헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 73)

χαλεπῆσ δὲ καὶ δυσκρίτου τῆσ αἱρέσεωσ ἅπασι φαινομένησ διὰ τὰσ παρακολουθούσασ ἑκάστῃ τῶν πολιτειῶν κακίασ τελευταῖοσ παραλαβὼν τὸν λόγον ὁ Βροῦτοσ εἶπεν· ἐγὼ δ’, ὦ Λουκρήτιε καὶ Κολλατῖνε καὶ πάντεσ ὑμεῖσ οἱ παρόντεσ ἄνδρεσ ἀγαθοὶ καὶ ἐξ ἀγαθῶν, καινὴν μὲν οὐδεμίαν οἰόμαι δεῖν ἡμᾶσ καθίστασθαι πολιτείαν κατὰ τὸ παρόν· ὅ τε γὰρ καιρόσ, εἰσ ὃν συνήγμεθα ὑπὸ τῶν πραγμάτων, βραχύσ, ἐν ᾧ μεθαρμόσασθαι πόλεωσ κόσμον οὐ ῥᾴδιον, ἥ τε πεῖρα τῆσ μεταβολῆσ, κἂν τὰ κράτιστα τύχωμεν περὶ αὐτῆσ βουλευσάμενοι, σφαλερὰ καὶ οὐκ ἀκίνδυνοσ, ἐξέσται θ’ ἡμῖν ὕστερον, ὅταν ἀπαλλαγῶμεν τῆσ τυραννίδοσ μετὰ πλείονοσ ἐξουσίασ καὶ κατὰ σχολὴν βουλευομένοισ τὴν κρείττονα πολιτείαν ἀντὶ τῆσ χείρονοσ ἑλέσθαι, εἰ δή τισ ἄρα ἔστι κρείττων, ἧσ Ῥωμύλοσ τε καὶ Πομπίλιοσ καὶ πάντεσ οἱ μετ’ ἐκείνουσ βασιλεῖσ καταστησάμενοι παρέδοσαν ἡμῖν, ἐξ ἧσ μεγάλη καὶ εὐδαίμων καὶ πολλῶν ἄρχουσα ἀνθρώπων ἡ πόλισ ἡμῶν διετέλεσεν.

ἃ δὲ παρακολουθεῖν εἰώθε ταῖσ μοναρχίαισ χαλεπά, ἐξ ὧν εἰσ τυραννικὴν ὠμότητα περιίστανται καὶ δι’ ἃ δυσχεραίνουσιν ἅπαντεσ αὐτάσ, ταῦθ’ ὑμῖν ἐπανορθώσασθαί τε καὶ νῦν καὶ ἵνα μηδ’ ἐξ ὑστέρου γένηταί ποτε φυλάξασθαι παραινῶ.

τίνα δ’ ἐστὶ ταῦτα; ἢ φεύγουσι τῶν ὠφελίμων, ἐν οἷσ καὶ τὴν μοναρχίαν εἶναι συμβέβηκε, μεταθέσθαι τοὔνομα τῆσ πολιτείασ ὑμῖν παραινῶ καὶ τοὺσ μέλλοντασ ἕξειν τὴν ἁπάντων ἐξουσίαν μήτε βασιλεῖσ ἔτι μήτε μονάρχουσ καλεῖν, ἀλλὰ μετριωτέραν τινὰ καὶ φιλανθρωποτέραν ἐπ’ αὐτοῖσ θέσθαι προσηγορίαν.

ἔπειτα μὴ ποιεῖν μίαν γνώμην ἁπάντων κυρίαν, ἀλλὰ δυσὶν ἐπιτρέπειν ἀνδράσι τὴν βασιλικὴν ἀρχήν, ὡσ Λακεδαιμονίουσ πυνθάνομαι ποιεῖν ἐπὶ πολλὰσ ἤδη γενεάσ, καὶ διὰ τοῦτο τὸ σχῆμα τοῦ πολιτεύματοσ ἁπάντων μάλιστα τῶν Ἑλλήνων εὐνομεῖσθαί τε καὶ εὐδαιμονεῖν·

ἧττον γὰρ ὑβρισταὶ καὶ βαρεῖσ ἔσονται διαιρεθείσησ τῆσ ἐξουσίασ διχῇ καὶ τὴν αὐτὴν ἔχοντοσ ἰσχὺν ἑκατέρου· αἰδώσ τ’ ἀλλήλων καὶ κώλυσισ τοῦ καθ’ ἡδονὴν ζῆν φιλοτιμία τε πρὸσ ἀρετῆσ δόκησιν ἐκ ταύτησ γένοιτ’ ἂν ἑκάστῳ τῆσ ἰσοτίμου δυναστείασ μάλιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 73

(디오니시오스, Antiquitates Romanae, Books IV-VI, book 4, chapter 73)

상위

목록

SEARCH

MENU NAVIGATION