헬라어 문장 검색 - Παυσαν́Δεσξριπ́4́26́

(파우사니아스, Description of Greece, Μεσσηνιακά, chapter 26)

τὸ δὲ ἀπὸ τούτου τόν τε ἄλλον χρόνον ἐνέκειτό σφισι τὸ ἐσ Λακεδαιμονίουσ μῖσοσ καὶ τὴν ἔχθραν ἐσ αὐτοὺσ μάλιστα ἐπεδείξαντο ἐπὶ τοῦ γενομένου Πελοποννησίοισ πρὸσ Ἀθηναίουσ πολέμου· τήν τε γὰρ Ναύπακτον ὁρμητήριον ἐπὶ τῇ Πελοποννήσῳ παρείχοντο καὶ τοὺσ ἐν τῇ Σφακτηρίᾳ Σπαρτιατῶν ἀποληφθέντασ Μεσσηνίων σφενδονῆται τῶν ἐκ Ναυπάκτου συνεξεῖλον. ἐπεὶ δὲ τὸ πταῖσμα ἐγένετο <τὸ> Ἀθηναίων ἐν Αἰγὸσ ποταμοῖσ, οὕτω καὶ ἐκ Ναυπάκτου τοὺσ Μεσσηνίουσ ἐκβάλλουσιν οἱ Λακεδαιμόνιοι ναυσὶν ἐπικρατοῦντεσ, οἳ ἐσ Σικελίαν τε παρὰ τοὺσ συγγενεῖσ καὶ ἐσ Ῥήγιον ἐστάλησαν, τὸ πλεῖστον δὲ αὐτῶν ἔσ τε Λιβύην ἀφίκετο καὶ Λιβύησ ἐσ Εὐεσπερίτασ·

οἱ γὰρ Εὐεσπερῖται πολέμῳ κακωθέντεσ ὑπὸ βαρβάρων προσοίκων πάντα τινὰ Ἕλληνα ἐπεκαλοῦντο σύνοικον. ἐσ τούτουσ τῶν Μεσσηνίων τὸ πολὺ ἀπεχώρησεν· ἡγεμὼν δέ σφισιν ἦν Κόμων, ὃσ καὶ περὶ τὴν Σφακτηρίαν ἐστρατήγησεν αὐτοῖσ. ἐνιαυτῷ δὲ πρότερον ἢ κατορθῶσαι Θηβαίουσ τὰ ἐν Λεύκτροισ, προεσήμαινεν ὁ δαίμων Μεσσηνίοισ τὴν ἐσ Πελοπόννησον κάθοδον.

τοῦτο μὲν γὰρ ἐν Μεσσήνῃ <τῇ> πρὸσ τῷ πορθμῷ τὸν ἱερέα τοῦ Ἡρακλέουσ λέγουσιν ὀνείρατοσ ἰδεῖν ὄψιν ‐ τὸν Ἡρακλέα ἔδοξε κληθῆναι τὸν Μάντικλον ἐπὶ ξενίᾳ ἐσ Ἰθώμην ὑπὸ τοῦ Διόσ ‐ , τοῦτο δὲ ἐν Εὐεσπερίταισ Κόμων συγγενέσθαι νεκρᾷ τῇ μητρὶ ἐδόκει, συγγενομένου δὲ αὖθίσ οἱ τὴν μητέρα ἀναβιῶναι. καὶ ὁ μὲν ἐπήλπιζεν Ἀθηναίων δυνηθέντων ναυτικῷ κάθοδον ἔσεσθαί σφισιν ἐσ Ναύπακτον· τὸ δὲ ἄρα ἐδήλου τὸ ὄνειρον ἀνασώσεσθαι Μεσσήνην. ἐγένετό τε οὐ μετὰ πολὺ ἐν Λεύκτροισ Λακεδαιμονίων τὸ ἀτύχημα ὀφειλόμενον ἐκ παλαιοῦ·

Ἀριστοδήμῳ γὰρ τῷ βασιλεύσαντι Μεσσηνίων ἐπὶ τελευτῇ τοῦ χρησμοῦ τοῦ δοθέντοσ ἐστὶνἑρ́δ’ ὅππῃ τὸ χρεών· ἄτη δ’ ἄλλοισι πρὸ ἄλλων· ὡσ ἐν μὲν τῷ παρόντι ἐκεῖνον δέον καὶ Μεσσηνίουσ κακῶσ πρᾶξαι, χρόνῳ δὲ ὕστερον καὶ Λακεδαίμονα ἐπιληψομένησ τῆσ ἄτησ. τότε δὲ ἐν Λεύκτροισ οἱ Θηβαῖοι νενικηκότεσ ἀγγέλουσ ἐσ Ἰταλίαν τε καὶ Σικελίαν καὶ παρὰ τοὺσ Εὐεσπερίτασ ἀπέστελλον, ἔκ τε τῆσ ἄλλησ, εἴ πού τισ Μεσσηνίων εἰή, πανταχόθεν ἀνεκάλουν ἐσ Πελοπόννησον.

οἱ δὲ θᾶσσον ἢ ὡσ ἄν τισ ἤλπισε συνελέχθησαν γῆσ τε τῆσ πατρίδοσ πόθῳ καὶ διὰ τὸ ἐσ Λακεδαιμονίουσ μῖσοσ παραμεῖναν ἀεί σφισιν. Ἐπαμινώνδᾳ δὲ οὔτε ἄλλωσ ἐφαίνετο ῥᾴδια ἀξιόμαχον πόλιν ἐποικίσαι Λακεδαιμονίοισ οὔτε ὅπου χρὴ κτίσαι τῆσ χώρασ ἐξευρίσκει·

τὴν γὰρ Ἀνδανίαν οἱ Μεσσήνιοι καὶ Οἰχαλίαν οὐκ ἔφασαν ἀνοικιεῖν, ὅτι αἱ συμφοραί σφισιν ἐγεγόνεσαν ἐνταῦθα οἰκοῦσιν. ἀποροῦντι οὖν αὐτῷ πρεσβύτην ἄνδρα, ἱεροφάντῃ μάλιστα εἰκασμένον, νύκτωρ φασὶν ἐπιστάντα εἰπεῖν·

"σοὶ μὲν δῶρά ἐστι παρ’ ἐμοῦ κρατεῖν ὅτῳ ἂν μεθ’ ὅπλων ἐπέρχῃ· καὶ ἢν ἐξ ἀνθρώπων γένῃ, ἔγωγε ὦ Θηβαῖε ποιήσω μή ποτε ἀνώνυμον μηδὲ ἄδοξόν <σε> γενέσθαι. σὺ δὲ Μεσσηνίοισ γῆν τε πατρίδα καὶ πόλεισ ἀπόδοσ, ἐπειδὴ καὶ τὸ μήνιμα ἤδη σφίσι πέπαυται τὸ Διοσκούρων" . Ἐπαμινώνδᾳ μὲν ταῦτα ἔλεγεν, Ἐπιτέλει δὲ τῷ Αἰσχίνου τάδε ἐμήνυε ‐ στρατηγεῖν δὲ αὐτὸν οἱ Ἀργεῖοι τὸν Ἐπιτέλην καὶ Μεσσήνην ἀνοικίζειν ᾕρηντο ‐ τοῦτον οὖν τὸν ἄνδρα ἐκέλευεν ὁ ὄνειροσ, ἔνθα ἂν τῆσ Ἰθώμησ εὑρ́ῃ πεφυκυῖαν σμίλακα καὶ μυρσίνην, τὸ μέσον ὀρύξαντα αὐτῶν ἀνασῶσαι τὴν γραῦν·

κάμνειν γὰρ ἐν τῷ χαλκῷ καθειργμένην θαλάμῳ καὶ ἤδη λιποψυχεῖν αὐτήν. ὁ δὲ Ἐπιτέλησ, ὡσ ἐπελάμβανεν ἡμέρα, παραγενόμενοσ ἐσ τὸ εἰρημένον χωρίον ἐπέτυχεν ὀρύσσων ὑδρίᾳ χαλκῇ, καὶ αὐτίκα παρὰ τὸν Ἐπαμινώνδαν κομίσασ τό τε ἐνύπνιον ἐξηγεῖτο καὶ αὐτὸν ἐκεῖνον τὸ πῶμα ἀφελόντα ἐκέλευεν ὅ τι ἐνείη σκοπεῖσθαι. ὁ δὲ θύσασ καὶ εὐξάμενοσ τῷ πεφηνότι ὀνείρατι ἤνοιγε τὴν ὑδρίαν, ἀνοίξασ δὲ εὑρ͂ε κασσίτερον ἐληλασμένον ἐσ τὸ λεπτότατον·

ἐπείλικτο δὲ ὥσπερ τὰ βιβλία. ἐνταῦθα τῶν Μεγάλων θεῶν ἐγέγραπτο ἡ τελετή, καὶ τοῦτο ἦν παρακαταθήκη τοῦ Ἀριστομένουσ. Καύκωνα εἶναι λέγουσιν, ὃσ ἀφίκετο ἐξ Ἀθηνῶν ἐσ Ἀνδανίαν παρὰ Μεσσήνην τὴν Τριόπα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 26

(파우사니아스, Description of Greece, Μεσσηνιακά, chapter 26)

상위

목록

SEARCH

MENU NAVIGATION