헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 50)

ὡσ δὲ καὶ ταύταισ ἐκρατύνατο τὴν ἀρχὴν ταῖσ συμμαχίαισ, στρατὸν ἐξάγειν ἐπὶ Σαβίνουσ ἔγνω Ῥωμαίων τ’ αὐτῶν ἐπιλέξασ οὓσ ἥκιστα ὑπώπτευεν, εἰ κύριοι τῶν ὅπλων γένοιντο, ἐλευθερίασ μεταποιήσεσθαι, καὶ τὴν παρὰ τῶν συμμάχων ἀφιγμένην δύναμιν προσλαβὼν πολλῷ πλείονα τῆσ πολιτικῆσ ὑπάρχουσαν. δῃώσασ δ’ αὐτῶν τοὺσ ἀγροὺσ καὶ τοὺσ ὁμόσε χωρήσαντασ μάχῃ νικήσασ ἐπὶ τοὺσ καλουμένουσ Πωμεντίνουσ ἦγε τὴν δύναμιν, οἳ πόλιν μὲν Σύεσσαν ᾤκουν, εὐδαιμονέστατοι δ’ ἐδόκουν ἁπάντων εἶναι τῶν πλησιοχώρων καὶ διὰ τὴν πολλὴν εὐτυχίαν ἅπασι λυπηροὶ καὶ βαρεῖσ, ἐγκαλῶν αὐτοῖσ ἁρπαγάσ τινασ καὶ λῃστείασ, ὑπὲρ ὧν αἰτούμενοι δίκασ αὐθάδεισ ἔδωκαν ἀποκρίσεισ.

ὅπλοισ.

συνάψασ δ’ αὐτοῖσ μάχην περὶ τὰ μεθόρια καὶ πολλοὺσ μὲν ἀποκτείνασ, τοὺσ δὲ λοιποὺσ τρεψάμενοσ καὶ κατακλείσασ εἰσ τὸ τεῖχοσ, ὡσ οὐκέτι προῄεσαν ἐκ τῆσ πόλεωσ, παραστρατοπεδεύσασ αὐτοῖσ ἀπετάφρευέ τε καὶ περιεχαράκου καὶ προσβολὰσ ἐποιεῖτο τοῖσ τείχεσι συνεχεῖσ.

οἱ δ’ ἔνδον τέωσ μὲν ἀπεμάχοντο καὶ πολὺν ἀντέσχον τῇ ταλαιπωρίᾳ χρόνον· ὡσ δ’ ὑπέλειπεν αὐτοὺσ τἀπιτήδεια, ἐξασθενοῦντεσ τὰ σώματα καὶ οὔτ’ ἐπικουρίαν οὐδεμίαν προσλαβόντεσ οὐδ’ ἀναπαύσεωσ τυγχάνοντεσ, ἀλλὰ καὶ μεθ’ ἡμέραν καὶ νύκτωρ αὐτοὶ ταλαιπωροῦντεσ ἁλίσκονται κατὰ κράτοσ. γενόμενοσ δὲ τῆσ πόλεωσ ἐγκρατὴσ τοὺσ μὲν ἐν τοῖσ ὅπλοισ διέφθειρε, γυναῖκασ δ’ αὐτῶν καὶ τέκνα καὶ τοὺσ ὑπομείναντασ αἰχμαλώτουσ γενέσθαι καὶ τὸ τῶν θεραπόντων πλῆθοσ οὐδ’ ἀριθμηθῆναι ῥᾴδιον τοῖσ στρατιώταισ ἐπέτρεψεν ἀπάγεσθαι τήν τ’ ἄλλην κτῆσιν τῆσ πόλεωσ ἄγειν καὶ φέρειν, εἴ τισ ἐπιτύχοι, τήν τ’ ἐντὸσ τείχουσ καὶ τὴν ἐπὶ τῶν ἀγρῶν ἐφῆκεν·

ἄργυρον δὲ καὶ χρυσόν, ὅσοσ εὑρέθη, συναγαγὼν εἰσ ἓν χωρίον καὶ τὴν δεκάτην ἐξελόμενοσ εἰσ κατασκευὴν ἱεροῦ τὰ λοιπὰ χρήματα τοῖσ στρατιώταισ διεῖλεν.

οὕτω δ’ ἄρα πολὺσ ὁ καταληφθεὶσ ἄργυρόσ τε καὶ χρυσὸσ ἦν, ὥστε τῶν μὲν στρατιωτῶν ἕκαστον πέντε μνᾶσ ἀργυρίου λαβεῖν, τὸ δὲ τοῖσ θεοῖσ δεκατευθὲν ἀργύριον τετρακοσίων οὐ μεῖον γενέσθαι ταλάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 50

(디오니시오스, Antiquitates Romanae, Books IV-VI, book 4, chapter 50)

상위

목록

SEARCH

MENU NAVIGATION