Pausanias, Description of Greece, Μεσσηνιακά, chapter 4 7:

γενεᾷ δὲ ὕστερον βασιλεύοντοσ ἐν Λακεδαίμονι Ἀλκαμένουσ τοῦ Τηλέκλου, τῆσ δὲ οἰκίασ τῆσ ἑτέρασ Θεοπόμπου τοῦ Νικάνδρου τοῦ Χαρίλλου τοῦ Πολυδέκτου τοῦ Εὐνόμου τοῦ Πρυτάνιδοσ τοῦ Εὐρυπῶντοσ, Μεσσηνίων δὲ Ἀντιόχου καὶ Ἀνδροκλέουσ τῶν Φίντα, Λακεδαιμονίων καὶ Μεσσηνίων ἐξήρθη τὸ ἐσ ἀλλήλουσ μῖσοσ· καὶ ἦρξαν οἱ Λακεδαιμόνιοι πολέμου, ἐπιγενομένησ ἀφορμῆσ σφισιν ἐθελέχθρωσ μὲν ἔχουσι καὶ πολεμῆσαι πάντωσ ἐγνωκόσιν οὐ μόνον ἀποχρώσησ ἀλλὰ καὶ τὰ μάλιστα εὐπροσώπου, μετὰ δὲ εἰρηνικωτέρασ γνώμησ κἂν διελύθη δικαστηρίου γνώσει. τὰ δὲ συμβάντα ἔσχεν οὕτω.