호흡부호 보기
강세부호 보기
장단부호 보기
작은 Iota 보기
모든 부호 보기
οἱ Δελφοὶ δὲ πυνθανόμενοι ταῦτα ἐσ πᾶσαν ἀρρωδίην ἀπίκατο, ἐν δείματι δὲ μεγάλῳ κατεστεῶτεσ ἐμαντεύοντο περὶ τῶν ἱρῶν χρημάτων, εἴτε σφέα κατὰ γῆσ κατορύξωσι εἴτε ἐκκομίσωσι ἐσ ἄλλην χώρην. ὁ δὲ θεόσ σφεασ οὐκ ἐά κινέειν, φὰσ αὐτὸσ ἱκανὸσ εἶναι τῶν ἑωυτοῦ προκατῆσθαι. Δελφοὶ δὲ ταῦτα ἀκούσαντεσ σφέων αὐτῶν πέρι ἐφρόντιζον.
τέκνα μέν νυν καὶ γυναῖκασ πέρην ἐσ τὴν Ἀχαιίην διέπεμψαν, αὐτῶν δὲ οἱ μὲν πλεῖστοι ἀνέβησαν ἐσ τοῦ Παρνησοῦ τὰσ κορυφὰσ καὶ ἐσ τὸ Κωρύκιον ἄντρον ἀνηνείκαντο, οἳ δὲ ἐσ Ἄμφισσαν τὴν Λοκρίδα ὑπεξῆλθον. πάντεσ δὲ ὦν οἱ Δελφοὶ ἐξέλιπον τὴν πόλιν, πλὴν ἑξήκοντα ἀνδρῶν καὶ τοῦ προφήτεω.
호흡부호 보기
강세부호 보기
장단부호 보기
작은 Iota 보기
모든 부호 보기