Pausanias, Description of Greece, Μεσσηνιακά, chapter 19 4:

τούτουσ παρὰ τῶν κατασκόπων πυνθανόμενοσ ὁ Ἀριστομένησ τῇ πορείᾳ τε ἀτακτότερον χρῆσθαι καὶ ταῖσ στρατοπεδείαισ ἀφυλάκτωσ, ἐπιτίθεται νύκτωρ σφίσι· καὶ τῶν τε ἄλλων καθευδόντων ἔτι ἐφόνευσε τοὺσ πολλοὺσ καὶ τοὺσ ἡγεμόνασ Ὑπερμενίδην καὶ Ἀχλαδαῖον καὶ Λυσίστρατον καὶ Σίδεκτον ἀποκτίννυσι. διαρπάσασ δὲ καὶ τὴν σκηνὴν τὴν στρατηγίδα παρέστησεν εὖ εἰδέναι Σπαρτιάταισ ὡσ Ἀριστομένησ καὶ οὐκ ἄλλοσ Μεσσηνίων ἐστὶν ὁ ταῦτα εἰργασμένοσ.