호흡부호 보기
강세부호 보기
장단부호 보기
작은 Iota 보기
모든 부호 보기
ἐνθαῦτα δὲ τούτων ἐόντων, Ξέρξησ ἑτοιμασάμενοσ τὰ περὶ τοὺσ νεκροὺσ ἔπεμπε ἐσ τὸν ναυτικὸν στρατὸν κήρυκα, προετοιμάσατο δὲ τάδε· ὅσοι τοῦ στρατοῦ τοῦ ἑωυτοῦ ἦσαν νεκροὶ ἐν Θερμοπύλῃσι ἦσαν δὲ καὶ δύο μυριάδεσ, ὑπολιπόμενοσ τούτων ὡσ χιλίουσ, τοὺσ λοιποὺσ τάφρουσ ὀρυξάμενοσ ἔθαψε, φυλλάδα τε ἐπιβαλὼν καὶ γῆν ἐπαμησάμενοσ, ἵνα μὴ ὀφθείησαν ὑπὸ τοῦ ναυτικοῦ στρατοῦ. ὡσ δὲ διέβη ἐσ τὴν Ἱστιαίην ὁ κῆρυξ, σύλλογον ποιησάμενοσ παντὸσ τοῦ στρατοπέδου ἔλεγε τάδε.
"ἄνδρεσ σύμμαχοι, βασιλεὺσ Ξέρξησ τῷ βουλομένῳ ὑμέων παραδίδωσι ἐκλιπόντα τὴν τάξιν καὶ ἐλθόντα θεήσασθαι ὅκωσ μάχεται πρὸσ τοὺσ ἀνοήτουσ τῶν ἀνθρώπων, οἳ ἤλπισαν τὴν βασιλέοσ δύναμιν ὑπερβαλέεσθαι.
호흡부호 보기
강세부호 보기
장단부호 보기
작은 Iota 보기
모든 부호 보기