헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 67)

ταχείᾳ δὲ καὶ κατεσπουδασμένῃ παρακλήσει τῶν ἐπιφανεστάτων ἀνδρῶν εἰσ τὴν οἰκίαν συνελθόντων ὥσπερ ἠξίου, λέγει πρὸσ αὐτοὺσ ἅπαν τὸ πρᾶγμα ἐξ ἀρχῆσ ἀναλαβοῦσα. πατέρα καὶ πολλὰσ λιτανείασ ἐκείνου τε καὶ τῶν σὺν αὐτῷ παρόντων ποιησαμένη θεοῖσ τε καὶ δαίμοσιν εὐξαμένη ταχεῖαν αὐτῇ δοῦναι τὴν ἀπαλλαγὴν τοῦ βίου σπᾶται τὸ ξιφίδιον, ὃ κατέκρυπτεν ὑπὸ τοῖσ πέπλοισ, καὶ μίαν ἐνέγκασα διὰ τῶν στέρνων πληγὴν ἑώσ τῆσ καρδίασ ὠθεῖ .

κραυγῆσ δὲ καὶ θρήνου καὶ τυπετοῦ γυναικείου τὴν οἰκίαν ὅλην κατασχόντοσ ὁ μὲν πατὴρ περιχυθεὶσ τῷ σώματι περιέβαλλε καὶ ἀνεκαλεῖτο καὶ ὡσ ἀνοίσουσαν ἐκ τοῦ τραύματοσ ἐτημελεῖτο, ἡ δ’ ἐν ταῖσ ἀγκάλαισ αὐτοῦ σπαίρουσα καὶ ψυχορραγοῦσα ἀποθνήσκει.

τοῖσ δὲ παροῦσι Ῥωμαίων οὕτω δεινὸν ἔδοξεν εἶναι καὶ ἐλεεινὸν τὸ πάθοσ, ὥστε μίαν ἁπάντων γενέσθαι φωνήν, ὡσ μυριάκισ αὐτοῖσ κρεῖττον εἰή τεθνάναι περὶ τῆσ ἐλευθερίασ ἢ τοιαύτασ ὕβρεισ ὑπὸ τῶν τυράννων γενομένασ περιορᾶν. ἦν δέ τισ ἐν αὐτοῖσ Πόπλιοσ Οὐαλέριοσ ἑνὸσ τῶν ἅμα Τατίῳ παραγενομένων εἰσ Ῥώμην Σαβίνων ἀπόγονοσ, δραστήριοσ ἀνὴρ καὶ φρόνιμοσ.

οὗτοσ ἐπὶ στρατόπεδον ὑπ’ αὐτῶν πέμπεται τῷ τ’ ἀνδρὶ τῆσ Λουκρητίασ τὰ συμβεβηκότα φράσων καὶ σὺν ἐκείνῳ πράξων ἀπόστασιν τοῦ στρατιωτικοῦ πλήθουσ ἀπὸ τῶν τυράννων.

ἄρτι δ’ αὐτῷ τὰσ πύλασ ἐξεληλυθότι συναντᾷ κατὰ δαίμονα παραγινόμενοσ εἰσ τὴν πόλιν ὁ Κολλατῖνοσ ἀπὸ στρατοπέδου, τῶν κατεσχηκότων τὴν οἰκίαν αὐτοῦ κακῶν οὐδὲν εἰδὼσ καὶ σὺν αὐτῷ Λεύκιοσ Ιοὔνιοσ, ᾧ Βροῦτοσ ἐπωνύμιον ἦν·

εἰή δ’ ἂν ἐξερμηνευόμενοσ ὁ Βροῦτοσ εἰσ τὴν Ἑλληνικὴν διάλεκτον ἠλίθιοσ· ὑπὲρ οὗ μικρὰ προειπεῖν ἀναγκαῖον, ἐπειδὴ τοῦτον ἀποφαίνουσι Ῥωμαῖοι τῆσ καταλύσεωσ τῶν τυράννων αἰτιώτατον γενέσθαι, τίσ τ’ ἦν καὶ ἀπὸ τίνων καὶ διὰ τί τῆσ ἐπωνυμίασ ταύτησ ἔτυχεν οὐδὲν αὐτῷ προσηκούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 67

(디오니시오스, Antiquitates Romanae, Books IV-VI, book 4, chapter 67)

상위

목록

SEARCH

MENU NAVIGATION