헬라어 문장 검색 - Παυσαν́Δεσξριπ́9́13́

(파우사니아스, Description of Greece, Βοιωτικά, chapter 13)

τῷ δ’ Ἐπαμινώνδᾳ τὰ μὲν τῶν προγόνων ὑπῆρχεν ἐσ γένουσ δόξαν, ὁ δέ οἱ πατὴρ χρημάτων ἕνεκα μέσου ἀνδρὸσ ἀπέδει Θηβαίου· διδάγματα δὲ αὐτοῖσ τά τε ἐπιχώρια ἔμαθεν ἐσ τὸ ἀκριβέστατον καὶ ὡσ ἤδη μειράκιον ἦν ἐφοίτησεν ὡσ Λῦσιν, ἄνδρα γένοσ μὲν Ταραντῖνον, ἐπιστάμενον δὲ τοὺσ Πυθαγόρου τοῦ Σαμίου λόγουσ. λέγεται δὲ ὁ Ἐπαμινώνδασ, ἡνίκα ἐπολέμουν Λακεδαιμόνιοι Μαντινεῦσι, πεμφθῆναι σὺν ἄλλοισ ἀνδράσιν ἐκ Θηβῶν Λακεδαιμονίοισ ἐπαμύνειν· ἐσ ἅπαν ἀφικόμενοσ κινδύνου.

χρόνῳ δὲ ὕστερον κατὰ πρεσβείαν ἐσ Σπάρτην ἥκοντα Ἐπαμινώνδαν, ὅτε Λακεδαιμόνιοι συντίθεσθαι τοῖσ Ἕλλησιν ἔφασαν εἰρήνην <τὴν> ἐπὶ Ἀνταλκίδου καλουμένην, τηνικαῦτα Ἐπαμινώνδαν ἤρετο Ἀγησίλαοσ, εἰ κατὰ πόλιν ὀμνύναι Βοιωτοὺσ ἐάσουσιν ὑπὲρ τῆσ εἰρήνησ·

"οὐ πρότερόν γε" εἶπεν "ὦ Σπαρτιᾶται, πρὶν ἢ καὶ τοὺσ περιοίκουσ ὀμνύοντασ κατὰ πόλιν ἴδωμεν τοὺσ ὑμετέρουσ" . ὡσ δὲ ὁ Λακεδαιμονίων καὶ Θηβαίων ἐξῆρτο ἤδη πόλεμοσ καὶ οἱ Λακεδαιμόνιοι δυνάμει καὶ αὑτῶν καὶ τῶν συμμάχων ἐπὶ τοὺσ Θηβαίουσ ᾔεσαν, Ἐπαμινώνδασ μὲν ἔχων τοῦ στρατοῦ μοῖραν ἀντεκάθητο ὑπὲρ τῆσ Κηφισίδοσ λίμνησ ὡσ ποιησομένων ταύτῃ Πελοποννησίων τὴν ἐσβολήν, Κλεόμβροτοσ δὲ ὁ Λακεδαιμονίων βασιλεὺσ ἐπὶ Ἀμβρόσσου τρέπεται τῆσ Φωκέων·

ἀποκτείνασ δὲ Χαιρέαν, ὃσ φυλάσσειν διετέτακτο τὰσ παρόδουσ, καὶ ἄλλουσ τοὺσ σὺν αὐτῷ Θηβαίουσ, ὑπερέβη καὶ ἐσ Λεῦκτρα ἀφικνεῖται τὰ Βοιώτια. ἐνταῦθα καὶ αὐτῷ Κλεομβρότῳ καὶ Λακεδαιμονίων τῷ κοινῷ σημεῖα ἐγένετο ἐκ τοῦ θεοῦ.

τοῖσ βασιλεῦσιν αὐτῶν ἐσ τὰσ ἐξόδουσ πρόβατα εἵπετο θεοῖσ τε εἶναι θυσίασ καὶ πρὸ τῶν ἀγώνων καλλιερεῖν· ταῖσ δὲ ποίμναισ ἡγεμόνεσ τῆσ πορείασ ἦσαν αἶγεσ, κατοιάδασ οἱ ποιμένεσ ὀνομάζουσιν αὐτάσ. τότε οὖν ὁρμήσαντεσ ἐσ τὴν ποίμνην λύκοι τοῖσ μὲν προβάτοισ ἐγίνοντο οὐδὲν βλάβοσ, οἱ δὲ τὰσ αἶγασ τὰσ κατοιάδασ ἔκτεινον. ἐλέγετο δὲ καὶ μήνιμα ἐσ τοὺσ Λακεδαιμονίουσ ἐκ τῶν θυγατέρων εἶναι τῶν Σκεδάσου.

Σκεδάσῳ γὰρ περὶ Λεῦκτρα οἰκοῦντι θυγατέρεσ Μολπία γίνεται καὶ Ἱππώ· ταύτασ ἐσ ὡρ́αν ἤδη προηκούσασ Λακεδαιμονίων ἄνδρεσ βιάζονται παρὰ θέμιδασ καὶ Φρουραρχίδασ καὶ Παρθένιοσ. καὶ αἵ τε παρθένοι παραυτίκα ‐ οὐ γάρ σφισιν ἀνεκτὰ ἐφαίνετο εἶναι τὰ τῆσ ὕβρεωσ ‐ ἀπάγχουσιν αὑτάσ·

καὶ ὁ Σκέδασοσ, ὡσ ἐσ Λακεδαίμονα ἐλθόντι οὐδεμία ἐγένετο αὐτῷ δίκη, οὕτωσ ἐσ τὰ Λεῦκτρα ἐπανήκων αὑτὸν διεργάζεται. τότε δὲ ὁ Ἐπαμινώνδασ Σκεδάσῳ καὶ ταῖσ παισὶν ἐνήγιζέ τε καὶ εὔχετο, ὡσ οὐ μᾶλλον ὑπὲρ σωτηρίασ Θηβαίων ἢ καὶ τιμωρίασ ἐκείνων τὸν ἀγῶνα ἐσόμενον.

τῶν δὲ βοιωταρχούντων οὐ κατὰ ταὐτὰ ἐγίνοντο αἱ γνῶμαι, διεστηκυῖαι δὲ πολὺ ἀπ’ ἀλλήλων· Ἐπαμινώνδᾳ μὲν γὰρ ἤρεσκε καὶ Μάλγιδι καὶ Ξενοκράτει κατὰ τάχοσ πρὸσ τοὺσ Λακεδαιμονίουσ ποιεῖσθαι μάχην, Δαμοκλείδασ δὲ καὶ Δαμόφιλοσ καὶ Σιμάγγελοσ συμβάλλειν μὲν οὐκ εἰών, ἐκέλευον δὲ ὑπεκθεμένουσ ἐσ τὴν Ἀττικὴν γυναῖκασ καὶ παῖδασ ὡσ πολιορκησομένουσ αὐτοὺσ παρασκευάζεσθαι. τῶν μὲν δὴ ἓξ ἐσ τοσοῦτον ἦν κεχωρισμένα τὰ βουλεύματα·

προσγενομένησ δὲ ψήφου τοῖσ περὶ τὸν Ἐπαμινώνδαν τοῦ ἑβδόμου τῶν Βοιωταρχῶν, ὃσ ἐφρούρει μὲν τὴν κατὰ τὸν Κιθαιρῶνα ἐσβολήν, ὄνομα δὲ ἦν οἱ Βραχυλλίδησ, τούτου τοῦ ἀνδρόσ, ὡσ ἐπανῆλθεν ἐσ τὸ στρατόπεδον, προσθεμένου τοῖσ περὶ τὸν Ἐπαμινώνδαν, τότε καὶ πᾶσιν ἐδέδοκτο ἀγῶνι διακρίνεσθαι. τῷ δὲ Ἐπαμινώνδᾳ καὶ ἐσ ἄλλουσ Βοιωτῶν ὕποπτα ἦν, ἐσ δὲ τοὺσ Θεσπιεῖσ καὶ περισσότερον·

δείσασ οὖν μὴ σφᾶσ παρὰ τὸ ἔργον προδῶσιν, ἀποχώρησιν παρεῖχεν ἀπὸ στρατοπέδου τοῖσ ἐθέλουσιν οἴκαδε· καὶ οἱ Θεσπιεῖσ τε ἀπαλλάσσονται πανδημεὶ καὶ εἴ τισιν ἄλλοισ Βοιωτῶν ὑπῆν δύσνοια ἐσ τοὺσ Θηβαίουσ.

ὡσ δὲ ἐσ χεῖρασ συνῄεσαν, ἐνταῦθα οἱ σύμμαχοι τῶν Λακεδαιμονίων ἅτε αὐτοῖσ καὶ τὸν πρὸ τοῦ χρόνον οὐκ ἀρεσκόμενοι τὸ ἔχθοσ μάλιστα ἐπεδείκνυντο, οὔτε κατὰ χώραν μένειν ἐθέλοντεσ, ἐνδιδόντεσ δὲ ὅπῃ σφίσιν οἱ πολέμιοι προσφέροιντο.

αὐτοὺσ δὲ Λακεδαιμονίουσ καὶ Θηβαίουσ ἐξ ἴσου καθίστη τοὺσ μὲν ἐμπειρία τε ἡ προϋπάρχουσα καὶ ἅμα αἰδουμένουσ μὴ καταλῦσαι τῆσ Σπάρτησ τὸ ἀξίωμα, Θηβαῖοι δὲ ὑπὲρ τῆσ πατρίδοσ καὶ πρὸ γυναικῶν καὶ παίδων τὸν κίνδυνον ἐφεστηκότα ἑώρων. ὡσ δὲ ἄλλοι τε Λακεδαιμονίων τῶν ἐν τέλει καὶ ὁ βασιλεὺσ ἐτεθνήκει Κλεόμβροτοσ, ἐνταῦθα καὶ τοὺσ Σπαρτιάτασ καὶ ταλαιπωρουμένουσ ἐπελάμβανεν ἀνάγκη μὴ ἐνδιδόναι·

παρὰ γὰρ τοῖσ Λακεδαιμονίοισ αἴσχιστον ἐδέδοκτο εἶναι βασιλέωσ νεκρὸν ἐπὶ ἀνδράσι πολεμίοισ γενόμενον περιοφθῆναι. Θηβαίοισ μὲν ἡ νίκη κατείργαστο ἐπιφανέστατα πασῶν ὁπόσασ κατὰ Ἑλλήνων ἀνείλοντο Ἕλληνεσ·

Λακεδαιμόνιοι δὲ ἐσ τὴν ὑστεραίαν τοὺσ τεθνεῶτασ διενοοῦντο ὡσ θάψοντεσ καὶ ἀποστέλλουσι κήρυκα ἐσ τοὺσ Θηβαίουσ. Ἐπαμινώνδασ δέ, ἐπιστάμενοσ ὡσ ἐπικρύπτεσθαι τὰσ συμφορὰσ ἀεί ποτε οἱ Λακεδαιμόνιοι πεφύκασιν, ἔφασκεν ἀναίρεσιν τῶν νεκρῶν προτέροισ αὐτῶν διδόναι τοῖσ συμμάχοισ, ἐπὶ δὲ ἐκείνοισ ἀνελομένοισ οὕτω καὶ τοὺσ Λακεδαιμονίουσ ἠξίου θάπτειν τοὺσ αὑτῶν. ὡσ δὲ τῶν συμμάχων οἱ μὲν οὐδὲ ἀρχὴν ἀνῃροῦντο ἅτε οὐ τεθνεῶτόσ σφισιν οὐδενόσ, τῶν δὲ ὀλίγον ἐφαίνετο εἶναι τὸ διεφθαρμένον, οὕτω Λακεδαιμόνιοί τε ἔθαπτον τοὺσ αὑτῶν καὶ ἤδη Σπαρτιάτασ ἐξελήλεγκτο εἶναι τοὺσ κειμένουσ.

ἀπέθανον δὲ Θηβαίων τε καὶ ὅσοι παρέμειναν Βοιωτῶν ἑπτὰ καὶ τεσσαράκοντα ἄνδρεσ, Λακεδαιμονίων δὲ αὐτῶν πλείουσ ἢ χίλιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 13

(파우사니아스, Description of Greece, Βοιωτικά, chapter 13)

상위

목록

SEARCH

MENU NAVIGATION