헬라어 문장 검색 - Παυσαν́Δεσξριπ́9́16́

(파우사니아스, Description of Greece, Βοιωτικά, chapter 16)

οὐ πόρρω δέ ἐστι ναὸσ Ἄμμωνοσ, καὶ τὸ ἄγαλμα ἀνέθηκε μὲν Πίνδαροσ, Καλάμιδοσ δέ ἐστιν ἔργον. ἀπέπεμψε δὲ ὁ Πίνδαροσ καὶ Λιβύησ ἐσ Ἀμμωνίουσ τῷ Ἄμμωνι ὕμνον· οὗτοσ καὶ ἐσ ἐμὲ ἦν ὁ ὕμνοσ ἐν τριγώνῳ στήλῃ παρὰ τὸν βωμόν, ὃν Πτολεμαῖοσ ὁ Λάγου τῷ Ἄμμωνι ἀνέθηκε. Θηβαίοισ δὲ μετὰ τοῦ Ἄμμωνοσ τὸ ἱερὸν οἰωνοσκοπεῖόν τε Τειρεσίου καλούμενον καὶ πλησίον Τύχησ ἐστὶν ἱερόν· φέρει μὲν δὴ Πλοῦτον παῖδα·

ὡσ δὲ Θηβαῖοι λέγουσι, χεῖρασ μὲν τοῦ ἀγάλματοσ καὶ πρόσωπον Ξενοφῶν εἰργάσατο Ἀθηναῖοσ, Καλλιστόνικοσ δὲ τὰ λοιπὰ ἐπιχώριοσ. σοφὸν μὲν δὴ καὶ τούτοισ τὸ βούλευμα, ἐσθεῖναι Πλοῦτον ἐσ τὰσ χεῖρασ ἅτε μητρὶ ἢ τροφῷ τῇ Τύχῃ, σοφὸν δὲ οὐχ ἧσσον τὸ Κηφισοδότου· καὶ γὰρ οὗτοσ τῆσ Εἰρήνησ τὸ ἄγαλμα Ἀθηναίοισ Πλοῦτον ἔχουσαν πεποίηκεν. Ἀφροδίτησ δὲ Θηβαίοισ ξόανά ἐστιν οὕτω δὴ ἀρχαῖα ὥστε καὶ ἀναθήματα Ἁρμονίασ εἶναί φασιν αὐτά, ἐργασθῆναι δὲ αὐτὰ ἀπὸ τῶν ἀκροστολίων, ἃ ταῖσ Κάδμου ναυσὶν ἦν ξύλου πεποιημένα.

καλοῦσι δὲ Οὐρανίαν, τὴν δὲ αὐτῶν Πάνδημον καὶ Ἀποστροφίαν τὴν τρίτην· ἔθετο δὲ τῇ Ἀφροδίτῃ τὰσ ἐπωνυμίασ ἡ Ἁρμονία, τὴν μὲν Οὐρανίαν ἐπὶ ἔρωτι καθαρῷ καὶ ἀπηλλαγμένῳ πόθου σωμάτων, Πάνδημον δὲ ἐπὶ ταῖσ μίξεσι, τρίτα δὲ Ἀποστροφίαν, ἵνα ἐπιθυμίασ τε ἀνόμου καὶ ἔργων ἀνοσίων ἀποστρέφῃ τὸ γένοσ τῶν ἀνθρώπων· ὁποῖα καὶ ὕστερον ἐπὶ τῇ Ἀδώνιδοσ μητρὶ καὶ ἐσ Φαίδραν τε τὴν Μίνω καὶ ἐσ τὸν Θρᾷκα Τηρέα ᾄδεται.

τὸ δὲ τῆσ Δήμητροσ ἱερὸν τῆσ Θεσμοφόρου Κάδμου καὶ τῶν ἀπογόνων οἰκίαν ποτὲ εἶναι λέγουσι·

Δήμητροσ δὲ ἄγαλμα ὅσον ἐσ στέρνα ἐστὶν ἐν τῷ φανερῷ. καὶ ἀσπίδεσ ἐνταῦθα ἀνάκεινται χαλκαῖ· Λακεδαιμονίων δέ, ὁπόσοι τῶν ἐν τέλει περὶ Λεῦκτρα ἐτελεύτησαν, φασὶν εἶναι. πρὸσ δὲ ταῖσ καλουμέναισ πύλαισ Προιτίσι θέατρον ᾠκοδόμηται, καὶ ἐγγυτάτω τοῦ θεάτρου Διονύσου ναόσ ἐστιν ἐπίκλησιν Λυσίου·

Θηβαίων γὰρ αἰχμαλώτουσ ἄνδρασ ἐχομένουσ ὑπὸ Θρᾳκῶν, ὡσ ἀγόμενοι κατὰ τὴν Ἁλιαρτίαν ἐγίνοντο, ἔλυσεν ὁ θεὸσ καὶ ἀποκτεῖναί σφισι τοὺσ Θρᾷκασ παρέδωκεν ὑπνωμένουσ. ἐνταῦθα οἱ Θηβαῖοι τὸ ἕτερον τῶν ἀγαλμάτων φασὶν εἶναι Σεμέλησ· ἐνιαυτοῦ δὲ ἅπαξ ἑκάστου τὸ ἱερὸν ἀνοιγνύναι φασὶν ἐν ἡμέραισ τακταῖσ. καὶ οἰκίασ τῆσ Λύκου τὰ ἐρείπια καὶ Σεμέλησ μνῆμά ἐστιν, Ἀλκμήνησ δὲ οὐ μνῆμα·

γενέσθαι δὲ αὐτὴν ὡσ ἀπέθανε λίθον φασὶν ἐξ ἀνθρώπου, καὶ Μεγαρεῦσι τὰ ἐσ αὐτὴν οὐχ ὁμολογοῦσι· διάφορα δὲ καὶ τὰ λοιπὰ ὡσ τὸ πολὺ ἀλλήλοισ λέγουσιν Ἕλληνεσ. Θηβαίοισ δὲ ἐνταῦθα καὶ τὰ μνήματα πεποίηται τῶν Ἀμφίονοσ παίδων, χωρὶσ μὲν τῶν ἀρσένων, ἰδίᾳ δὲ ταῖσ παρθένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 16

(파우사니아스, Description of Greece, Βοιωτικά, chapter 16)

상위

목록

SEARCH

MENU NAVIGATION