헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 60)

τούτοισ τοῖσ ἀνδράσιν ἀφικομένοισ εἰσ τὴν οἰκίαν τοῦ τερατοσκόπου περιτυγχάνει τι μειράκιον ἐξιόν, ᾧ φράσαντεσ, ὅτι Ῥωμαίων εἰσὶ πρέσβεισ τῷ μάντει βουλόμενοι συντυχεῖν, παρεκάλουν ἀπαγγεῖλαι πρὸσ αὐτόν. καὶ ὁ νεανίασ, Πατὴρ ἐμόσ ἐστιν, ἔφησεν, ᾧ χρῄζετε συντυχεῖν· ἀσχολεῖται δὲ κατὰ τὸ παρόν·

ἔσται δ’ ὑμῖν ὀλίγου χρόνου παρελθεῖν πρὸσ αὐτόν. ἐν ᾧ δ’ ἐκεῖνον ἐκδέχεσθε, πρὸσ ἐμὲ δηλώσατε, περὶ τίνοσ ἥκετε.

περιέσται γὰρ ὑμῖν, εἴ τι μέλλετε διὰ τὴν ἀπειρίαν σφάλλεσθαι κατὰ τὴν ἐρώτησιν, ὑπ’ ἐμοῦ διδαχθεῖσι μηδὲν ἐξαμαρτεῖν· μοῖρα δ’ οὐκ ἐλαχίστη τῶν ἐν μαντικῇ θεωρημάτων ἐρώτησισ ὀρθή. ἐδόκει τοῖσ ἀνδράσιν οὕτω ποιεῖν, καὶ λέγουσιν αὐτῷ τὸ τέρασ. ὁ δ’ ὡσ ἤκουσε μικρὸν ἐπισχὼν χρόνον, ἀκούσατ’, ἔφησεν, ἄνδρεσ Ῥωμαῖοι· τὸ μὲν τέρασ ὑμῖν ὁ πατὴρ διελεῖται καὶ οὐδὲν ψεύσεται· μάντει γὰρ οὐ θέμισ· ἃ δὲ λέγοντεσ ὑμεῖσ καὶ ἀποκρινόμενοι πρὸσ τὰσ ἐρωτήσεισ ἀναμάρτητοί τε καὶ ἀψευδεῖσ ἔσεσθε· διαφέρει γὰρ ὑμῖν προεγνωκέναι ταῦτα·

παρ’ ἐμοῦ μάθετε. ὅταν ἀφηγήσησθε αὐτῷ τὸ τέρασ, οὐκ ἀκριβῶσ μανθάνειν φήσασ ὅ τι λέγετε περιγράψει τῷ σκήπωνι τῆσ γῆσ μέροσ ὅσον δή τι·

ἔπειθ’ ὑμῖν ἐρεῖ, Τουτὶ μέν ἐστιν ὁ Ταρπήιοσ λόφοσ, μέροσ δ’ αὐτοῦ τουτὶ μὲν τὸ πρὸσ τὰσ ἀνατολὰσ βλέπον, τουτὶ δὲ τὸ πρὸσ τὰσ δύσεισ, βόρειον δ’ αὐτοῦ τόδε καὶ τοὐναντίον νότιον. ταῦτα τῷ σκήπωνι δεικνὺσ πεύσεται παρ’ ὑμῶν, ἐπὶ ποίῳ τῶν μερῶν τούτων εὑρέθη ἡ κεφαλή.

τί οὖν ὑμῖν ἀποκρίνασθαι παραινῶ; μὴ συγχωρεῖν ἐν μηδενὶ τῶν τόπων τούτων, οὓσ ἂν ἐκεῖνοσ τῷ σκήπωνι δεικνὺσ πυνθάνηται, τὸ τέρασ εὑρεθῆναι, ἀλλ’ ἐν Ῥώμῃ φάναι παρ’ ἡμῖν ἐν Ταρπηίῳ λόφῳ. ταύτασ ἐὰν φυλάττητε τὰσ ἀποκρίσεισ καὶ μηδὲν παράγησθε ὑπ’ αὐτοῦ, συγγνούσ, ὅτι τὸ χρεὼν οὐκ ἔνεστι μετατεθῆναι, διελεῖται τὸ τέρασ ὑμῖν ὅ τι βούλεται σημαίνειν καὶ οὐκ ἀποκρύψεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 60

(디오니시오스, Antiquitates Romanae, Books IV-VI, book 4, chapter 60)

상위

목록

SEARCH

MENU NAVIGATION