헬라어 문장 검색 - Παυσαν́Δεσξριπ́9́20́

(파우사니아스, Description of Greece, Βοιωτικά, chapter 20)

ἔστι δὲ τῆσ Ταναγραίασ ἐπὶ θαλάσσῃ καλούμενον Δήλιον· ἐν δὲ αὐτῷ καὶ Ἀρτέμιδοσ καὶ Λητοῦσ ἐστιν ἀγάλματα. Ταναγραῖοι δὲ οἰκιστήν σφισι Ποίμανδρον γενέσθαι λέγουσι Χαιρησίλεω παῖδα τοῦ Ιἀσίου τοῦ Ἐλευθῆροσ, τὸν δ’ Ἀπόλλωνόσ τε καὶ Αἰθούσησ εἶναι τῆσ Ποσειδῶνοσ. Ποίμανδρον δὲ γυναῖκά φασιν ἀγαγέσθαι Τάναγραν θυγατέρα Αἰόλου· Κορίννῃ δέ ἐστιν ἐσ αὐτὴν πεποιημένα Ἀσωποῦ παῖδα εἶναι. ταύτησ τοῦ βίου προελθούσησ ἐπὶ μακρότατον τοὺσ περιοίκουσ φασὶν ἀφελόντασ τὸ ὄνομα τήν τε γυναῖκα αὐτὴν καλεῖν Γραῖαν καὶ ἀνὰ χρόνον τὴν πόλιν·

διαμεῖναί τε τὸ ὄνομα ἐσ τοσοῦτον ὡσ καὶ Ὅμηρον ἐν καταλόγῳ ποιῆσαιΘέσπειαν Γραῖάν τε καὶ εὐρύχορον Μυκαλησσόν. χρόνῳ δὲ ὕστερον τὸ ὄνομα τὸ ἀρχαῖον ἀνεσώσαντο. ἔστι δ’ Ὠρίωνοσ μνῆμα ἐν Τανάγρᾳ καὶ ὄροσ Κηρύκιον, ἔνθα Ἑρμῆν τεχθῆναι λέγουσι, Πόλοσ τε ὀνομαζόμενον χωρίον·

ἐνταῦθα Ἄτλαντα καθήμενον πολυπραγμονεῖν τά τε ὑπὸ γῆσ φασι καὶ τὰ οὐράνια, πεποιῆσθαι δὲ καὶ Ὁμήρῳ περὶ τούτου,Ἄτλαντοσ θυγάτηρ ὀλοόφρονοσ, ὅστε θαλάσσησπάσησ βένθεα οἶδεν, ἔχει δέ τε κίονασ αὐτόσμακράσ, αἳ γαῖάν τε καὶ οὐρανὸν ἀμφὶσ ἔχουσιν. ἐν δὲ τοῦ Διονύσου τῷ ναῷ θέασ μὲν καὶ τὸ ἄγαλμα ἄξιον λίθου τε ὂν Παρίου καὶ ἔργον Καλάμιδοσ, θαῦμα δὲ παρέχεται μεῖζον ἔτι ὁ Τρίτων.

ὁ μὲν δὴ σεμνότεροσ ἐσ αὐτὸν λόγοσ τὰσ γυναῖκάσ φησι τὰσ Ταναγραίων πρὸ τῶν Διονύσου ὀργίων ἐπὶ θάλασσαν καταβῆναι καθαρσίων ἕνεκα, νηχομέναισ δὲ ἐπιχειρῆσαι τὸν Τρίτωνα καὶ τὰσ γυναῖκασ εὔξασθαι Διόνυσόν σφισιν ἀφικέσθαι βοηθόν, ὑπακοῦσαί τε δὴ τὸν θεὸν καὶ τοῦ Τρίτωνοσ κρατῆσαι τῇ μάχῃ· ὁ δὲ ἕτεροσ λόγοσ ἀξιώματι μὲν ἀποδεῖ τοῦ προτέρου, πιθανώτεροσ δέ ἐστι.

φησὶ γὰρ δὴ οὗτοσ, ὁπόσα ἐλαύνοιτο ἐπὶ θάλασσαν βοσκήματα, ὡσ ἐλόχα τε ὁ Τρίτων καὶ ἡρ́παζεν· ἐπιχειρεῖν δὲ αὐτὸν καὶ τῶν πλοίων τοῖσ λεπτοῖσ, ἐσ ὃ οἱ Ταναγραῖοι κρατῆρα οἴνου προτιθέασιν αὐτῷ. καὶ τὸν αὐτίκα ἔρχεσθαι λέγουσιν ὑπὸ τῆσ ὀσμῆσ, πιόντα δὲ ἐρρῖφθαι κατὰ τῆσ ᾐόνοσ ὑπνωμένον, Ταναγραῖον δὲ ἄνδρα πελέκει παίσαντα ἀποκόψαι τὸν αὐχένα αὐτοῦ· καὶ διὰ τοῦτο οὐκ ἔπεστιν αὐτῷ κεφαλή. ὅτι δὲ μεθυσθέντα εἷλον, ἐπὶ τούτῳ ὑπὸ Διονύσου νομίζουσιν ἀποθανεῖν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 20

(파우사니아스, Description of Greece, Βοιωτικά, chapter 20)

상위

목록

SEARCH

MENU NAVIGATION