헬라어 문장 검색 - Παυσαν́Δεσξριπ́9́22́

(파우사니아스, Description of Greece, Βοιωτικά, chapter 22)

ἐν Τανάγρᾳ δὲ παρὰ τὸ ἱερὸν τοῦ Διονύσου Θέμιδόσ ἐστιν, ὁ δὲ Ἀφροδίτησ, καὶ ὁ τρίτοσ τῶν ναῶν Ἀπόλλωνοσ, ὁμοῦ δὲ αὐτῷ καὶ Ἄρτεμίσ τε καὶ Λητώ. ἐσ δὲ τοῦ Ἑρμοῦ τὰ ἱερὰ τοῦ τε Κριοφόρου καὶ ὃν Πρόμαχον καλοῦσι, τοῦ μὲν ἐσ τὴν ἐπίκλησιν λέγουσιν ὡσ ὁ Ἑρμῆσ σφισιν ἀποτρέψαι νόσον λοιμώδη περὶ τὸ τεῖχοσ κριὸν περιενεγκών, καὶ ἐπὶ τούτῳ Κάλαμισ ἐποίησεν ἄγαλμα Ἑρμοῦ φέροντα κριὸν ἐπὶ τῶν ὤμων· ὃσ δ’ ἂν εἶναι τῶν ἐφήβων προκριθῇ τὸ εἶδοσ κάλλιστοσ, οὗτοσ ἐν τοῦ Ἑρμοῦ τῇ ἑορτῇ περίεισιν ἐν κύκλῳ τὸ τεῖχοσ ἔχων ἄρνα ἐπὶ τῶν ὤμων· τὸν δὲ Ἑρμῆν λέγουσι τὸν Πρόμαχον Ἐρετριέων ναυσὶν ἐξ Εὐβοίασ ἐσ τὴν Ταναγραίαν σχόντων τούσ τε ἐφήβουσ ἐξαγαγεῖν ἐπὶ τὴν μάχην καὶ αὐτὸν ὅτε ἔφηβον στλεγγίδι ἀμυνόμενον μάλιστα ἐργάσασθαι τῶν Εὐβοέων τροπήν.

κεῖται δὲ ἐν τοῦ Προμάχου τῷ ἱερῷ τῆσ τε ἀνδράχνου τὸ ὑπόλοιπον· τραφῆναι δὲ ὑπὸ τῷ δένδρῳ τὸν Ἑρμῆν τούτῳ νομίζουσιν. οὐ πόρρω δὲ θέατρόν τε καὶ πρὸσ αὐτῷ στοὰ πεποίηται. εὖ δέ μοι Ταναγραῖοι νομίσαι τὰ ἐσ τοὺσ θεοὺσ μάλιστα δοκοῦσιν Ἑλλήνων· χωρὶσ μὲν γὰρ αἱ οἰκίαι σφίσι, χωρὶσ δὲ τὰ ἱερὰ ὑπὲρ αὐτὰσ ἐν καθαρῷ τέ ἐστι καὶ ἐκτὸσ ἀνθρώπων. Κορίννησ δέ, ἣ μόνη δὴ ἐν Τανάγρᾳ ᾄσματα ἐποίησε, ταύτησ ἔστι μὲν μνῆμα ἐν περιφανεῖ τῆσ πόλεωσ, ἔστι δὲ ἐν τῷ γυμνασίῳ γραφή, ταινίᾳ τὴν κεφαλὴν ἡ Κόριννα ἀναδουμένη τῆσ νίκησ ἕνεκα ἣν Πίνδαρον ᾄσματι ἐνίκησεν ἐν Θήβαισ.

διαλέκτου τε ἕνεκα, ὅτι ᾖδεν οὐ τῇ φωνῇ τῇ Δωρίδι ὥσπερ ὁ Πίνδαροσ ἀλλὰ ὁποίᾳ συνήσειν ἔμελλον Αἰολεῖσ, καὶ ὅτι ἦν γυναικῶν τότε δὴ καλλίστη τὸ εἶδοσ, εἴ τι τῇ εἰκόνι δεῖ τεκμαίρεσθαι.

ἔστι δὲ καὶ γένη δύο ἐνταῦθα ἀλεκτρυόνων, οἵ τε μάχιμοι καὶ οἱ κόσσυφοι καλούμενοι.

τούτων τῶν κοσσύφων μέγεθοσ μὲν κατὰ τοὺσ Λυδούσ ἐστιν ὄρνιθασ, χρόα δὲ ἐμφερὴσ κόρακι, κάλλαια δὲ καὶ ὁ λόφοσ κατὰ ἀνεμώνην μάλιστα· λευκὰ δὲ σημεῖα οὐ μεγάλα ἐπί τε ἄκρῳ τῷ ῥάμφει καὶ ἐπὶ ἄκρασ ἔχουσι τῆσ οὐρᾶσ. οὗτοι μὲν τοιοῦτο παρέχονται τὸ εἶδοσ, τῆσ δὲ Βοιωτίασ τὰ ἐν ἀριστερᾷ τοῦ Εὐρίπου Μεσσάπιον ὄροσ καλούμενον καὶ ὑπ’ αὐτῷ Βοιωτῶν ἐπὶ θαλάσσησ πόλισ ἐστὶν Ἀνθηδών·

γενέσθαι δὲ τῇ πόλει τὸ ὄνομα οἱ μὲν ἀπὸ Ἀνθηδόνοσ νύμφησ, οἱ δὲ Ἄνθαν δυναστεῦσαι λέγουσιν ἐνταῦθα, Ποσειδῶνόσ τε παῖδα καὶ Ἀλκυόνησ τῆσ Ἄτλαντοσ. Ἀνθηδονίοισ δὲ μάλιστά που κατὰ μέσον τῆσ πόλεωσ Καβείρων ἱερὸν καὶ ἄλσοσ περὶ αὐτό ἐστι, πλησίον <δὲ> Δήμητροσ καὶ τῆσ παιδὸσ ναὸσ καὶ ἀγάλματα λίθου λευκοῦ· Διονύσου τε ἱερὸν πεποίηται καὶ ἄγαλμα πρὸ τῆσ πόλεωσ κατὰ τὸ ἐσ τὴν ἤπειρον.

ἐνταῦθά εἰσι μὲν τάφοι τῶν Ἰφιμεδείασ καὶ Ἀλωέωσ παίδων· γενέσθαι δέ σφισι τοῦ βίου τὴν τελευτὴν ὑπὸ Ἀπόλλωνοσ κατὰ τὰ αὐτὰ Ὅμηροσ πεποιήκασι καὶ Πίνδαροσ, <προστίθησι δὲ Πίνδαροσ,> ὡσ ἐπιλάβοι τὸ χρεὼν αὐτοὺσ ἐν Νάξῳ τῇ ὑπὲρ Πάρου κειμένῃ. θαλάσσῃ καλούμενον Γλαύκου πήδημα·

εἶναι δὲ αὐτὸν ἁλιέα, καὶ ἐπεὶ τῆσ πόασ ἔφαγε, δαίμονα ἐν θαλάσσῃ γενέσθαι καὶ ἀνθρώποισ τὰ ἐσόμενα ἐσ τόδε προλέγειν οἵ τε ἄλλοι πιστὰ ἥγηνται καὶ οἱ τὴν θάλασσαν πλέοντεσ πλεῖστα ἀνθρώπων ἐσ τὴν Γλαύκου μαντικὴν κατὰ ἔτοσ ἕκαστον λέγουσι.

Πινδάρῳ δὲ καὶ Αἰσχύλῳ πυνθανομένοισ παρὰ Ἀνθηδονίων, τῷ μὲν οὐκ ἐπὶ πολὺ ἐπῆλθεν ᾆσαι τὰ ἐσ Γλαῦκον, Αἰσχύλῳ δὲ καὶ ἐσ ποίησιν δράματοσ ἐξήρκεσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 22

(파우사니아스, Description of Greece, Βοιωτικά, chapter 22)

상위

목록

SEARCH

MENU NAVIGATION