Pausanias, Description of Greece, Μεσσηνιακά, chapter 15 13:

ἐνιαυτῷ δὲ ὕστερον τοῦ περὶ τὰσ Δέρασ ἀγῶνοσ, ἡκόντων ἀμφοτέροισ καὶ τῶν συμμάχων, παρεσκευάζοντο ὡσ μάχην συνάψοντεσ ἐπὶ τῷ καλουμένῳ Κάπρου σήματι. Μεσσηνίοισ μὲν οὖν Ἠλεῖοι καὶ Ἀρκάδεσ, ἔτι δὲ ἐξ Ἄργουσ ἀφίκετο καὶ Σικυῶνοσ βοήθεια. παρῆσαν δὲ καὶ ὅσοι πρότερον τῶν Μεσσηνίων ἔφευγον ἑκουσίωσ, ἐξ Ἐλευσῖνόσ τε, οἷσ πάτριον δρᾶν τὰ ὄργια τῶν Μεγάλων θεῶν, καὶ οἱ Ἀνδροκλέουσ ἀπόγονοι· καὶ γὰρ οἱ συσπεύσαντεσ μάλιστά σφισιν ἦσαν οὗτοι.