헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 57)

ἠρεθισμένου δὲ τοῦ πλήθουσ καὶ μετὰ πολλῆσ. προθυμίασ πυνθανομένου, τίνεσ εἰσὶν οἱ μέλλοντεσ αὐτὸν προδιδόναι, Ἀντίστιον Πέτρωνα ὠνόμασεν, ὃσ ἐν εἰρήνῃ τε πολλὰ καὶ σπουδαῖα πολιτευσάμενοσ καὶ στρατηγίασ πολλὰσ τετελεκὼσ ἐπιφανέστατοσ ἁπάντων ἐγεγόνει· ἀπολογουμένου δὲ τοῦ ἀνδρὸσ καὶ διὰ τὸ μηδὲν ἑαυτῷ συνειδέναι πᾶσαν ἐξέτασιν ὑπομένοντοσ ἔφη βούλεσθαι τὴν οἰκίαν αὐτοῦ διερευνῆσαι πέμψασ ἑτέρουσ, αὐτὸσ δ’ ἐπὶ τῆσ ἐκκλησίασ σὺν ἐκείνῳ, τέωσ ἂν οἱ πεμφθέντεσ ἔλθωσι, μένειν. ἔτυχε δὲ διεφθαρκὼσ αὐτοῦ τῶν θεραπόντων τινὰσ ἀργυρίῳ τὰσ ἐπὶ τὸν ὄλεθρον τοῦ Πέτρωνοσ κατασκευασθείσασ ἐπιστολὰσ σεσημειωμένασ τῇ τοῦ πατρὸσ σφραγῖδι λαβόντασ ἔνδον ἀποθέσθαι.

ὡσ δ’ οἱ πεμφθέντεσ ἐπὶ τὴν ἔρευναν· οὐδὲν γὰρ ἀντεῖπεν ὁ Πέτρων, ἀλλ’ ἐφῆκε τὴν οἰκίαν ἐρευνᾶν· εὑρόντεσ, ἔνθα ἦν ἀποκεκρυμμένα τὰ γράμματα, παρῆσαν εἰσ τὴν ἐκκλησίαν ἄλλασ τε πολλὰσ φέροντεσ ἐπιστολὰσ ἐπισεσημασμένασ καὶ τὴν πρὸσ τὸν Ἀντίστιον γραφεῖσαν, ἐπιγινώσκειν φήσασ τὴν σφραγῖδα τοῦ πατρὸσ ὁ Σέξτοσ ἔλυσε, καὶ τῷ γραμματεῖ δοὺσ ἐκέλευσεν ἀναγινώσκειν.

ἐγέγραπτο δ’ ἐν αὐτῇ, μάλιστα μὲν ζῶντα παραδοῦναι τὸν υἱὸν αὐτῷ , ἐὰν δ’ ἀδύνατοσ ᾖ τοῦτο τὴν κεφαλὴν ἀποτεμόντα πέμψαι.

ταῦτα δὲ ποιήσαντι αὐτῷ τε καὶ τοῖσ συλλαβομένοισ τοῦ ἔργου χωρὶσ τῶν ἄλλων μισθῶν, οὓσ πρότερον ὑπέσχητο, πολιτείαν τε τὴν ἐν Ῥώμῃ δώσειν ἔφη καὶ εἰσ τὸν τῶν πατρικίων ἀριθμὸν ἅπαντασ ἐγγράψειν οἰκίασ τε καὶ κλήρουσ καὶ ἄλλασ δωρεὰσ πολλὰσ ἐπιθήσειν καὶ μεγάλασ. ἐφ’ οἷσ ἐρεθισθέντεσ οἱ Γάβιοι τὸν μὲν Ἀντίστιον ἐκπεπληγότα ἐπὶ τῇ παραδόξῳ συμφορᾷ καὶ οὐδὲ φωνὴν ὑπὸ τοῦ κακοῦ ῥῆξαι δυνάμενον ἀποκτείνουσι βάλλοντεσ λίθοισ·

τὴν δὲ κατὰ τῶν ἄλλων ζήτησίν τε καὶ τιμωρίαν τῶν ταὐτὰ τῷ Πέτρωνι βουλευσαμένων ἐπέτρεψαν τῷ Σέξτῳ ποιήσασθαι. ὁ δὲ τοῖσ ἰδίοισ ἑταίροισ τὴν φυλακὴν ἐπιτρέψασ τῶν πυλῶν, ἵνα μὴ διαφύγοιεν αὐτὸν οἱ ἐν ταῖσ αἰτίαισ, πέμπων ἐπὶ τὰσ οἰκίασ τῶν ἐπιφανεστάτων ἀνδρῶν ἀπέκτεινε πολλοὺσ τῶν Γαβίων καὶ ἀγαθούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 57

(디오니시오스, Antiquitates Romanae, Books IV-VI, book 4, chapter 57)

상위

목록

SEARCH

MENU NAVIGATION