헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 84)

τοιαῦτα τοῦ Βρούτου δημηγοροῦντοσ ἀναβοήσεισ τε συνεχεῖσ ἐφ’ ἑκάστῳ τῶν λεγομένων ἐκ τοῦ πλήθουσ ἐγίνοντο διασημαίνουσαι τὸ βουλόμενόν τε καὶ ἐπικελευόμενον, τοῖσ δὲ πλείοσιν αὐτῶν καὶ δάκρυα ὑφ’ ἡδονῆσ ἔρρει θαυμαστῶν καὶ ἀπροσδοκήτων ἀκούουσι λόγων· πάθη τε ποικίλα τὴν ἑκάστου ψυχὴν κατελάμβανεν οὐδὲν ἀλλήλοισ ἐοικότα· θυμοὶ συνεξέπιπτον φόβοισ, οἱ μὲν ἐπὶ τῷ κακῶσ δράσαι τὰ μισούμενα τῆσ ἀσφαλείασ ὑπερορᾶν ἐπαίροντεσ, οἱ δὲ κατὰ λογισμὸν τοῦ μὴ ῥᾳδίαν εἶναι τὴν καθαίρεσιν τῆσ τυραννίδοσ ὄκνον ταῖσ ἐπιβολαῖσ ἐπιφέροντεσ.

ἐπεὶ δ’ ἐπαύσατο λέγων, ὥσπερ ἐξ ἑνὸσ στόματοσ ἅπαντεσ τὴν αὐτὴν φωνὴν ἀνέκραγον ἄγειν σφᾶσ ἐπὶ τὰ ὅπλα.

καὶ ὁ Βροῦτοσ ἡσθείσ, Εἄν γε πρότερον, ἔφη, τὰ δόξαντα τῷ συνεδρίῳ μαθόντεσ ἐπικυρώσητε δέδοκται γὰρ ἡμῖν φεύγειν Ταρκυνίουσ πόλιν τε τὴν Ῥωμαίων καὶ χώραν, ὅσησ ἄρχουσι Ῥωμαῖοι, καὶ γένοσ τὸ ἐξ αὐτῶν ἅπαν· ἐὰν δέ τισ παρὰ ταῦτα ποιῶν εὑρίσκηται τεθνάναι.

ταύτην εἰ βουλομένοισ ὑμῖν ἐστι τὴν γνώμην εἶναι κυρίαν, διαστάντεσ κατὰ τὰσ φράτρασ ψῆφον ἐπενέγκατε, καὶ τοῦθ’ ὑμῖν πρῶτον ἀρξάτω τὸ δικαίωμα τῆσ ἐλευθερίασ.

ἐγίνετο ταῦτα· καὶ ἐπειδὴ πᾶσαι τὴν φυγὴν τῶν τυράννων αἱ φρᾶτραι κατεψηφίσαντο, παρελθὼν πάλιν ὁ Βροῦτοσ λέγει· ἐπειδὴ τὰ πρῶτα ἡμῖν κεκύρωται κατὰ τὸ δέον, ἀκούσατε καὶ τὰ λοιπὰ ὅσα βεβουλεύμεθα περὶ τῆσ πολιτείασ. ἡμῖν σκοπουμένοισ, τίσ ἀρχὴ γενήσεται τῶν κοινῶν κυρία, βασιλείαν μὲν οὐκέτι καταστήσασθαι δοκεῖ, ἄρχοντασ δὲ δύο καθ’ ἕκαστον ἐνιαυτὸν ἀποδεικνύναι βασιλικὴν ἕξοντασ ἐξουσίαν, οὓσ ἂν ὑμεῖσ ἐν ἀρχαιρεσίαισ ἀποδείξητε ψῆφον ἐπιφέροντεσ κατὰ λόχουσ.

εἰ δὴ καὶ ταῦτα βουλομένοισ ἐστὶν ὑμῖν, ἐπιψηφίσατε. ἐπῄνει καὶ ταύτην τὴν γνώμην ὁ δῆμοσ, καὶ ψῆφοσ οὐδεμία ἐγένετο ἐναντία. μετὰ τοῦτο παρελθὼν ὁ Βροῦτοσ ἀποδείκνυσι μεσοβασιλέα τὸν ἐπιμελησόμενον τῶν ἀρχαιρεσιῶν κατὰ τοὺσ πατρίουσ νόμουσ Σπόριον Λουκρήτιον·

κἀκεῖνοσ ἀπολύσασ τὴν ἐκκλησίαν ἐκέλευσεν ἅπαντασ ἥκειν εἰσ τὸ πεδίον, ἔνθα σύνηθεσ αὐτοῖσ ἦν ἀρχαιρεσιάζειν, ἔχοντασ τὰ ὅπλα ἐν τάχει.

ἀφικομένων δ’ αὐτῶν ἄνδρασ αἱρεῖται δύο τοὺσ πράξοντασ ὅσα τοῖσ βασιλεῦσιν ἐξῆν, Βροῦτόν τε καὶ Κολλατῖνον· καὶ ὁ δῆμοσ καλούμενοσ κατὰ λόχουσ ἐπεκύρωσε τοῖσ ἀνδράσι τὴν ἀρχήν. καὶ τὰ μὲν κατὰ πόλιν ἐν τῷ τότε χρόνῳ πραχθέντα τοιαῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 84

(디오니시오스, Antiquitates Romanae, Books IV-VI, book 4, chapter 84)

상위

목록

SEARCH

MENU NAVIGATION