헬라어 문장 검색 - Παυσαν́Δεσξριπ́4́05́

(파우사니아스, Description of Greece, Μεσσηνιακά, chapter 5)

Λακεδαιμόνιοι μὲν δὴ Πολυχάρουσ τε ἕνεκα οὐκ ἐκδοθέντοσ σφίσι καὶ διὰ τὸν Τηλέκλου φόνον, καὶ πρότερον ἔτι ὑπόπτωσ ἔχοντεσ διὰ τὸ Κρεσφόντου κακούργημα ἐσ τὸν κλῆρον, πολεμῆσαι λέγουσι· Μεσσήνιοι δὲ περὶ Τηλέκλου ἀντιλέγουσι τὰ εἰρημένα ἤδη μοι καὶ Αἴπυτον τὸν Κρεσφόντου συγκαταχθέντα ἀποφαίνουσιν ὑπὸ Ἀριστοδήμου τῶν παίδων, ὃ μήποτ’ ἂν ποιῆσαι σφᾶσ Κρεσφόντῃ γε ὄντασ διαφόρουσ. Πολυχάρην δὲ ἐκδοῦναι μὲν ἐπὶ τιμωρίᾳ Λακεδαιμονίοισ οὔ φασιν, ὅτι μηδὲ ἐκεῖνοι σφίσιν Εὐαίφνον, ἐθέλειν μέντοι παρὰ Ἀργείοισ συγγενέσιν οὖσιν ἀμφοτέρων ἐν Ἀμφικτυονίᾳ διδόναι δίκασ, ἐπιτρέπειν δὲ καὶ τῷ Ἀθήνῃσι δικαστηρίῳ, καλουμένῳ δὲ Ἀρείῳ πάγῳ, ὅτι δίκασ τὰσ φονικὰσ τὸ δικαστήριον τοῦτο ἐδόκει δικάζειν ἐκ παλαιοῦ.

Λακεδαιμονίουσ δὲ οὐ διὰ ταῦτα πολεμῆσαί φασιν, ὑπὸ πλεονεξίασ δὲ τῇ σφετέρᾳ τε ἐπιβουλεῦσαι καὶ ἄλλα ἐργάσασθαι, προφέροντεσ μέν σφισι τὰ Ἀρκάδων, προφέροντεσ δὲ καὶ τὰ Ἀργείων, ὡσ οὔποτε ἐσχήκασι κόρον ἀποτεμνόμενοι τῆσ χώρασ αἰεί τι ἑκατέρων·

τοὺσ ἐν τῇ Ἀσίᾳ κατεδουλώσατο Ἕλληνασ καὶ ὅσοι Δωριεῖσ ἐν τῇ Καρικῇ κατοικοῦσιν ἠπείρῳ.

ἀποφαίνουσι δὲ καὶ ἡνίκα οἱ Φωκέων δυνάσται τὸ ἱερὸν τὸ ἐν Δελφοῖσ κατειλήφασιν, ἰδίᾳ τε κατὰ ἄνδρα τοὺσ βασιλεύοντασ ἐν Σπάρτῃ καὶ τῶν ἄλλων τοὺσ ἐπ’ ἀξιώματοσ καὶ κοινῇ τῶν τε ἐφόρων τὴν ἀρχὴν καὶ τὴν γερουσίαν μετασχόντασ τῶν τοῦ θεοῦ.

πρό τε δὴ πάντων, ὡσ οὐδὲν ἂν τοὺσ Λακεδαιμονίουσ κέρδουσ ἕνεκα ὀκνήσαντασ, τὴν συμμαχίαν ὀνειδίζουσί σφισι <τὴν> πρὸσ Ἀπολλόδωρον τὸν ἐν Κασσανδρείᾳ τυραννήσαντα. ἀνθ’ ὅτου δὲ Μεσσήνιοι τὸ ὄνειδοσ ἥγηνται τοῦτο οὕτω πικρόν, οὔ μοι τῷ λόγῳ τῷ παρόντι ἦν ἐπεισάγεσθαι·

ὅτι γὰρ μὴ τῶν Μεσσηνίων τὸ εὔψυχον καὶ χρόνου μῆκοσ ὃν ἐπολέμησαν διάφορα ἐγένετο τῆσ Ἀπολλοδώρου τυραννίδοσ, ἔσ γε τὰσ συμφορὰσ οὐ πολλῷ τινι ἀποδέοι <ἂν> ἃ οἱ Κασσανδρεῖσ πεπόνθασι. ταῦτα μὲν δὴ αἴτια ἑκάτεροι τοῦ πολέμου γενέσθαι λέγουσι·

τότε δὲ πρεσβεία Λακεδαιμονίων ἥκουσα ἐξῄτει Πολυχάρην. οἱ δὲ τῶν Μεσσηνίων βασιλεῖσ τοῖσ μὲν πρέσβεσιν ἀπεκρίναντο ὅτι βουλευσάμενοι μετὰ τοῦ δήμου τὰ δόξαντα ἐπιστελοῦσιν ἐσ Σπάρτην, αὐτοὶ δὲ ἐκείνων ἀπελθόντων ἐσ ἐκκλησίαν τοὺσ πολίτασ συνῆγον. αἱ δὲ γνῶμαι διάφοροι παρὰ πολὺ ἐγίνοντο, Ἀνδροκλέουσ μὲν ἐκδιδόναι Πολυχάρην ὡσ ἀνόσιά τε καὶ πέρα δεινῶν εἰργασμένον· ἄλλα τε ἀντέλεγε καὶ τὸ ἁπάντων οἴκτιστον, εἰ Πολυχάρησ ἐν ὀφθαλμοῖσ πείσεται τοῖσ Εὐαίφνου, καταριθμούμενοσ ὅσα καὶ οἱᾶ ἦν ἀνάγκη παθεῖν.

τέλοσ δὲ ἐσ τοσοῦτο προήχθησαν οἵ τε Ἀνδροκλεῖ καὶ οἱ τῷ Ἀντιόχῳ συσπεύδοντεσ ὥστε καὶ τὰ ὅπλα ἔλαβον.

οὐ μὴν ἐσ μακράν γε προῆλθέ σφισιν ἡ μάχη· περιόντεσ γὰρ ἀριθμῷ καὶ πολὺ οἱ σὺν Ἀντιόχῳ τόν τε Ἀνδροκλέα καὶ τῶν περὶ αὐτὸν τοὺσ λόγου μάλιστα ἀξίουσ ἀποκτείνουσιν. Ἀντίοχοσ δὲ βασιλεύων ἤδη μόνοσ ἔπεμπεν ἐσ Σπάρτην ὡσ ἐπιτρέπειν ἐθέλοι τοῖσ δικαστηρίοισ ἃ ἤδη λέλεκταί μοι· Λακεδαιμόνιοι δὲ οὐ λέγονται τοῖσ κομίσασι τὰ γράμματα ἀποκρίνασθαι. μησὶ δὲ οὐ πολλοῖσ ὕστερον Ἀντιόχου τελευτήσαντοσ Εὐφαὴσ ὁ Ἀντιόχου παρέλαβε τὴν ἀρχήν.

Λακεδαιμόνιοι δὲ οὔτε κήρυκα ἀποστέλλουσι προεροῦντα Μεσσηνίοισ πόλεμον οὔτε προαπειπάμενοι τὴν φιλίαν, κρύφα δὲ καὶ μάλιστα ὡσ ἐδύναντο ἐν ἀπορρήτῳ παρασκευασάμενοι, προομνύουσιν ὁρ́κον μήτε τοῦ πολέμου μῆκοσ, ἢν μὴ δι’ ὀλίγου κριθῇ, μήτε τὰσ συμφοράσ, εἰ μεγάλαι πολεμοῦσι γένοιντο, ἀποστρέψειν σφᾶσ πρὶν ἢ κτήσαιντο χώραν τὴν Μεσσηνίαν δοριάλωτον. ταῦτα προομόσαντεσ ἔξοδον νύκτωρ ἐποιοῦντο ἐπὶ Ἄμφειαν, Ἀλκαμένην τὸν Τηλέκλου τῆσ στρατιᾶσ ἡγεμόνα ἀποδείξαντεσ.

ἡ δὲ Ἄμφεια πρὸσ τῇ Λακωνικῇ πόλισμα ἦν ἐν τῇ Μεσσηνίᾳ, μεγέθει μὲν οὐ μέγα, ἐπὶ λόφου δὲ ὑψηλοῦ κείμενον, καὶ ὑδάτων πηγὰσ εἶχεν ἀφθόνουσ· ἐδόκει δὲ καὶ ἄλλωσ ἐσ τὸν πάντα πόλεμον ὁρμητήριόν σφισιν ἐπιτήδειον ἡ Ἄμφεια εἶναι. καὶ τό τε πόλισμα αἱροῦσι πυλῶν ἀνεῳγμένων καὶ φυλακῆσ οὐκ ἐνούσησ καὶ τῶν Μεσσηνίων τοὺσ ἐγκαταληφθέντασ φονεύουσι, τοὺσ μὲν ἔτι ἐν ταῖσ εὐναῖσ, τοὺσ δὲ ὡσ ᾔσθοντο πρόσ τε ἱερὰ θεῶν καὶ βωμοὺσ καθημένουσ ἱκέτασ·

ὀλίγοι δὲ καὶ οἱ διαφυγόντεσ ἐγένοντο. ταύτην Λακεδαιμόνιοι πρώτην ἐπὶ Μεσσηνίουσ ἔξοδον ἐποιήσαντο ἔτει δευτέρῳ τῆσ ἐνάτησ Ὀλυμπιάδοσ, ἣν Ξενοδόκοσ Μεσσήνιοσ ἐνίκα στάδιον·

Ἀθήνῃσι δὲ οὐκ ἦσάν πω τότε οἱ τῷ κλήρῳ κατ’ ἐνιαυτὸν ἄρχοντεσ· τοὺσ γὰρ ἀπὸ Μελάνθου, καλουμένουσ δὲ Μεδοντίδασ, κατ’ ἀρχὰσ μὲν ἀφείλοντο ὁ δῆμοσ τῆσ ἐξουσίασ τὸ πολὺ καὶ ἀντὶ βασιλείασ μετέστησαν ἐσ ἀρχὴν ὑπεύθυνον, ὕστερον δὲ καὶ προθεσμίαν ἐτῶν δέκα ἐποίησαν αὐτοῖσ τῆσ ἀρχῆσ. τότε δὲ ὑπὸ τὴν κατάληψιν τῆσ Ἀμφείασ Αἰσιμίδησ Ἀθηναίοισ ἦρχεν ὁ Αἰσχύλου πέμπτον ἔτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 5

(파우사니아스, Description of Greece, Μεσσηνιακά, chapter 5)

상위

목록

SEARCH

MENU NAVIGATION