헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 43

(디오니시오스, Antiquitates Romanae, Books IV-VI, book 4, chapter 43)

ταῦτα δ’ ὁρῶντεσ οἱ δημοτικοὶ δίκαια πάσχειν αὐτοὺσ ὑπελάμβανον καὶ ἐπέχαιρον ὑπ’ εὐηθείασ, ὡσ ἐκείνοισ μόνοισ τῆσ τυραννίδοσ βαρείασ ἐσομένησ, σφίσι δ’ αὐτοῖσ ἀκινδύνου. ἧκε δὲ κἀκείνοισ οὐ μετὰ πολὺν χρόνον ἔτι πλείω τὰ χαλεπά. τούσ τε γὰρ νόμουσ τοὺσ ὑπὸ Τυλλίου γραφέντασ, καθ’ οὓσ ἐξ ἴσου τὰ δίκαια παρ’ ἀλλήλων ἐλάμβανον καὶ οὐδὲν ὑπὸ τῶν πατρικίων ὡσ πρότερον ἐβλάπτοντο περὶ τὰ συμβόλαια, πάντασ ἀνεῖλε· καὶ οὐδὲ τὰσ σανίδασ, ἐν αἷσ ἦσαν γεγραμμένοι, κατέλιπεν, ἀλλὰ καὶ ταύτασ καθαιρεθῆναι κελεύσασ ἐκ τῆσ ἀγορᾶσ διέφθειρεν.

ἔπειτα κατέλυσε τὰσ ἀπὸ τῶν τιμημάτων εἰσφορὰσ καὶ εἰσ τὸν ἐξ ἀρχῆσ τρόπον ἀποκατέστησε·

καὶ ὁπότε δεήσειεν αὐτῷ χρημάτων, τὸ ἴσον διάφορον ὁ πενέστατοσ τῷ πλουσιωτάτῳ κατέφερε. τοῦτο τὸ πολίτευμα πολὺ τοῦ δημοτικοῦ πλήθουσ ἀπανήλωσεν ἐπὶ τῆσ πρώτησ εὐθὺσ εἰσφορᾶσ ἀναγκαζομένου κατὰ κεφαλὴν ἑκάστου δραχμὰσ δέκα εἰσφέρειν. συνόδουσ τε συμπάσασ, ὅσαι πρότερον ἐγίνοντο κωμητῶν ἢ φρατριαστῶν ἢ γειτόνων ἔν τε τῇ πόλει καὶ ἐπὶ τῶν ἀγρῶν ἐφ’ ἱερὰ καὶ θυσίασ ἅπασι κοινὰσ προεῖπε μηκέτι συντελεῖν, ἵνα μὴ συνιόντεσ εἰσ ταὐτὸ πολλοὶ βουλὰσ ἀπορρήτουσ μετ’ ἀλλήλων ποιῶνται περὶ καταλύσεωσ τῆσ ἀρχῆσ. ἦσαν δ’ αὐτῷ πολλαχῇ διεσπαρμένοι κατόπται τινὲσ καὶ διερευνηταὶ τῶν λεγομένων τε καὶ πραττομένων λεληθότεσ τοὺσ πολλούσ, οἳ συγκαθιέντεσ εἰσ ὁμιλίαν τοῖσ πέλασ καὶ ἔστιν ὅτε κατὰ τοῦ τυράννου λέγοντεσ αὐτοί, πεῖραν τῆσ ἑκάστου γνώμησ ἐλάμβανον·

ἔπειθ’ οὓσ αἴσθοιντο τοῖσ καθεστηκόσι πράγμασιν ἀχθομένουσ κατεμήνυον πρὸσ τὸν τύραννον·

αἱ δὲ τιμωρίαι κατὰ τῶν ἐλεγχθέντων ἐγίνοντο πικραὶ καὶ ἀπαραίτητοι.