헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 41)

μετὰ δὲ τοῦτον παραλαμβάνει Λεύκιοσ Ταρκύνιοσ τὴν Ῥωμαίων δυναστείαν οὐ κατὰ νόμουσ, ἀλλὰ διὰ τῶν ὅπλων κατασχών, κατὰ τὸν τέταρτον ἐνιαυτὸν τῆσ ἑξηκοστῆσ καὶ πρώτησ ὀλυμπιάδοσ, ἣν ἐνίκα στάδιον Ἀγάθαρχοσ Κερκυραῖοσ ἄρχοντοσ Ἀθήνησι Θηρικλέουσ. οὗτοσ ὑπεριδὼν μὲν τοῦ δημοτικοῦ πλήθουσ, ὑπεριδὼν δὲ τῶν πατρικίων, ὑφ’ ὧν ἐπὶ τὴν δυναστείαν παρήχθη, ἔθη τε καὶ νόμουσ καὶ πάντα τὸν ἐπιχώριον κόσμον, ᾧ τὴν πόλιν ἐκόσμησαν οἱ πρότεροι βασιλεῖσ, συγχέασ καὶ διαφθείρασ εἰσ ὁμολογουμένην τυραννίδα μετέστησε τὴν ἀρχήν.

καὶ πρῶτον μὲν φυλακὴν κατεστήσατο περὶ ἑαυτὸν ἀνθρώπων θρασυτάτων ξίφη καὶ λόγχασ φερόντων ἐπιχωρίων τε καὶ ἀλλοδαπῶν, οἳ νυκτόσ τε περὶ τὴν βασίλειον αὐλιζόμενοι αὐλὴν καὶ μεθ’ ἡμέραν ἐξιόντι παρακολουθοῦντεσ, ὅπῃ πορεύοιτο, πολλὴν τὴν ἀπὸ τῶν ἐπιβουλευσόντων ἀσφάλειαν παρείχοντο.

ἔπειτα τὰσ ἐξόδουσ οὔτε συνεχεῖσ οὔτε τεταγμένασ, ἀλλὰ σπανίουσ καὶ ἀπροσδοκήτουσ ἐποιεῖτο ἐχρηματίζετό τε περὶ τῶν κοινῶν κατ’ οἶκον μὲν τὰ πολλὰ καὶ αὐτῶν τῶν ἀναγκαιοτάτων συμπαρόντων, ὀλίγα δ’ ἐν ἀγορᾷ.

προσελθεῖν δ’ οὐδενὶ τῶν βουλομένων ἐπέτρεπεν, εἰ μή τινα καλέσειεν αὐτόσ· οὔτε τοῖσ προσιοῦσιν εὐμενὴσ οὐδὲ πρᾷοσ ἦν, ἀλλ’ οἱᾶ δὴ τύραννοσ, βαρύσ τε καὶ χαλεπὸσ ὀργὴν καὶ φοβερὸσ μᾶλλον ἢ φαιδρὸσ ὀφθῆναι·

καὶ τὰσ περὶ τῶν ἀμφισβητήτων συμβολαίων κρίσεισ οὐκ ἐπὶ τὰ δίκαια καὶ τοὺσ νόμουσ, ἀλλ’ ἐπὶ τοὺσ ἑαυτοῦ τρόπουσ ἀναφέρων ἐποιεῖτο.

διὰ ταῦτ’ ἐπωνυμίαν τίθενται αὐτῷ Ῥωμαῖοι τὸν Σούπερβον, τοῦτο δὲ δηλοῦν βούλεται κατὰ τὴν ἡμετέραν γλῶτταν τὸν ὑπερήφανον. τὸν δὲ πάππον αὐτοῦ Πρίσκον ἐκάλουν· ὡσ δ’ ἡμεῖσ ἂν εἴποιμεν, προγενέστερον· ὁμώνυμοσ γὰρ ἦν τῷ νεωτέρῳ κατ’ ἄμφω τὰ ὀνόματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 41

(디오니시오스, Antiquitates Romanae, Books IV-VI, book 4, chapter 41)

상위

목록

SEARCH

MENU NAVIGATION