Pausanias, Description of Greece, Μεσσηνιακά, chapter 31 19:

Λεύκιππόσ τε Ἀφαρέωσ ἀδελφὸσ καὶ Ἱλάειρά ἐστι καὶ Φοίβη, σὺν δέ σφισιν Ἀρσινόη. γέγραπται δὲ καὶ Ἀσκληπιόσ, Ἀρσινόησ ὢν λόγῳ τῷ Μεσσηνίων, καὶ Μαχάων καὶ Ποδαλείριοσ, ὅτι ἔργου τοῦ πρὸσ Ἰλίῳ καὶ τούτοισ μέτεστι. ταύτασ τὰσ γραφὰσ ἔγραψεν Ὀμφαλίων, Νικίου τοῦ Νικομήδουσ μαθητήσ· οἱ δὲ αὐτὸν καὶ δουλεῦσαι παρὰ τῷ Νικίᾳ καὶ παιδικὰ γενέσθαι φασὶν αὐτοῦ.