헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 27)

μετὰ τὴν ταρκυνίου τελευτὴν αἱ παραδοῦσαι τὴν ἡγεμονίαν ἐκείνῳ πόλεισ οὐκέτι φυλάττειν ἐβούλοντο τὰσ ὁμολογίασ Τυλλίῳ τ’ οὐκ ἀξιοῦσαι ταπεινῷ κατὰ γένοσ ὄντι ὑπακούειν, καὶ τὴν διαφορὰν τῶν πατρικίων τὴν πρὸσ τὸν ἡγεμόνα γενομένην μεγάλην σφίσιν ὠφέλειαν παρέξειν νομίζουσαι. ἤρξαντο δὲ τῆσ ἀποστάσεωσ οἱ καλούμενοι Οὐιεντανοὶ καὶ τοῖσ ἐλθοῦσι παρὰ τοῦ Τυλλίου πρεσβευταῖσ ἀπεκρίναντο μηδεμίαν εἶναί σφισι πρὸσ ἐκεῖνον μήθ’ ὑπὲρ ἡγεμονίασ παραχωρήσεωσ μήτε περὶ φιλίασ καὶ συμμαχίασ συνθήκην.

ἀρξάντων δὲ τούτων Καιρητανοί τ’ ἠκολούθησαν καὶ Ταρκυνιῆται, καὶ τελευτῶσα ἐν ὅπλοισ ἦν ἅπασα ἡ Τυρρηνία. οὗτοσ ὁ πόλεμοσ εἴκοσι διέμεινεν ἔτη συνεχῶσ πολεμούμενοσ εἰσβολάσ τε πολλὰσ ἀμφοτέρων μεγάλοισ στρατεύμασι ποιουμένων εἰσ τὴν ἀλλήλων καὶ παρατάξεισ ἄλλασ ἐπ’ ἄλλαισ συνισταμένων.

ὅσαι κατὰ πόλεισ τε καὶ πρὸσ ὅλον τὸ ἔθνοσ αὐτῷ συνέστησαν, καὶ τρισὶν ἐπιφανεστάτοισ κοσμηθεὶσ θριάμβοισ τελευτῶν ἠνάγκασε τοὺσ οὐκ ἀξιοῦντασ ἄρχεσθαι τὸν χαλινὸν ἑκόντασ λαβεῖν.

εἰκοστῷ δ’ οὖν ἔτει συνελθοῦσαι πάλιν αἱ δώδεκα πόλεισ ἐξανηλωμέναι τῷ πολέμῳ τά τε σώματα καὶ τὰ χρήματα γνώμην ἔσχον παραδοῦναι Ῥωμαίοισ τὴν ἡγεμονίαν ἐφ’ οἷσ πρότερον ἐψηφίσαντο.

καὶ παρῆσαν ἀπὸ πάσησ πόλεωσ οἱ προχειρισθέντεσ σὺν ἱκετηρίαισ ἐπιτρέποντεσ Τυλλίῳ τὰσ πόλεισ καὶ μηδὲν ἀνήκεστον βουλεῦσαι περὶ αὐτῶν ἀξιοῦντεσ. Τύλλιοσ δὲ τῆσ μὲν ἀφροσύνησ ἕνεκα καὶ τῶν εἰσ τοὺσ θεοὺσ ἀσεβημάτων, οὓσ ἐγγυητὰσ ποιησάμενοι τῶν ὁμολογιῶν παρέβησαν τὰ συγκείμενα, πολλῶν αὐτοὺσ ἔφη τιμωριῶν ἀξίουσ εἶναι καὶ μεγάλων·

τῆσ δὲ Ῥωμαίων ἐπιεικείασ καὶ μετριότητοσ, ἐπειδὴ συγγνόντεσ ἀδικεῖν στέμμασι καὶ λιτανείαισ παρῃτοῦντο τὴν ὀργήν, οὐδὲν ἐν τῷ παρόντι ἀτυχήσειν. ταῦτ’ εἰπὼν καταλύεται τὸν πρὸσ αὐτοὺσ πόλεμον, ταῖσ μὲν ἄλλαισ πόλεσιν ἁπλῶσ καὶ δίχα ὀργῆσ μνησικάκου πολιτεύεσθαί τ’ ἀποδοὺσ ὡσ πρότερον καὶ τὰ ἴδια καρποῦσθαι, μενούσαισ ἐν ταῖσ γραφείσαισ πρὸσ αὐτὰσ συνθήκαισ ὑπὸ βασιλέωσ Ταρκυνίου·

τρεῖσ δ’ ἐξ αὐτῶν πόλεισ, αἳ προεξανέστησάν τε καὶ τὰσ ἄλλασ ἐπηγάγοντο κατὰ Ῥωμαίων ἐξενεγκεῖν τὸν πόλεμον, Καιρητανοὺσ καὶ Ταρκυνιήτασ καὶ Οὐιεντανούσ, ἀφαιρέσει χώρασ τιμωρησάμενοσ, ἣν κατεκληρούχησε Ῥωμαίων τοῖσ νεωστὶ προσεληλυθόσι πρὸσ τὴν πολιτείαν. ταῦτα διαπραξάμενοσ ἐν εἰρήνῃ τε καὶ κατὰ πολέμουσ καὶ ναοὺσ δύο κατασκευασάμενοσ Τύχησ, ᾗ παρὰ πάντα τὸν βίον ἔδοξεν ἀγαθῇ κεχρῆσθαι, τὸν μὲν ἐν ἀγορᾷ τῇ καλουμένῃ Βοαρίᾳ, τὸν δ’ ἕτερον ἐπὶ ταῖσ ἠιόσι τοῦ Τεβέριοσ, ἣν ἀνδρείαν προσηγόρευσεν, ὡσ καὶ νῦν ὑπὸ Ῥωμαίων καλεῖται·

ἡλικίασ τε προβεβηκὼσ ἐπὶ πολὺ καὶ τῆσ κατὰ φύσιν τελευτῆσ οὐ μακρὰν ἀπέχων, ἐπιβουλευθεὶσ ὑπὸ Ταρκυνίου τε τοῦ γαμβροῦ καὶ τῆσ ἑαυτοῦ θυγατρὸσ ἀποθνήσκει.

διηγήσομαι δὲ καὶ τῆσ ἐπιβουλῆσ τὸν τρόπον μικρὰ τῶν ἔμπροσθεν γενομένων ἀναλαβών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 27

(디오니시오스, Antiquitates Romanae, Books IV-VI, book 4, chapter 27)

상위

목록

SEARCH

MENU NAVIGATION