖραν καὶ Πινδάρῳ τὴν ἴσην ἁπάντων νέμειν. λέγεται δὲ καὶ ὀνείρατοσ ὄψιν αὐτῷ γενέσθαι προήκοντι ἐσ γῆρασ· ἐπιστᾶσα ἡ Περσεφόνη οἱ καθεύδοντι οὐκ ἔφασκεν ὑμνηθῆναι μόνη θεῶν ὑπὸ Πινδάρου, ποιήσειν μέντοι καὶ ἐσ αὐτὴν ᾆσμα Πίνδαρον ἐλθόντα ὡσ αὐτήν.

τὸν μὲν αὐτίκα τὸ χρεὼν ἐπιλαμβάνει πρὶν ἐξήκειν ἡμέραν δεκάτην ἀπὸ τοῦ ὀνείρατοσ, ἦν δὲ ἐν Θήβαισ γυνὴ πρεσβῦτισ γένουσ ἕνεκα προσήκουσα Πινδάρῳ καὶ τὰ πολλὰ μεμελετηκυῖα ᾄδειν τῶν ᾀσμάτων·

ταύτῃ Πίνδαροσ ἐνύπνιον τῇ πρεσβύτιδι ἐπιστὰσ ὕμνον ᾖσεν ἐσ Περσεφόνην, ἡ δὲ αὐτίκα ὡσ ἀπέλιπεν αὐτὴν ὁ ὕπνοσ, ἔγραψε ταῦτα ὁπόσα τοῦ ὀνείρατοσ ἤκουσεν ᾄδοντοσ. ἐν τούτῳ τῷ ᾄσματι ἄλλαι τε ἐσ τὸν Αἵδην εἰσὶν ἐπικλήσεισ καὶ ὁ χρυσήνιοσ, δῆλα ὡσ ἐπὶ τῆσ Κόρησ τῇ ἁρπαγῇ. ἐντεῦθεν ἐσ Ἀκραίφνιόν ἐστιν ὁδὸσ τὰ πλείω πεδιάσ.

εἶναι δὲ ἐξ ἀρχῆσ τε μοῖραν τῆσ Θηβαί̈δοσ τὴν πόλιν φασὶ καὶ ὕστερον διαπεσόντασ Θηβαίων ἐσ αὐτὴν ἄνδρασ εὑρ́ισκον, ἡνίκα Ἀλέξανδροσ ἐποίει τὰσ Θήβασ ἀναστάτουσ· ὑπὸ δὲ ἀσθενείασ καὶ γήρωσ οὐδὲ ἐσ τὴν Ἀττικὴν ἀποσωθῆναι δυνηθέντεσ ἐνταῦθα ᾤκησαν. κεῖται μὲν τὸ πόλισμα ἐν ὄρει τῷ Πτώῳ, θέασ δὲ ἄξια ἐνταῦθα Διονύσου ναόσ ἐστι καὶ ἄγαλμα. προελθόντι δὲ ἀπὸ τῆσ πόλεωσ ἐν δεξιᾷ πέντε που καὶ δέκα σταδίουσ τοῦ Ἀπόλλωνόσ ἐστι τοῦ Πτώου τὸ ἱερόν.

εἶναι δὲ Ἀθάμαντοσ καὶ Θεμιστοῦσ παῖδα τὸν Πτῶον, ἀφ’ οὗ τῷ τε Ἀπόλλωνι ἐπίκλησισ καὶ τῷ ὄρει τὸ ὄνομα ἐγένετο, Ἄσιοσ ἐν τοῖσ ἔπεσιν εἴρηκε. πρὸ δὲ τῆσ Ἀλεξάνδρου καὶ Μακεδόνων ἐπιστρατείασ καὶ ὀλέθρου τοῦ Θηβαίων μαντεῖον ἦν αὐτόθι ἀψευδέσ· ποτε ἄνδρα Εὐρωπέα ‐ ὄνομα δέ οἱ εἶναι Μῦν ‐ , τοῦτον ἀποσταλέντα ὑπὸ Μαρδονίου τὸν Μῦν ἐπερέσθαι τε φωνῇ τῇ σφετέρᾳ καί οἱ χρῆσαι τὸν θεόν, οὐχ ἑλληνίσαντα οὐδὲ αὐτόν, διαλέκτῳ τῇ Καρικῇ.

ὑπερβαλόντων δὲ τὸ ὄροσ τὸ Πτῶον ἔστιν ἐπὶ θαλάσσησ Βοιωτῶν πόλισ Λάρυμνα, γενέσθαι δὲ αὐτῇ τὸ ὄνομά φασιν ἀπὸ Λαρύμνησ τῆσ Κύνου·

τοὺσ δὲ ἀνωτέρω προγόνουσ δηλώσει μοι τὰ ἔχοντα ἐσ Λοκροὺσ τοῦ λόγου. καὶ συνετέλει δὲ ἐσ Ὀποῦντα ἡ Λάρυμνα τὸ ἀρχαῖον· Θηβαίων δὲ ἐπὶ μέγα ἰσχύοσ προελθόντων, τηνικαῦτα ἑκουσίωσ μετετάξαντο ἐσ Βοιωτούσ. Διονύσου δὲ ἐνταῦθα ναὸσ καὶ ἄγαλμα ὀρθὸν πεποίηται. λιμὴν δέ σφισίν ἐστιν ἀγχιβαθήσ, καὶ τὰ ὄρη τὰ ὑπὲρ τὴν πόλιν ὑῶν παρέχεται θήραν ἀγρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 23

(파우사니아스, Description of Greece, Βοιωτικά, chapter 23)

상위

목록

SEARCH

MENU NAVIGATION