호흡부호 보기
강세부호 보기
장단부호 보기
작은 Iota 보기
모든 부호 보기
ὑμῶν δὲ τεθαύμακα, εἴ τινέσ εἰσιν, ὦ βουλή, τῆσ ἀρχῆσ με ἀπαλλάξαι βουλόμενοι, καὶ μετὰ τούτου συνεστηκότεσ ἐπ’ ἐμοί· ἡδέωσ δ’ ἂν πυθοίμην παρ’ αὐτῶν, τίνοσ ἀδικήματοσ ἕνεκα πολεμοῦσί μοι καὶ ἐπὶ τίνι τῶν ἐμῶν ἔργων ἀχθόμενοι·
πότερον ὅτι πολλοὺσ ἴσασιν ἐπὶ τῆσ ἐμῆσ ἀρχῆσ ἀκρίτουσ ἀπολωλότασ ἢ τῆσ πατρίδοσ στερομένουσ ἢ τὰσ οὐσίασ ἀπολωλεκότασ ἢ ἄλλῃ τινὶ συμφορᾷ κεχρημένουσ ἀδίκωσ; ἢ τούτων μὲν τῶν τυραννικῶν ἀδικημάτων οὐδὲν ἔχουσιν εἰπεῖν ὑπ’ ἐμοῦ γεγονόσ, ὕβρεισ δέ μοί τινασ συνοίδασιν εἰσ γυναῖκασ γαμετὰσ ἢ προπηλακισμοὺσ εἰσ θυγατέρασ παρθένουσ ἢ ἄλλην τινὰ περὶ σῶμα ἐλεύθερον ἀκολασίαν; τῆσ ἀρχῆσ θ’ ἅμα καὶ τῆσ ψυχῆσ ἀποστερηθείην.
φέρε ἀλλ’ ὑπερήφανόσ εἰμι καὶ διὰ βαρύτητα ἐπαχθὴσ καὶ τὴν αὐθάδειαν, ᾗ κέχρημαι περὶ τὴν ἀρχήν, οὐδεὶσ φέρειν δύναταί μου;
τίσ μέντοι τῶν πρὸ ἐμοῦ βασιλέων οὕτω μέτριοσ ὢν ἐν ἐξουσίᾳ διετέλεσε καὶ φιλάνθρωποσ ἅπασι τοῖσ πολίταισ ὡσ πατὴρ πρᾷοσ υἱοῖσ αὐτοῦ χρώμενοσ; ὅσ γε καὶ τὴν ἐξουσίαν, ἣν ὑμεῖσ ἐδώκατέ μοι πατέρων φυλάττοντεσ παραδοχάσ, οὐχ ἅπασαν ἐβουλήθην ἔχειν, ἀλλὰ νόμουσ θ’ ὑπὲρ τῶν κυριωτάτων καταστησάμενοσ, οὓσ ἅπαντεσ ἐπεκυρώσατε, κατὰ τούτουσ ὑμῖν ἀπέδωκα διδόναι τὰ δίκαια καὶ λαμβάνειν, καὶ αὐτὸσ ἐξηταζόμην πρῶτοσ οἷσ ὡρ́ισα κατὰ τῶν ἄλλων δικαίοισ ὥσπερ ἰδιώτησ πειθόμενοσ· ἀλλὰ τὰσ ἰδιωτικὰσ δίκασ ὑμῖν ἀπέδωκα διαγινώσκειν, ὃ τῶν ἔμπροσθεν οὐδεὶσ ἐποίησε βασιλέων.
ἀλλ’ ἐοίκεν ἀδίκημα μὲν οὐδὲν εἶναι, δι’ ὃ δυσχεραίνουσί μοί τινεσ, αἱ δ’ εἰσ τὸ δημοτικὸν πλῆθοσ εὐεργεσίαι λυπεῖν ὑμᾶσ δοκοῦσι, περὶ ὧν πολλάκισ ἀπολελόγημαι πρὸσ ὑμᾶσ.
ἀλλ’ οὐδὲν δεῖ τούτων νυνὶ τῶν λόγων· εἰ δὲ δοκεῖ κρεῖττον ἐπιμελήσεσθαι τῶν κοινῶν Ταρκύνιοσ οὑτοσὶ τὰ πράγματα παραλαβών, οὐ φθονῶ τῇ πόλει βελτίονοσ ἡγεμόνοσ· ἀποδοὺσ δὲ τὴν ἀρχὴν τῷ δεδωκότι μοι δήμῳ καὶ γενόμενοσ ἰδιώτησ πειράσομαι ποιῆσαι πᾶσι φανερόν, ὅτι καὶ ἄρχειν ἐπίσταμαι καλῶσ καὶ ἄρχεσθαι δύναμαι σωφρόνωσ.
호흡부호 보기
강세부호 보기
장단부호 보기
작은 Iota 보기
모든 부호 보기