헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 39)

τὰ μετὰ ταῦτα δεινὰ μὲν ἀκουσθῆναι, θαυμαστὰ δὲ καὶ ἄπιστα πραχθῆναι, τῆσ ἀνοσίασ αὐτοῦ θυγατρὸσ ἔργα παραδίδοται. πεπυσμένη γὰρ τὴν εἰσ τὸ βουλευτήριον τοῦ πατρὸσ εἴσοδον καὶ σπουδὴν ἔχουσα μαθεῖν οἱο͂́ν τι λήψεται τὰ πράγματα τέλοσ, ἐπὶ τῆσ ἀπήνησ καθεζομένη παρῆν εἰσ τὴν ἀγοράν. κρηπῖδοσ ἑστῶτα πρὸ τοῦ βουλευτηρίου θεασαμένη βασιλέα τ’ αὐτὸν ἠσπάσατο πρώτη μεγάλῃ τῇ φωνῇ καὶ τοῖσ θεοῖσ εὔξατο ἐπὶ τῷ συμφέροντι τῆσ πόλεωσ τῆσ Ῥωμαίων τὴν ἀρχὴν αὐτὸν κατασχεῖν.

ἀσπασαμένων δὲ καὶ τῶν ἄλλων αὐτὸν ὡσ βασιλέα τῶν συγκατασκευασάντων τὴν ἀρχὴν λαβοῦσα μόνον αὐτόν·

τὰ μὲν πρῶτα, ἔφη, πέπρακταί σοι, Ταρκύνιε, κατὰ τὸ δέον· βεβαίωσ δὲ τὴν βασιλείαν ἔχειν Τυλλίου περιόντοσ οὐκ ἔνεστί σοι. ἐκδημαγωγήσει γὰρ αὖθισ ἐπὶ σοὶ τὸν ὄχλον, ἐὰν καὶ ὁποσονοῦν ταύτησ τῆσ ἡμέρασ περιγένηται χρόνον· ἐπίστασαι δ’, ὡσ εὔνουσ ἐστὶν αὐτῷ τὸ δημοτικὸν ἅπαν· ἀλλὰ καὶ πρὶν εἰσ τὴν οἰκίαν αὐτὸν εἰσελθεῖν, ἀποστείλασ τοὺσ διαχρησομένουσ ἐκποδῶν ποίησον. ταῦτ’ εἰποῦσα καὶ καθεζομένη πάλιν ἐπὶ τῆσ ἀπήνησ ᾤχετο·

Ταρκύνιοσ δὲ καὶ ταῦτ’ ὀρθῶσ δόξασ τὴν ἀνοσιωτάτην γυναῖκα ὑποτίθεσθαι πέμπει τινὰσ τῶν θεραπόντων ἐπ’ αὐτὸν ἔχοντασ ξίφη· οἳ τάχει πολλῷ τὴν μεταξὺ διανύσαντεσ ὁδὸν ἐγγὺσ ὄντα τῆσ οἰκίασ ἤδη τὸν Τύλλιον καταλαβόντεσ κατέσφαξαν. ἔτι δὲ νεοσφαγοῦσ ἐρριμμένου τοῦ σώματοσ καὶ σπαίροντοσ ἡ θυγάτηρ παρῆν. στενοῦ δ’ ὄντοσ πάνυ τοῦ στενωποῦ, δι’ οὗ τὴν ἀπήνην ἔδει διελθεῖν, αἱ ἡμίονοι τὸ πτῶμα ἰδοῦσαι διεταράχθησαν, καὶ ὁ προηγούμενοσ αὐτῶν ὀρεοκόμοσ παθών τι πρὸσ τὸ τῆσ ὄψεωσ ἐλεεινὸν ἐπέστη καὶ πρὸσ τὴν δέσποιναν ἀπέβλεψε. πυνθανομένησ δ’ ἐκείνησ, τί παθὼν οὐκ ἄγει τὸ ζεῦγοσ·

οὐχ ὁρᾷσ, εἶπεν, ὦ Τυλλία, τὸν πατέρα σου νεκρὸν κείμενον καὶ πάροδον οὐκ οὖσαν ἄλλην, εἰ μὴ διὰ τοῦ πτώματοσ; ἡ δ’ ἐκπικρανθεῖσα καὶ ἀπὸ τῶν ποδῶν τὸ βάθρον ἁρπάσασα βάλλει τὸν ὀρεοκόμον καί φησιν·

οὐκ ἄξεισ, ἀλιτήριε, καὶ διὰ τοῦ νεκροῦ; κἀκεῖνοσ ἐπὶ τῷ πάθει μᾶλλον ἢ τῇ πληγῇ στενάξασ ἄγει βίᾳ τὰσ ἡμιόνουσ κατὰ τοῦ πτώματοσ. οὗτοσ ὁ στενωπὸσ ὄρβιοσ καλούμενοσ πρότερον ἐξ ἐκείνου τοῦ δεινοῦ καὶ μυσαροῦ πάθουσ ἀσεβὴσ ὑπὸ Ῥωμαίων κατὰ τὴν πάτριον γλῶτταν καλεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 39

(디오니시오스, Antiquitates Romanae, Books IV-VI, book 4, chapter 39)

상위

목록

SEARCH

MENU NAVIGATION