헬라어 문장 검색 - Παυσαν́Δεσξριπ́4́28́

(파우사니아스, Description of Greece, Μεσσηνιακά, chapter 28)

κατελθοῦσι δὲ αὐτοῖσ κατ’ ἀρχὰσ μὲν ἀπὸ Λακεδαιμονίων δεινὸν ἦν οὐδέν· κατεχόμενοι γὰρ οἱ Λακεδαιμόνιοι φόβῳ τῷ Θηβαίων Μεσσήνησ τε ἠνείχοντο ἐποικιζομένησ καὶ Ἀρκάδων ἐσ μίαν ἠθροισμένων πόλιν. ὡσ δὲ ὁ πόλεμοσ ὁ Φωκικόσ, καλούμενοσ δὲ <ὁ> αὐτὸσ οὗτοσ καὶ ἱερόσ, ἀπήγαγεν ἐκ Πελοποννήσου Θηβαίουσ, ἀνεθάρρησάν τε οἱ Λακεδαιμόνιοι καὶ τῶν Μεσσηνίων οὐκέτι ἐδύναντο ἀπέχεσθαι. Μεσσήνιοι δὲ αὐτοί τε μετὰ Ἀργείων καὶ Ἀρκάδων ἀντεῖχον τῷ πολέμῳ καὶ Ἀθηναίων ἀμῦναί σφισιν ἐδεήθησαν·

οἱ δὲ ἐσ μὲν τὴν Λακωνικὴν οὔποτε μετὰ ἐκείνων ἐσβαλεῖν ἔφασαν, ἀρχόντων δὲ Λακεδαιμονίων πολέμου καὶ ἐπιστρατευόντων τῇ Μεσσηνίᾳ παρέσεσθαι καὶ αὐτοί σφισιν ἐπηγγέλλοντο. τέλοσ δὲ οἱ Μεσσήνιοι Φιλίππῳ σύμμαχοι τῷ Ἀμύντου καὶ Μακεδόσιν ἐγένοντο, καὶ τοῦτο σφᾶσ λέγουσιν ἀποκωλῦσαι τοῦ συμβάντοσ τοῖσ Ἕλλησιν ἀγῶνοσ ἐν Χαιρωνείᾳ μὴ μετασχεῖν· οὐ μὴν οὐδὲ τοῖσ Ἕλλησιν ἐναντία θέσθαι τὰ ὅπλα ἠθέλησαν. Ἀλεξάνδρου δὲ ἀποθανόντοσ καὶ τῶν Ἑλλήνων πόλεμον δεύτερον τότε ἀνῃρημένων πρὸσ Μακεδόνασ, μετέσχον καὶ οἱ Μεσσήνιοι τοῦ πολέμου, καθὰ καὶ πρότερον ἐδήλωσα ἐν τῇ Ἀτθίδι συγγραφῇ.

Γαλάταισ δὲ μεθ’ Ἑλλήνων οὐκ ἐμαχέσαντο, Κλεωνύμου καὶ Λακεδαιμονίων σπείσασθαι σπονδάσ σφισιν οὐ θελησάντων. οὐ πολλῷ δὲ ὕστερον ἔσχον Ἦλιν Μεσσήνιοι, σοφίᾳ τε ὁμοῦ χρησάμενοι καὶ τολμήματι.

Ἠλεῖοι γὰρ τὰ μὲν παλαιότατα εὐνομώτατοι Πελοποννησίων ἦσαν· Φιλίππου δὲ τοῦ Ἀμύντου τά τε ἄλλα ὁπόσα εἴρηται κακουργήσαντοσ τὴν Ἑλλάδα καὶ Ἠλείων τοὺσ δυνατοὺσ διαφθείραντοσ χρήμασι, στασιάζουσι πρῶτον τότε Ἠλεῖοι καὶ ἐσ ὅπλα, ὡσ λέγουσι, χωροῦσι. τὸ δὲ ἀπὸ τούτου ῥᾷον ἔτι ἔμελλον ἀπεχθήσεσθαι πρὸσ ἀλλήλουσ, οἷσ γε καὶ Λακεδαιμονίων ἕνεκα διέστη τὰ βουλεύματα, καὶ ἐσ ἔμφυλον προῆλθον πόλεμον.

πυνθανόμενοι δὲ ταῦτα οἱ Λακεδαιμόνιοι παρεσκευάζοντο ὡσ Ἠλείων τοῖσ φρονοῦσι τὰ σφέτερα ἀμυνοῦντεσ. καὶ οἱ μὲν κατὰ τέλη τε ἐτάσσοντο καὶ διενέμοντο ἐσ τοὺσ λόχουσ· τῶν δὲ Μεσσηνίων λογάδεσ χίλιοι φθάνουσιν ἀφικόμενοι πρὸσ τὴν Ἦλιν, σημεῖα ἐπὶ ταῖσ ἀσπίσι Λακωνικὰ ἔχοντεσ. ὡσ δὲ τὰσ ἀσπίδασ ἐθεάσαντο ὅσοι τοῖσ Σπαρτιάταισ εὖνοι τῶν Ἠλείων ἦσαν, συμμαχίαν τε ἀφῖχθαί σφισιν ἤλπισαν καὶ τοὺσ ἄνδρασ ἐδέχοντο ἐσ τὸ τεῖχοσ·

ἐσελθόντεσ δὲ τρόπον οἱ Μεσσήνιοι τὸν εἰρημένον τοὺσ τὰ Λακεδαιμονίων φρονοῦντασ ἐδίωξαν, καὶ ἐπιτρέπουσι τοῖσ στασιώταισ τοῖσ αὑτῶν τὴν πόλιν. ἔστι μὲν δὴ τὸ σόφισμα Ὁμήρου, φαίνονται δὲ αὐτὸ ἐν δέοντι μιμησάμενοι καὶ οἱ Μεσσήνιοι, ἐπεὶ Πάτροκλόν γε ἐποίησεν ἐν Ἰλιάδι Ὅμηροσ Ἀχιλλέωσ τὰ ὅπλα ἐνδύντα, καὶ ἐγγενέσθαι τε ἔφη τοῖσ βαρβάροισ δόξαν ὡσ Ἀχιλλεὺσ ἐπίοι καὶ τοὺσ προτεταγμένουσ αὐτῶν ταραχθῆναι.

εὑρ́ηται δὲ καὶ ἄλλα Ὁμήρῳ στρατηγήματα, δύο τε παρὰ τῶν Ἑλλήνων κατασκόπουσ ἐν τῇ νυκτὶ ἀνθ’ ἑνὸσ ἐσ τοὺσ Τρῶασ ἀφικέσθαι καὶ ἄνδρα ὕστερον λόγῳ μὲν αὐτόμολον, ἔργῳ δὲ τὰ ἀπόρρητα πολυπραγμονήσοντα ἐσ τὸ Ἴλιον ἐσελθεῖν.

ἔτι δὲ τοὺσ διὰ νεότητα ἐν τοῖσ Τρωσὶν ἢ γῆρασ οὐχ ὡραίουσ μάχεσθαι, τούτουσ μὲν τὸ τεῖχοσ φρουρεῖν ἔταξε, τῶν ἐν ἡλικίᾳ τοῖσ Ἕλλησιν ἐπηυλισμένων·

Ἑλλήνων δὲ οἱ τὰ τραύματα ἔχοντεσ ὁπλίζουσιν αὐτῷ τὸ μάχιμον, ἵνα μηδὲ αὐτοὶ παντάπασιν ἀργοῖεν. τὰ Ὁμήρου μὲν οὖν ὠφέλιμα ἐγένετο ἐσ ἅπαντα ἀνθρώποισ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 28

(파우사니아스, Description of Greece, Μεσσηνιακά, chapter 28)

상위

목록

SEARCH

MENU NAVIGATION