헬라어 문장 검색 - Παυσαν́Δεσξριπ́9́07́

(파우사니아스, Description of Greece, Βοιωτικά, chapter 7)

τότε δὲ τοὺσ Θηβαίουσ γενομένουσ ἀναστάτουσ ὑπὸ Ἀλεξάνδρου καὶ διαπεσόντασ ἐσ Ἀθήνασ ὕστερον Κάσσανδροσ ὁ Ἀντιπάτρου κατήγαγεν. ἐσ δὲ τῶν Θηβῶν τὸν οἰκισμὸν προθυμότατοι μὲν ἐγένοντο Ἀθηναῖοι, συνεπελάβοντο δὲ καὶ Μεσσήνιοι καὶ Ἀρκάδων οἱ Μεγάλην πόλιν ἔχοντεσ. δοκεῖ δέ μοι τὰσ Θήβασ οἰκίσαι ὁ Κάσσανδροσ κατὰ ἔχθοσ Ἀλεξάνδρου μάλιστα·

ἐπεξῆλθε δὲ καὶ τὸν πάντα οἶκον Ἀλεξάνδρου φθείρων, ὃσ Ὀλυμπιάδα γε παρέβαλε καταλεῦσαι τοῖσ ἐπ’ αὐτὴν Μακεδόνων παρωξυσμένοισ καὶ τοὺσ παῖδασ Ἀλεξάνδρου τόν τε ἐκ Βαρσίνησ Ἡρακλέα καὶ Ἀλέξανδρον τὸν ἐκ Ῥωξάνησ ἀπέκτεινεν ὑπὸ φαρμάκων. οὐ μὴν οὐδὲ αὐτὸσ χαίρων τὸν βίον κατέστρεψεν· ἐπλήσθη γὰρ ὑδέρῳ, καὶ ἀπ’ αὐτοῦ ζῶντι ἐγένοντο εὐλαί. τῶν δέ οἱ παίδων Φίλιππον μὲν τὸν πρεσβύτατον, ὡσ μετ’ οὐ πολὺ παρέλαβε τὴν ἀρχήν, ἀπήγαγεν ὑπολαβοῦσα νόσοσ φθινώδησ, Ἀντίπατροσ δὲ <ὁ> μετ’ ἐκεῖνον Θεσσαλονίκην τὴν μητέρα ἀποκτίννυσι, Φιλίππου τε οὖσαν τοῦ Ἀμύντου καὶ Νικασιπόλιδοσ·

ἀπέκτεινε δὲ Ἀλεξάνδρῳ νέμειν πλέον εὐνοίασ αἰτιασάμενοσ.

ὁ δὲ Ἀλέξανδροσ ἦν νεώτατοσ τῶν Κασσάνδρου παίδων· ἐπαγαγόμενοσ δὲ Δημήτριον τὸν Ἀντιγόνου καθεῖλε μὲν δι’ ἐκείνου καὶ ἐτιμωρήσατο τὸν ἀδελφὸν Ἀντίπατρον, ἀνεφάνη μέντοι φονέα ἐξευρηκὼσ ἑαυτῷ καὶ οὐ σύμμαχον. Κασσάνδρῳ μὲν ὅστισ δὴ θεῶν τὴν δίκην ἔμελλεν ἀποδώσειν·

Θηβαίοισ δὲ ἐπὶ μὲν Κασσάνδρου πᾶσ ὁ ἀρχαῖοσ περίβολοσ ἀνῳκίσθη, ἔδει δὲ ἄρα καὶ ὕστερον κακῶν σφᾶσ μεγάλων γεύσασθαι. Μιθριδάτῃ γὰρ καταστάντι ἐσ τὸν πρὸσ Ῥωμαίουσ πόλεμον προσεχώρησαν Θηβαῖοι κατ’ ἄλλο ἐμοὶ δοκεῖν οὐδέν, τοῦ δὲ Ἀθηναίων δήμου φιλίᾳ. Σύλλα δὲ ἐσβαλόντοσ ἐσ τὴν Βοιωτίαν δεῖμα ἔσχε τοὺσ Θηβαίουσ, καὶ ἐγνωσιμάχησάν τε αὐτίκα καὶ ἐτράποντο αὖθισ ἐσ τὴν Ῥωμαίων φιλίαν. Σύλλασ δὲ ἐσ αὐτοὺσ ἐχρῆτο ὅμωσ τῷ θυμῷ, καὶ ἄλλα τε ἐξεῦρεν ἐπὶ λύμῃ τῶν Θηβαίων καὶ τὴν ἡμίσειαν ἀπετέμετο αὐτῶν τῆσ χώρασ κατὰ πρόφασιν τοιαύτην.

ἡνίκα ἤρχετο τοῦ πρὸσ Μιθριδάτην πολέμου, χρημάτων ἐσπάνιζε· συνέλεξεν οὖν ἔκ τε Ὀλυμπίασ ἀναθήματα καὶ τὰ ἐξ Ἐπιδαύρου καὶ τὰ ἐκ Δελφῶν, ὁπόσα ὑπελίποντο οἱ Φωκεῖσ· ταῦτα μὲν δὴ διένειμε τῇ στρατιᾷ, τοῖσ θεοῖσ δὲ ἀντέδωκεν ἀντὶ τῶν χρημάτων γῆσ τὴν ἡμίσειαν τῆσ Θηβαί̈δοσ.

τὴν μὲν δὴ ἀφαίρετον χώραν ὕστερον Ῥωμαίων χάριτι ἀνεσώσαντο οἱ Θηβαῖοι, τὰ δὲ ἄλλα ἐσ τὸ ἀσθενέστατον ἀπ’ ἐκείνου προήχθησαν· καί σφισιν ἡ μὲν κάτω πόλισ πᾶσα ἔρημοσ ἦν ἐπ’ ἐμοῦ πλὴν τὰ ἱερά, τὴν δὲ ἀκρόπολιν οἰκοῦσι Θήβασ καὶ οὐ Καδμείαν καλουμένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 7

(파우사니아스, Description of Greece, Βοιωτικά, chapter 7)

상위

목록

SEARCH

MENU NAVIGATION