Pausanias, Description of Greece, Μεσσηνιακά, chapter 21 12:

καὶ οἳ μὲν ἀναπαυόμενοί τε καὶ ἀνὰ μέροσ μαχόμενοι μᾶλλον ἀντήρκουν, τοῖσ δὲ Μεσσηνίοισ πανταχόθεν παρίστατο ἀπορία· μεθ’ ἡμέραν γὰρ ἀεὶ καὶ νύκτα συνεχῶσ οἱ αὐτοὶ τρίτην ἠμύνοντο. ἤδη τε ἡμέρα ἦν καὶ ἥ τε ἀυπνία καὶ ἐκ τοῦ οὐρανοῦ τὸ ὕδωρ τε καὶ ῥῖγοσ ἐπίεζε σφᾶσ, ὅ τε λιμὸσ καὶ ἡ δίψα ἐπέκειτο· μάλιστα δὲ αἱ γυναῖκεσ ἀηθείᾳ τε πολέμου καὶ τῇ συνεχείᾳ τῆσ ταλαιπωρίασ ἀπειρήκεσαν.