호흡부호 보기
강세부호 보기
장단부호 보기
작은 Iota 보기
모든 부호 보기
καὶ περὶ Πέρσασ μὲν ἦν ταῦτα τὸν πάντα μεταξὺ χρόνον γενόμενον, μέχρι οὗ Ξέρξησ αὐτόσ σφεασ ἀπικόμενοσ ἔπαυσε. Μαρδόνιοσ δὲ ὁρῶν μὲν Ξέρξην συμφορὴν μεγάλην ἐκ τῆσ ναυμαχίησ ποιεύμενον, ὑποπτεύων δὲ αὐτὸν δρησμὸν βουλεύειν ἐκ τῶν Ἀθηνέων, φροντίσασ πρὸσ ἑωυτὸν ὡσ δώσει δίκην ἀναγνώσασ βασιλέα στρατεύεσθαι ἐπὶ τὴν Ἑλλάδα, καί οἱ κρέσσον εἰή ἀνακινδυνεῦσαι ἢ κατεργάσασθαι τὴν Ἑλλάδα ἢ αὐτὸν καλῶσ τελευτῆσαι τὸν βίον ὑπὲρ μεγάλων αἰωρηθέντα· πλέον μέντοι ἔφερέ οἱ ἡ γνώμη κατεργάσασθαι τὴν Ἑλλάδα· λογισάμενοσ ὦν ταῦτα προσέφερε τὸν λόγον τόνδε. "δέσποτα, μήτε λυπέο μήτε συμφορὴν μηδεμίαν μεγάλην ποιεῦ τοῦδε τοῦ γεγονότοσ εἵνεκα πρήγματοσ.
οὐ γὰρ ξύλων ἀγὼν ὁ τὸ πᾶν φέρων ἐστὶ ἡμῖν, ἀλλ’ ἀνδρῶν τε καὶ ἵππων. σοὶ δὲ οὔτε τισ τούτων τῶν τὸ πᾶν σφίσι ἤδη δοκεόντων κατεργάσθαι ἀποβὰσ ἀπὸ τῶν νεῶν πειρήσεται ἀντιωθῆναι οὔτ’ ἐκ τῆσ ἠπείρου τῆσδε· οἵ τε ἡμῖν ἠντιώθησαν, ἔδοσαν δίκασ. εἰ μέν νυν δοκέει, αὐτίκα πειρώμεθα τῆσ Πελοποννήσου·
εἰ δὲ καὶ δοκέει ἐπισχεῖν, παρέχει ποιέειν ταῦτα. μηδὲ δυσθύμεε· οὐ γὰρ ἔστι Ἕλλησι οὐδεμία ἔκδυσισ μὴ οὐ δόντασ λόγον τῶν ἐποίησαν νῦν τε καὶ πρότερον εἶναι σοὺσ δούλουσ. μάλιστα μέν νυν ταῦτα ποίεε· εἰ δ’ ἄρα τοι βεβούλευται αὐτὸν ἀπελαύνοντα ἀπάγειν τὴν στρατιήν, ἄλλην ἔχω καὶ ἐκ τῶνδε βουλήν. σὺ Πέρσασ, βασιλεῦ, μὴ ποιήσῃσ καταγελάστουσ γενέσθαι Ἕλλησι·
οὐδὲ γὰρ ἐν Πέρσῃσί τοί τι δεδήληται τῶν πρηγμάτων, οὐδ’ ἐρέεισ ὅκου ἐγενόμεθα ἄνδρεσ κακοί. εἰ δὲ Φοίνικέσ τε καὶ Αἰγύπτιοι καὶ Κύπριοί τε καὶ Κίλικεσ κακοὶ ἐγένοντο, οὐδὲν πρὸσ Πέρσασ τοῦτο προσήκει τὸ πάθοσ. ἤδη ὦν, ἐπειδὴ οὐ Πέρσαι τοι αἴτιοι ἐισί, ἐμοὶ πείθεο·
εἴ τοι δέδοκται μὴ παραμένειν, σὺ μὲν ἐσ ἤθεα τὰ σεωυτοῦ ἀπέλαυνε τῆσ στρατιῆσ ἀπάγων τὸ πολλόν, ἐμὲ δὲ σοὶ χρὴ τὴν Ἑλλάδα παρασχεῖν δεδουλωμένην, τριήκοντα μυριάδασ τοῦ στρατοῦ ἀπολεξάμενον.
호흡부호 보기
강세부호 보기
장단부호 보기
작은 Iota 보기
모든 부호 보기