헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 51)

ἔτι δ’ ἐν τῇ Συέσσῃ διατρίβοντοσ αὐτοῦ παρῆν τισ ἀγγέλλων, ὅτι Σαβίνων ἡ κρατίστη νεότησ ἐξελήλυθε καὶ δυσὶ μεγάλοισ στρατεύμασιν εἰσ τὴν Ῥωμαίων ἐμβαλοῦσα λεηλατεῖ τοὺσ ἀγρούσ, ἡ μὲν Ἠρήτου πλησίον θεμένη τὸν χάρακα, ἡ δὲ περὶ Φιδήνην· καὶ εἰ μή τισ αὐτοῖσ δύναμισ ἐναντιωθήσεται, πάντα οἰχήσεται τἀκεῖ. ὡσ δὲ ταῦτ’ ἤκουσεν, ἐν μὲν τῇ Συέσσῃ βραχύ τι καταλείπει μέροσ τῆσ στρατιᾶσ τά τε λάφυρα καὶ τὴν ἀποσκευὴν φυλάττειν παρακελευσάμενοσ, τὴν δ’ ἄλλην δύναμιν εὔζωνον ἀναλαβὼν ἦγεν ἐπὶ τοὺσ πρὸσ Ἠρήτῳ κατεστρατοπεδευκότασ καὶ τίθεται τὸν χάρακα μετέωρον ὀλίγον τὸ μεταξὺ χωρίον καταλιπών.

δόξαν δὲ τοῖσ ἡγεμόσι τῶν Σαβίνων μάχην ἑώθεν τίθεσθαι μεταπεμψαμένοισ τὸ ἐν Φιδήνῃ στράτευμα, μαθὼν τὴν διάνοιαν αὐτῶν ὁ Ταρκύνιοσ· ἑάλω γὰρ ὁ τὰ γράμματα κομίζων παρὰ τῶν αὐτόθεν ἡγεμόνων πρὸσ τοὺσ ἐκεῖ·

σοφίᾳ πρὸσ τὸ συμβὰν ἀπὸ τύχησ ἐχρήσατο τοιᾷδε. νείμασ τὴν δύναμιν διχῇ τὴν μὲν ἑτέραν ὑπὸ νύκτα πέμπει λαθὼν τοὺσ πολεμίουσ ἐπὶ τὴν φέρουσαν ἀπὸ Φιδήνησ ὁδόν, τὴν δ’ ἑτέραν ἅμα τῷ λαμπρὰν ἡμέραν γενέσθαι συντάξασ προῆγεν ἐκ τοῦ χάρακοσ ὡσ εἰσ μάχην·

καὶ οἱ Σαβῖνοι τεθαρρηκότεσ ἀντεπεξῄεσαν τούσ τε πολεμίουσ οὐ πολλοὺσ ὁρῶντεσ καὶ τὴν ἑαυτῶν δύναμιν τὴν ἀπὸ Φιδήνησ ὅσον οὔπω παρέσεσθαι νομίζοντεσ. οὗτοι μὲν δὴ καταστάντεσ ἐμάχοντο, καὶ ἦν ἰσόρροποσ αὐτοῖσ ἐπὶ πολὺν χρόνον ὁ ἀγών· οἱ δὲ προαποσταλέντεσ ὑπὸ τοῦ Ταρκυνίου νύκτωρ ὑποστρέψαντεσ ἐκ τῆσ ὁδοῦ καὶ γενόμενοι κατὰ νώτου τῶν Σαβίνων ἐπῄεσαν. τούτουσ ἰδόντεσ οἱ Σαβῖνοι καὶ γνωρίσαντεσ ἐκ τῶν ὅπλων καὶ ἀπὸ τῶν σημείων ἐξέστησαν τῶν λογισμῶν καὶ τὰ ὅπλα ῥίψαντεσ ἐπειρῶντο σώζειν ἑαυτούσ.

ἦν δ’ ἄποροσ ἡ σωτηρία τοῖσ πολλοῖσ περιεχομένοισ κύκλῳ ὑπ’ ἐχθρῶν, καὶ τῶν Ῥωμαίων ἡ ἵπποσ ἐπικειμένη πανταχόθεν αὐτοὺσ ἀπέκλειεν· ὥστ’ ὀλίγοι μέν τινεσ ἔφθησαν τὰ δεινὰ ὑπεκδύντεσ, οἱ δὲ πλείουσ κατεκόπησαν ὑπὸ τῶν πολεμίων ἢ παρέδοσαν ἑαυτούσ.

ἀντέσχον δ’ οὐδ’ οἱ καταλειφθέντεσ ἐπὶ τοῦ χάρακοσ, ἀλλὰ καὶ τὸ ἔρυμα ἑάλω τῇ πρώτῃ ἐφόδῳ· ἔνθα σὺν τοῖσ ἰδίοισ τῶν Σαβίνων χρήμασι καὶ τὰ Ῥωμαίων ἅπαντα σὺν πολλοῖσ αἰχμαλώτοισ ἔτι ἀκέραια ὄντα τοῖσ ἀπολωλεκόσιν ἀνεσώθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 51

(디오니시오스, Antiquitates Romanae, Books IV-VI, book 4, chapter 51)

상위

목록

SEARCH

MENU NAVIGATION