헬라어 문장 검색 - Παυσαν́Δεσξριπ́9́11́

(파우사니아스, Description of Greece, Βοιωτικά, chapter 11)

ἐν ἀριστερᾷ δὲ τῶν πυλῶν, ἃσ ὀνομάζουσιν Ἠλέκτρασ, οἰκίασ ἐστὶν ἐρείπια ἔνθα οἰκῆσαί φασιν Ἀμφιτρύωνα διὰ τὸν Ἠλεκτρύωνοσ θάνατον φεύγοντα ἐκ Τίρυνθοσ· καὶ τῆσ Ἀλκμήνησ ἐστὶν ἔτι ὁ θάλαμοσ ἐν τοῖσ ἐρειπίοισ δῆλοσ. οἰκοδομῆσαι δὲ αὐτὸν τῷ Ἀμφιτρύωνι Τροφώνιόν φασι καὶ Ἀγαμήδην, καὶ ἐπίγραμμα ἐπ’ αὐτῷ ἐπιγραφῆναι τόδε· Ἀμφιτρύων ὅτ’ ἔμελλ’ ἀγαγέσθαι δεῦρο γυναῖκαἈλκμήνην, θάλαμόν γ’ εἱλίξατο τοῦτον ἑαυτῷ· Ἀγχάσιοσ δ’ ἐποίησε Τροφώνιοσ ἠδ’ Ἀγαμήδησ. τοῦτο μὲν ἐνταῦθα οἱ Θηβαῖοι γραφῆναι λέγουσιν·

ἐπιδεικνύουσι δὲ Ἡρακλέουσ τῶν παίδων τῶν ἐκ Μεγάρασ μνῆμα, οὐδέν τι ἀλλοίωσ τὰ ἐσ τὸν θάνατον λέγοντεσ ἢ Στησίχοροσ ὁ Ἱμεραῖοσ καὶ Πανύασσισ ἐν τοῖσ ἔπεσιν ἐποίησαν. Θηβαῖοι δὲ καὶ τάδε ἐπιλέγουσιν, ὡσ Ἡρακλῆσ ὑπὸ τῆσ μανίασ καὶ Ἀμφιτρύωνα ἔμελλεν ἀποκτιννύναι, πρότερον δὲ ἄρα ὕπνοσ ἐπέλαβεν αὐτὸν ὑπὸ τοῦ λίθου τῆσ πληγῆσ·

Ἀθηνᾶν δὲ εἶναι τὴν ἐπαφεῖσάν οἱ τὸν λίθον τοῦτον ὅντινα Σωφρονιστῆρα ὀνομάζουσιν. ἐνταῦθά εἰσιν ἐπὶ τύπου γυναικῶν εἰκόνεσ·

ἀμυδρότερα ἤδη τὰ ἀγάλματα· ταύτασ καλοῦσιν οἱ Θηβαῖοι Φαρμακίδασ, πεμφθῆναι δὲ ὑπὸ τῆσ Ἤρασ φασὶν ἐμπόδια εἶναι ταῖσ ὠδῖσιν Ἀλκμήνησ. αἱ μὲν δὴ ἐπεῖχον Ἀλκμήνην μὴ τεκεῖν· Τειρεσίου δὲ θυγατρὶ Ἱστορίδι σόφισμα ἔπεισιν ἐσ τὰσ Φαρμακίδασ, <ἐσ> ἐπήκοον αὐτῶν ὀλολύξαι, τετοκέναι γὰρ τὴν Ἀλκμήνην· οὕτω τὰσ μὲν ἀπατηθείσασ ἀπελθεῖν, τὴν δὲ Ἀλκμήνην τεκεῖν φασιν. ἐνταῦθα Ἡρακλεῖόν ἐστιν, ἄγαλμα δὲ τὸ μὲν λίθου λευκοῦ Πρόμαχοσ καλούμενον, ἔργον δὲ Ξενοκρίτου καὶ Εὐβίου Θηβαίων·

τὸ δὲ ξόανον τὸ ἀρχαῖον Θηβαῖοί τε εἶναι Δαιδάλου νενομίκασι καὶ αὐτῷ μοι παρίστατο ἔχειν οὕτω. τοῦτον ἀνέθηκεν αὐτόσ, ὡσ λέγεται, Δαίδαλοσ ἐκτίνων εὐεργεσίασ χάριν. ἡνίκα γὰρ ἔφευγεν ἐκ Κρήτησ πλοῖα οὐ μεγάλα αὑτῷ καὶ τῷ παιδὶ Ἰκάρῳ ποιησάμενοσ, πρὸσ δὲ καὶ ταῖσ ναυσίν, ὃ μή πω τοῖσ τότε ἐξεύρητο, ἱστία ἐπιτεχνησάμενοσ, ὡσ τοῦ Μίνω ναυτικοῦ τὴν εἰρεσίαν φθάνοιεν ἐπιφόρῳ τῷ ἀνέμῳ χρώμενοι, τότε αὐτὸσ μὲν σώζεται Δαίδαλοσ, Ἰκάρῳ δὲ κυβερνῶντι ἀμαθέστερον ἀνατραπῆναι τὴν ναῦν λέγουσιν· ἀποπνιγέντα δὲ ἐξήνεγκεν ὁ κλύδων ἐσ τὴν ὑπὲρ Σάμου νῆσον ἔτι οὖσαν ἀνώνυμον.

ἐπιτυχὼν δὲ Ἡρακλῆσ γνωρίζει τὸν νεκρόν, καὶ ἔθαψεν ἔνθα καὶ νῦν ἔτι αὐτῷ χῶμα οὐ μέγα ἐπὶ ἄκρασ ἐστὶν ἀνεχούσησ ἐσ τὸ Αἰγαῖον.

ἀπὸ δὲ τοῦ Ἰκάρου τούτου ὄνομα ἥ τε νῆσοσ καὶ ἡ περὶ αὐτὴν θάλασσα ἔσχηκε. Θηβαίοισ δὲ τὰ ἐν τοῖσ ἀετοῖσ Πραξιτέλησ ἐποίησε τὰ πολλὰ τῶν δώδεκα καλουμένων ἄθλων·

καί σφισι τὰ ἐσ τὰσ ὄρνιθασ ἐνδεῖ τὰσ ἐπὶ Στυμφάλῳ καὶ ὡσ ἐκάθηρεν Ἡρακλῆσ τὴν Ἠλείαν χώραν, ἀντὶ τούτων δὲ ἡ πρὸσ Ἀνταῖον πάλη πεποίηται. Θρασύβουλοσ δὲ ὁ Λύκου καὶ Ἀθηναίων οἱ σὺν αὐτῷ τυραννίδα τὴν τῶν τριάκοντα καταλύσαντεσ ‐ ὁρμηθεῖσι γάρ σφισιν ἐκ Θηβῶν ἐγένετο ἡ κάθοδοσ ‐ Ἀθηνᾶν καὶ Ἡρακλέα κολοσσοὺσ ἐπὶ λίθου τύπου τοῦ Πεντελῆσιν, ἔργα δὲ Ἀλκαμένουσ, ἀνέθηκαν ἐσ τὸ Ἡρακλεῖον. τοῦ δὲ Ἡρακλείου γυμνάσιον ἔχεται καὶ στάδιον, ἀμφότερα ἐπώνυμα τοῦ θεοῦ.

ὑπὲρ δὲ τὸν Σωφρονιστῆρα λίθον βωμόσ ἐστιν Ἀπόλλωνοσ ἐπίκλησιν Σποδίου, πεποίηται δὲ ἀπὸ τῆσ τέφρασ τῶν ἱερείων. μαντικὴ δὲ καθέστηκεν αὐτόθι ἀπὸ κληδόνων, ᾗ δὴ καὶ Σμυρναίουσ μάλιστα Ἑλλήνων χρωμένουσ οἶδα· ἔστι γὰρ καὶ Σμυρναίοισ ὑπὲρ τὴν πόλιν κατὰ τὸ ἐκτὸσ τοῦ τείχουσ Κληδόνων ἱερόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 11

(파우사니아스, Description of Greece, Βοιωτικά, chapter 11)

상위

목록

SEARCH

MENU NAVIGATION