헬라어 문장 검색 - Παυσαν́Δεσξριπ́9́03́

(파우사니아스, Description of Greece, Βοιωτικά, chapter 3)

Ἥραν ἐφ’ ὅτῳ δὴ πρὸσ τὸν Δία ὠργισμένην ἐσ Εὔβοιάν φασιν ἀναχωρῆσαι, Δία δέ, ὡσ οὐκ ἔπειθεν αὐτήν, παρὰ Κιθαιρῶνα λέγουσιν ἐλθεῖν δυναστεύοντα ἐν Πλαταιαῖσ τότε· εἶναι γὰρ τὸν Κιθαιρῶνα οὐδενὸσ σοφίαν ὕστερον. οὗτοσ οὖν κελεύει τὸν Δία ἄγαλμα ξύλου ποιησάμενον ἄγειν ἐπὶ βοῶν ζεύγουσ ἐγκεκαλυμμένον, λέγειν δὲ ὡσ ἄγοιτο γυναῖκα Πλάταιαν τὴν Ἀσωποῦ. καὶ ὁ μὲν ἔπρασσε κατὰ τὴν παραίνεσιν τοῦ Κιθαιρῶνοσ·

Ἥρα δὲ ἐπέπυστό τε αὐτίκα καὶ αὐτίκα ἀφίκετο. ὡσ δὲ ἐπλησίαζε τῇ ἁμάξῃ καὶ τοῦ ἀγάλματοσ τὴν ἐσθῆτα περιέρρηξεν, ἥσθη τε τῇ ἀπάτῃ ξόανον εὑροῦσα ἀντὶ νύμφησ γυναικὸσ καὶ διαλλαγὰσ ποιεῖται πρὸσ τὸν Δία. ἐπὶ ταύταισ ταῖσ διαλλαγαῖσ Δαίδαλα ἑορτὴν ἄγουσιν, ὅτι οἱ πάλαι τὰ ξόανα ἐκάλουν δαίδαλα· ἐκάλουν δὲ ἐμοὶ δοκεῖν πρότερον ἔτι ἢ Δαίδαλοσ ὁ Παλαμάονοσ ἐγένετο Ἀθήνῃσι, τούτῳ δὲ ὕστερον ἀπὸ τῶν δαιδάλων ἐπίκλησιν γενέσθαι δοκῶ καὶ οὐκ ἐκ γενετῆσ τεθῆναι τὸ ὄνομα. Δαίδαλα οὖν ἄγουσιν οἱ Πλαταιεῖσ ἑορτὴν δι’ ἔτουσ ἑβδόμου μέν, ὡσ ἔφασκεν ὁ τῶν ἐπιχωρίων ἐξηγητήσ, ἀληθεῖ μέντοι λόγῳ δι’ ἐλάσσονοσ καὶ οὐ τοσούτου χρόνου·

ἐθελήσαντεσ δὲ ἀπὸ Δαιδάλων ἐσ Δαίδαλα ἕτερα ἀναριθμῆσαι τὸν μεταξὺ χρόνον ἐσ τὸ ἀκριβέστατον οὐκ ἐγενόμεθα οἱοῖ́ τε. ἄγουσι δὲ οὕτω τὴν ἑορτήν.

δρυμόσ ἐστιν Ἀλαλκομενῶν οὐ πόρρω·

μέγιστα τῶν ἐν Βοιωτίᾳ στελέχη δρυῶν ἐστιν ἐνταῦθα. ἐσ τοῦτον οἱ Πλαταιεῖσ ἀφικόμενοι τὸν δρυμὸν προτίθενται μοίρασ κρεῶν ἑφθῶν. ὄρνιθεσ δὲ οἱ μὲν ἄλλοι σφίσιν ἥκιστά εἰσι δι’ ὄχλου, τῶν κοράκων δὲ ‐ οὗτοι γάρ σφισιν ἐπιφοιτῶσιν ‐ ἔχουσιν ἀκριβῆ τὴν φρουράν. τὸν δὲ αὐτῶν ἁρπάσαντα κρέασ, ἐφ’ ὅτῳ τῶν δένδρων καθεδεῖται, φυλάσσουσιν. ἐφ’ οὗ δ’ ἂν καθεσθῇ, τεμόντεσ ποιοῦσιν ἀπὸ τούτου τὸ δαίδαλον· δαίδαλον γὰρ δὴ καὶ τὸ ξόανον αὐτὸ ὀνομάζουσι. ταύτην μὲν ἰδίᾳ οἱ Πλαταιεῖσ ἑορτὴν ἄγουσι, Δαίδαλα μικρὰ ὀνομάζοντεσ·

Δαιδάλων δὲ ἑορτὴν τῶν μεγάλων καὶ Βοιωτοί σφισι συνεορτάζουσι, δι’ ἑξηκοστοῦ δὲ ἄγουσιν ἔτουσ· ἐκλιπεῖν γὰρ τοσοῦτον χρόνον τὴν ἑορτήν φασιν, ἡνίκα οἱ Πλαταιεῖσ ἔφευγον. ξόανα δὲ τεσσαρεσκαίδεκα ἕτοιμά σφισίν ἐστι κατ’ ἐνιαυτὸν ἕκαστον παρασκευασθέντα ἐν Δαιδάλοισ τοῖσ μικροῖσ. ταῦτα ἀναιροῦνται κλήρῳ Πλαταιεῖσ Κορωναῖοι Θεσπιεῖσ Ταναγραῖοι Χαιρωνεῖσ Ὀρχομένιοι Λεβαδεῖσ Θηβαῖοι·

διαλλαγῆναι γὰρ καὶ οὗτοι Πλαταιεῦσιν ἠξίωσαν καὶ συλλόγου μετασχεῖν κοινοῦ καὶ ἐσ Δαίδαλα θυσίαν ἀποστέλλειν, ὅτε Κάσσανδροσ ὁ Ἀντιπάτρου τὰσ Θήβασ ἀνῴκισε. τῶν δὲ πολισμάτων ὁπόσα ἐστὶν ἐλάσσονοσ λόγου, συντέλειαν αἱροῦνται. τὸ δὲ ἄγαλμα κομίσαντεσ παρὰ τὸν Ἀσωπὸν καὶ ἀναθέντεσ ἐπὶ ἅμαξαν, γυναῖκα ἐφιστᾶσι νυμφεύτριαν·

οἱ δὲ αὖθισ κληροῦνται καθ’ ἥντινα τάξιν τὴν πομπὴν ἀνάξουσι· τὸ δὲ ἐντεῦθεν τὰσ ἁμάξασ ἀπὸ τοῦ ποταμοῦ πρὸσ ἄκρον τὸν Κιθαιρῶνα ἐλαύνουσιν.

εὐτρέπισται δέ σφισιν ἐπὶ τῇ κορυφῇ τοῦ ὄρουσ βωμόσ, ποιοῦσι δὲ τρόπῳ τοιῷδε τὸν βωμόν· ξύλα τετράγωνα ἁρμόζοντεσ πρὸσ ἄλληλα συντιθέασι κατὰ ταὐτὰ καὶ εἰ λίθων ἐποιοῦντο οἰκοδομίαν, ἐξάραντεσ δὲ ἐσ ὕψοσ φρύγανα ἐπιφέρουσιν. αἱ μὲν δὴ πόλεισ καὶ τὰ τέλη θήλειαν θύσαντεσ τῇ Ἥρᾳ βοῦν ἕκαστοι καὶ ταῦρον τῷ Διὶ τὰ ἱερεῖα οἴνου καὶ θυμιαμάτων πλήρη καὶ τὰ δαίδαλα ὁμοῦ καθαγίζουσιν ἐπὶ τοῦ βωμοῦ, ἰδιῶται δὲ ὁπόσα <δὴ> θύουσιν οἱ πλούσιοι·

τοῖσ δὲ οὐχ ὁμοίωσ δυναμ<ένο>ισ τὰ λεπτότερα τῶν προβάτων θύειν καθέστηκε, καθαγίζειν δὲ τὰ ἱερεῖα ὁμοίωσ πάντα. σὺν δέ σφισι καὶ αὐτὸν τὸν βωμὸν ἐπιλαβὸν τὸ πῦρ ἐξανήλωσε· μεγίστην δὲ ταύτην φλόγα καὶ ἐκ μακροτάτου σύνοπτον οἶδα ἀρθεῖσαν. ὑπὸ δὲ τῆσ κορυφῆσ, ἐφ’ ᾗ τὸν βωμὸν ποιοῦνται, πέντε που μάλιστα καὶ δέκα ὑποκαταβάντι σταδίουσ νυμφῶν ἐστιν ἄντρον Κιθαιρωνίδων, Σφραγίδιον μὲν ὀνομαζόμενον, μαντεύεσθαι δὲ τὰσ νύμφασ τὸ ἀρχαῖον αὐτόθι ἔχει λόγοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 3

(파우사니아스, Description of Greece, Βοιωτικά, chapter 3)

상위

목록

SEARCH

MENU NAVIGATION