Ancient Greek Text

Dionysius of Halicarnassus, Antiquitates Romanae, Books IV-VI, book 4, chapter 28

(디오니시오스, Antiquitates Romanae, Books IV-VI, book 4, chapter 28)

ἦσαν τῷ Τυλλίῳ δύο θυγατέρεσ ἐκ γυναικὸσ γενόμεναι Ταρκυνίασ, ἣν ἐνεγγύησεν αὐτῷ βασιλεὺσ Ταρκύνιοσ. ταύτασ τὰσ κόρασ ἐπιγάμουσ γενομένασ ἐκδίδοται τοῖσ ἀδελφιδοῖσ τῆσ μητρὸσ αὐτῶν, υἱωνοῖσ δὲ Ταρκυνίου, τῷ τε πρεσβυτέρῳ τὴν πρεσβυτέραν ἁρμόσασ καὶ τῷ νεωτέρῳ τὴν νεωτέραν· οὕτωσ οἰόμενοσ αὐτὰσ μάλιστα συνοίσεσθαι τοῖσ λαβοῦσιν. ἔτυχε δὲ τῶν γαμβρῶν ἑκάτεροσ ἐναντίᾳ συναφθεὶσ τύχῃ κατὰ τὴν οὐχ ὁμοτροπίαν·

γυνή, Ἀρροῦντι δὲ τῷ νεωτέρῳ πολὺ τὸ πρᾷον ἔχοντι καὶ εὐλόγιστον ἀνοσία καὶ μισοπάτωρ καὶ πάντολμοσ ἦν ἡ γαμετή.

συνέβαινε δὴ τῶν ἀνδρῶν ἑκατέρῳ φέρεσθαι μὲν ἐπὶ τὴν ἑαυτοῦ φύσιν, μετάγεσθαι δ’ ὑπὸ τῆσ γυναικὸσ ἐπὶ τἀναντία·

ὁ μέν γε πονηρὸσ ἐκβαλεῖν τῆσ βασιλείασ τὸν κηδεστὴν προθυμούμενοσ καὶ πάντα μηχανώμενοσ εἰσ τοῦτο ὑπὸ τῆσ γυναικὸσ μετεπείθετο ἀντιβολούσησ τε καὶ ὀδυρομένησ· ὁ δ’ ἐπιεικὴσ οὐδὲν οἰόμενοσ δεῖν ἐξαμαρτάνειν εἰσ τὸν πενθερόν, ἀλλὰ περιμένειν, ἑώσ ἡ φύσισ αὐτὸν ἐκ τοῦ ζῆν ἐξαγάγῃ, καὶ τὸν ἀδελφὸν οὐκ ἐῶν πράττειν τὰ μὴ δίκαια, ὑπὸ τῆσ ἀνοσίασ γυναικὸσ ἐπὶ τἀναντία μετήγετο νουθετούσησ τε καὶ λοιδορουμένησ καὶ τὴν ἀνανδρίαν κακιζούσησ· ὡσ δ’ οὐδὲν ἐπέραινον οὔτε αἱ τῆσ σώφρονοσ λιτανεῖαι τὰ κράτιστα τὸν οὐ δίκαιον ἄνδρα πειθούσησ, οὔτε αἱ τῆσ μιαρᾶσ παραινέσεισ ἐπὶ τὰσ ἀνοσίουσ πράξεισ τὸν οὐ πονηρὸν εἶναι πεφυκότα παρακαλούσησ, ἀλλ’ ἑκάτεροσ ἐπὶ τὴν ἑαυτοῦ φύσιν ἐφέρετο καὶ λυπηρὰν ἡγεῖτο τὴν μὴ τὰ ὅμοια βουλομένην, τῇ μὲν ὀδύρεσθαί τε καὶ φέρειν τὸν ἑαυτῆσ δαίμονα περιῆν·

τῇ δὲ παντόλμῳ χαλεπαίνειν καὶ ἀπαλλαγῆναι ζητεῖν ἀπὸ τοῦ συνοικοῦντοσ.