헬라어 문장 검색 - Παυσαν́Δεσξριπ́4́03́

(파우사니아스, Description of Greece, Μεσσηνιακά, chapter 3)

ἐπεὶ δὲ τοῖσ Ἀφαρέωσ παισὶ πρὸσ τοὺσ Διοσκούρουσ ἐγένετο ἀνεψιοὺσ ὄντασ μάχη περὶ τῶν βοῶν καὶ τὸν μὲν Πολυδεύκησ ἀπέκτεινεν, Ἴδαν δὲ ἐπέλαβε τὸ χρεὼν κεραυνωθέντα, ὁ μὲν Ἀφαρέωσ οἶκοσ γένουσ παντὸσ ἠρήμωτο τοῦ ἄρρενοσ, ἐσ δὲ Νέστορα τὸν τοῦ Νηλέωσ περιῆλθε Μεσσηνίων ἡ ἀρχὴ τῶν τε ἄλλων καὶ ὅσων πρότερον ἐβασίλευεν Ἴδασ, πλὴν ὅσοι τοῖσ Ἀσκληπιοῦ παισὶν αὐτῶν ὑπήκουον. καὶ γὰρ τοὺσ Ἀσκληπιοῦ παῖδασ στρατεῦσαί φασιν ἐπ’ Ἴλιον Μεσσηνίουσ ὄντασ, Ἀρσινόησ γὰρ Ἀσκληπιὸν τῆσ Λευκίππου καὶ οὐ Κορωνίδοσ παῖδα εἶναι·

καὶ Τρίκκαν τε καλοῦσιν ἔρημον ἐν τῇ Μεσσηνίᾳ χωρίον καὶ ἔπη τῶν Ὁμήρου καταλέγουσιν, ἐν οἷσ τὸν Μαχάονα ὁ Νέστωρ τῷ ὀιστῷ βεβλημένον περιέπων ἐστὶν εὐνοϊκῶσ· οὐκ ἂν οὖν αὐτὸν <εἰ> μὴ ἐσ γείτονα καὶ ἀνθρώπων βασιλέα ὁμοφύλων προθυμίαν τοσήνδε γε ἐπιδείξασθαι. οἳ δὲ καὶ μάλιστα ἤδη βεβαιοῦνται τὸν ἐσ τοὺσ Ἀσκληπιάδασ λόγον, ἀποφαίνοντεσ ἐν Γερηνίᾳ Μαχάονοσ μνῆμα καὶ τὸ ἐν Φαραῖσ τῶν Μαχάονοσ παίδων ἱερόν. διαπολεμηθέντοσ δὲ τοῦ πρὸσ Ἴλιον πολέμου καὶ Νέστοροσ ὡσ ἐπανῆλθεν οἴκαδε τελευτήσαντοσ, Δωριέων στόλοσ καὶ ἡ κάθοδοσ Ἡρακλειδῶν γενομένη δύο γενεαῖσ ὕστερον ἐξέβαλε τοὺσ Νηλέωσ ἀπογόνουσ ἐκ τῆσ Μεσσηνίασ.

καί μοι ταῦτα ἐγένετο ἤδη τῷ λόγῳ προσθήκη τῷ ἐσ Τισαμενόν· πλὴν τοσόνδε ἔτι δηλώσω. Ἀριστοδήμου πρεσβύτεροσ.

Ἀριστόδημοσ μὲν οὖν ἐτύγχανεν ἤδη τεθνεώσ, Θήρασ δὲ ὁ Αὐτεσίωνοσ τῷ Κρεσφόντῃ μάλιστα ἠναντιοῦτο, τὸ μὲν ἀνέκαθεν Θηβαῖόσ τε καὶ ἀπόγονοσ πέμπτοσ Πολυνείκουσ τοῦ Οἰδίποδοσ, τότε δὲ ἐπετρόπευεν Ἀριστοδήμου τοὺσ παῖδασ θεῖοσ ὢν πρὸσ μητρόσ·

Αὐτεσίωνοσ γὰρ θυγατέρα Ἀριστόδημοσ ἔγημεν ὄνομα Ἀργείαν. Κρεσφόντησ δὲ ‐ γενέσθαι γάρ οἱ ἤθελε τὴν Μεσσηνίαν πάντωσ μοῖραν ‐ Τημένου δεῖται, παρεσκευασμένοσ <δὲ> τοῦτον τῷ κλήρῳ δῆθεν ἐφίησι. Τήμενοσ δὲ ἐσ ὑδρίαν, ἐνόντοσ ἐν αὐτῇ καὶ ὕδατοσ, καθίησι τῶν Ἀριστοδήμου παίδων καὶ Κρεσφόντου τοὺσ πάλουσ ἐπὶ διῃρημένοισ, μοῖραν ἀναιρεῖσθαι τῆσ χώρασ προτέρουσ ὁποτέρων ἂν πάλοσ ἀνέλθῃ πρότερον.

τοὺσ μὲν δὴ πάλουσ <γῆσ> ὁ Τήμενοσ ἐπεποίητο ἀμφοτέρουσ, ἀλλὰ τοῖσ μὲν Ἀριστοδήμου παισὶ ξηρᾶσ ὑπὸ ἡλίου, Κρεσφόντῃ δὲ ὀπτῆσ πυρί· ὅ τε δὴ τῶν Ἀριστοδήμου παίδων πάλοσ κατετέτηκτο καὶ ὁ Κρεσφόντησ οὕτω λαχὼν γῆν αἱρεῖται τὴν Μεσσηνίαν. Μεσσηνίων δὲ τῶν ἀρχαίων οὐκ ἐγένετο ὑπὸ τῶν Δωριέων ὁ δῆμοσ ἀνάστατοσ, ἀλλὰ βασιλεύεσθαί τε συγχωροῦσιν ὑπὸ Κρεσφόντου καὶ ἀναδάσασθαι πρὸσ τοὺσ Δωριέασ τὴν γῆν·

ταῦτα δέ σφισιν εἴκειν παρίστατο ὑποψίᾳ πρὸσ τοὺσ βασιλεύοντασ, ὅτι ἦσαν ἐξ Ιὠλκοῦ τὸ ἀνέκαθεν οἱ Νηλεῖδαι. γυναῖκα δὲ ἔσχε Κρεσφόντησ Μερόπην τὴν Κυψέλου, βασιλεύοντοσ τότε Ἀρκάδων, ἀφ’ ἧσ ἄλλοι τε δὴ παῖδεσ ἐγένοντο αὐτῷ καὶ νεώτατοσ Αἴπυτοσ· τὰ δὲ βασίλεια, ἔνθα αὐτὸσ καὶ οἱ παῖδεσ ἔμελλον οἰκήσειν, ᾠκοδομήσατο ἐν Στενυκλήρῳ.

τὸ μὲν γὰρ ἀρχαῖον οἱ βασιλεῖσ οἵ τε ἄλλοι καὶ ὁ Περιήρησ ᾤκουν ἐν Ἀνδανίᾳ, κτίσαντοσ δὲ Ἀφαρέωσ Ἀρήνην αὖθισ Ἀφαρεὺσ καὶ οἱ παῖδεσ ἐνταῦθα ᾤκησαν· ἐπὶ δὲ Νέστοροσ καὶ τῶν ἀπογόνων ἐν Πύλῳ τὰ βασίλεια ἦν·

Κρεσφόντησ δὲ ἐν Στενυκλήρῳ τὸν βασιλέα οἰκεῖν κατεστήσατο. διοικούμενον δὲ αὐτὸν τὰ πολλὰ ἐσ χάριν τοῦ δήμου μᾶλλον οἱ τὰ χρήματα ἔχοντεσ αὐτόν τε Κρεσφόντην ἐπαναστάντεσ καὶ τοὺσ υἱοὺσ ἀποκτείνουσι τοὺσ λοιπούσ, ὁ δὲ Αἴπυτοσ ‐ παῖδα γὰρ ἔτι ὄντα ἔτρεφεν αὐτὸν ὁ Κύψελοσ ‐ περιγίνεται μόνοσ τοῦ οἴκου, καὶ ὡσ ἀνὴρ ἐγένετο, οἱ Ἀρκάδεσ κατάγουσιν αὐτὸν ἐσ Μεσσήνην· συγκατήγαγον δὲ καὶ οἱ λοιποὶ βασιλεῖσ τῶν Δωριέων, οἵ τε Ἀριστοδήμου παῖδεσ καὶ Ἴσθμιοσ ὁ Τημένου.

Αἴπυτοσ δὲ ὡσ ἐβασίλευσεν, ἐτιμωρήσατο μὲν τοῦ πατρὸσ τοὺσ φονέασ, ἐτιμωρήσατο δὲ καὶ ὅσοι τοῦ φόνου παραίτιοι καθεστήκεσαν· προσαγόμενοσ δὲ τοὺσ μὲν ἐν τέλει τῶν Μεσσηνίων θεραπείαισ, ὅσοι δὲ ἦσαν τοῦ δήμου, δωρεαῖσ, ἐσ τοσοῦτο προέβη τιμῆσ ὡσ καὶ τοὺσ ἀπογόνουσ Αἰπυτίδασ ἀντὶ Ἡρακλειδῶν κληθῆναι. Γλαύκῳ δὲ τῷ Αἰπύτου βασιλεύσαντι μετὰ Αἴπυτον τὰ μὲν ἄλλα ἐξήρκεσε μιμήσασθαι τὸν πατέρα ἔν τε τοῖσ κοινοῖσ καὶ πρὸσ τοὺσ ἰδιώτασ, εὐσεβείασ δὲ ἐσ πλέον προέβη.

καὶ γὰρ τοῦ Διὸσ τὸ ἐπὶ τῇ κορυφῇ τῆσ Ἰθώμησ τέμενοσ, ἀνέντων Πολυκάονοσ καὶ Μεσσήνησ, οὐκ ἔχον παρὰ τοῖσ Δωριεῦσι πω τιμάσ, Γλαῦκοσ ἦν ὁ καὶ τούτοισ σέβειν καταστησάμενοσ· καὶ Μαχάονι τῷ Ἀσκληπιοῦ πρῶτοσ ἔθυσεν ἐν Γερηνίᾳ, γέρα δὲ ἀπένειμε Μεσσήνῃ τῇ Τριόπα τὰ νομιζόμενα ἡρ́ωσιν.

Ἴσθμιοσ δὲ ὁ Γλαύκου καὶ ἱερὸν τῷ Γοργάσῳ καὶ Νικομάχῳ τὸ ἐν Φαραῖσ ἐποίησεν·

Ἰσθμίου δὲ γίνεται Δωτάδασ, ὃσ ἐπίνεια καὶ ἄλλα τῆσ Μεσσηνίασ παρεχομένησ τὸ ἐν Μοθώνῃ κατεσκευάσατο. Συβότασ δὲ ὁ Δωτάδα τῷ τε ποταμῷ κατεστήσατο τῷ Παμίσῳ κατὰ ἔτοσ ἕκαστον θύειν τὸν βασιλεύοντα καὶ Εὐρύτῳ τῷ Μελανέωσ ἐναγίζειν ἐν Οἰχαλίᾳ πρὸ τῆσ τελετῆσ τῶν Μεγάλων θεῶν ἀγομένησ ἔτι ἐν Ἀνδανίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 3

(파우사니아스, Description of Greece, Μεσσηνιακά, chapter 3)

상위

목록

SEARCH

MENU NAVIGATION