헬라어 문장 검색 - Παυσαν́Δεσξριπ́4́06́

(파우사니아스, Description of Greece, Μεσσηνιακά, chapter 6)

πρὶν δὲ ἢ συγγράφειν με τὸν πόλεμον καὶ ὁπόσα πολεμοῦσιν ἑκατέροισ ὁ δαίμων παθεῖν ἢ δρᾶσαι παρεσκεύασε, διακρῖναί τι καὶ ἡλικίασ ἔργα πέρι ἠθέλησα ἀνδρὸσ Μεσσηνίου. τὸν γὰρ πόλεμον τοῦτον γενόμενον μὲν Λακεδαιμονίων καὶ τῶν συμμάχων πρὸσ Μεσσηνίουσ καὶ τοὺσ ἐπικούρουσ, ὀνομασθέντα δὲ οὐκ ἀπὸ τῶν ἐπιστρατευσάντων ὥσπερ γε ὁ Μηδικὸσ καὶ ὁ Πελοποννήσιοσ, Μεσσήνιον δὲ ἀπὸ τῶν συμφορῶν, καθὰ δὴ καὶ τὸν ἐπὶ Ἰλίῳ κληθῆναι Τρωικὸν καὶ οὐχ Ἑλληνικὸν ἐξενίκησεν, τοῦτον γὰρ τῶν Μεσσηνίων τὸν πόλεμον Ῥιανόσ τε ἐν τοῖσ ἔπεσιν ἐποίησεν ὁ Βηναῖοσ καὶ ὁ Πριηνεὺσ Μύρων· λόγοι δὲ πεζοὶ Μύρωνόσ ἐστιν ἡ συγγραφή.

συνεχῶσ μὲν δὴ τὰ πάντα ἐξ ἀρχῆσ ἐσ τοῦ πολέμου τὴν τελευτὴν οὐδετέρῳ διήνυσται·

μέροσ δὲ ᾧ ἑκάτεροσ ἠρέσκετο, ὁ μὲν τῆσ τε Ἀμφείασ τὴν ἅλωσιν καὶ τὰ ἐφεξῆσ συνέθηκεν οὐ πρόσω τῆσ Ἀριστοδήμου τελευτῆσ, Ῥιανὸσ δὲ τοῦδε μὲν τοῦ πρώτου τῶν πολέμων οὐδὲ ἥψατο ἀρχήν· ὁπόσα δὲ χρόνῳ συνέβη τοῖσ Μεσσηνίοισ ἀποστᾶσιν ἀπὸ Λακεδαιμονίων, ὁ δὲ καὶ ταῦτα μὲν οὐ τὰ πάντα ἔγραψε, τῆσ μάχησ δὲ τὰ ὕστερα ἣν ἐμαχέσαντο ἐπὶ τῇ τάφρῳ τῇ καλουμένῃ Μεγάλῃ. ἄνδρα οὖν Μεσσήνιον ‐ τούτου γὰρ δὴ ἕνεκα τὸν πάντα ἐποιησάμην Ῥιανοῦ καὶ Μύρωνοσ λόγον ‐ Ἀριστομένην, ὃσ καὶ πρῶτοσ καὶ μάλιστα τὸ Μεσσήνησ ὄνομα ἐσ ἀξίωμα προήγαγε, τοῦτον τὸν ἄνδρα ἐπεισήγαγε μὲν ὁ Πριηνεὺσ ἐσ τὴν συγγραφήν, Ῥιανῷ δὲ ἐν τοῖσ ἔπεσιν οὐδὲν Ἀριστομένησ ἐστὶν ἀφανέστεροσ ἢ Ἀχιλλεὺσ ἐν Ἰλιάδι Ὁμήρῳ.

διάφορα οὖν ἐπὶ τοσοῦτον εἰρηκότων, προσέσθαι μὲν τὸν ἕτερόν μοι τῶν λόγων καὶ οὐχ ἅμα ἀμφοτέρουσ ὑπελείπετο, Ῥιανὸσ δέ μοι ποιῆσαι μᾶλλον ἐφαίνετο εἰκότα ἐσ τὴν Ἀριστομένουσ ἡλικίαν· Μύρωνα δὲ ἐπί τε ἄλλοισ καταμαθεῖν ἔστιν οὐ προορώμενον εἰ ψευδῆ τε καὶ οὐ πιθανὰ δόξει λέγειν καὶ οὐχ ἥκιστα ἐν τῇδε τῇ Μεσσηνίᾳ συγγραφῇ.

πεποίηκε γὰρ ὡσ ἀποκτείνειε Θεόπομπον τῶν Λακεδαιμονίων τὸν βασιλέα Ἀριστομένησ ὀλίγον πρὸ τῆσ Ἀριστοδήμου τελευτῆσ· ἴσμεν πρὶν ἢ διαπολεμηθῆναι τὸν πόλεμον.

οὗτοσ δὲ ὁ Θεόπομποσ·

ἦν καὶ ὁ πέρασ ἐπιθεὶσ τῷ πολέμῳ· μαρτυρεῖ δέ μοι καὶ τὰ ἐλεγεῖα τῶν Τυρταίου λέγοντα ἡμετέρῳ βασιλῆι θεοῖσι φίλῳ Θεοπόμπῳ,ὃν διὰ Μεσσήνην εἵλομεν εὐρύχορον. ὁ τοίνυν Ἀριστομένησ δόξῃ γε ἐμῇ γέγονεν ἐπὶ τοῦ πολέμου τοῦ ὑστέρου· καὶ τὰ ἐσ αὐτόν, ἐπειδὰν ἐσ τοῦτο ὁ λόγοσ ἀφίκηται, τηνικαῦτα ἐπέξειμι. οἱ δὲ Μεσσήνιοι τότε, ὡσ τὰ περὶ τὴν Ἄμφειαν ἤκουον παρ’ αὐτῶν τῶν ἀποσωθέντων ἐκ τῆσ ἁλώσεωσ, συνελέγοντο ἐσ Στενύκληρον ἀπὸ τῶν πόλεων.

ἀθροισθέντοσ δὲ ἐσ ἐκκλησίαν τοῦ δήμου καὶ ἄλλοι τῶν ἐν τέλει καὶ τελευταῖοσ ὁ βασιλεὺσ παρεκελεύετο μήτε τῆσ Ἀμφείασ καταπεπλῆχθαι τὴν πόρθησιν, ὡσ τὸν πάντα ἤδη κεκριμένον δι’ αὐτῆσ πόλεμον, μήτε ὡσ τῆσ σφετέρασ κρείσσονα τῶν Λακεδαιμονίων δεδοικέναι τὴν παρασκευήν· μελέτην μὲν γὰρ ἐκείνοισ τῶν πολεμικῶν ἐκ χρόνου πλείονοσ, σφίσι δὲ εἶναι τήν τε ἀνάγκην ἰσχυροτέραν ἀνδράσιν ἀγαθοῖσ γίνεσθαι καὶ τὸ εὐμενέστερον ἔσεσθαι παρὰ τῶν θεῶν ἀμύνουσι τῇ οἰκείᾳ καὶ οὐκ ἀδικίασ ἄρχουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 6

(파우사니아스, Description of Greece, Μεσσηνιακά, chapter 6)

상위

목록

SEARCH

MENU NAVIGATION