호흡부호 보기
강세부호 보기
장단부호 보기
작은 Iota 보기
모든 부호 보기
ἐνθαῦτα συνεκύρεον νέεσ ἥ τε Θεμιστοκλέοσ διώκουσα νέα καὶ ἡ Πολυκρίτου τοῦ Κριοῦ ἀνδρὸσ Αἰγινήτεω νηὶ ἐμβαλοῦσα Σιδωνίῃ, ἥ περ εἷλε τὴν προφυλάσσουσαν ἐπὶ Σκιάθῳ τὴν Αἰγιναίην, ἐπ’ ἧσ ἔπλεε Πυθέησ ὁ Ἰσχενόου, τὸν οἱ Πέρσαι κατακοπέντα ἀρετῆσ εἵνεκα εἶχον ἐν τῇ νηὶ ἐκπαγλεόμενοι· τὸν δὴ περιάγουσα ἅμα τοῖσι Πέρσῃσι ἥλω ἡ νηῦσ ἡ Σιδωνίη, ὥστε Πυθέην οὕτω σωθῆναι ἐσ Αἴγιναν. ὡσ δὲ ἐσεῖδε τὴν νέα τὴν Ἀττικὴν ὁ Πολύκριτοσ, ἔγνω τὸ σημήιον ἰδὼν τῆσ στρατηγίδοσ, καὶ βώσασ τὸν Θεμιστοκλέα ἐπεκερτόμησε ἐσ τῶν Αἰγινητέων τὸν μηδισμὸν ὀνειδίζων.
ταῦτα μέν νυν νηὶ ἐμβαλὼν ὁ Πολύκριτοσ ἀπέρριψε ἐσ Θεμιστοκλέα· οἱ δὲ βάρβαροι τῶν αἱ νέεσ περιεγένοντο, φεύγοντεσ ἀπίκοντο ἐσ Φάληρον ὑπὸ τὸν πεζὸν στρατόν.
호흡부호 보기
강세부호 보기
장단부호 보기
작은 Iota 보기
모든 부호 보기