헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 26)

γνοὺσ δὲ ταῦτα τοὺσ κρατίστουσ ἄνδρασ ἐξ ἑκάστησ πόλεωσ συνεκάλει περὶ μεγάλων καὶ κοινῶν φήσασ πραγμάτων συμβούλουσ αὐτοὺσ συγκαλεῖν. ἐπεὶ δὲ συνῆλθον, συναγαγὼν τήν τε Ῥωμαίων βουλὴν καὶ τοὺσ ἀπὸ τῶν πόλεων ἥκοντασ λόγον διεξῆλθε παρακλητικὸν ὁμονοίασ, διδάσκων ὡσ καλὸν μὲν χρῆμα πολλαὶ πόλεισ μιᾷ γνώμῃ χρώμεναι, αἰσχρὰ δ’ ὄψισ συγγενῶν ἀλλήλαισ διαφερομένων· αἴτιόν τ’ ἰσχύοσ μὲν ταῖσ ἀσθενέσιν ἀποφαίνων ὁμοφροσύνην, ταπεινότητοσ δὲ καὶ ἀσθενείασ καὶ ταῖσ πάνυ ἰσχυραῖσ ἀλληλοφθορίαν.

ταῦτα διεξελθὼν ἐδίδασκεν αὐτούσ, ὡσ χρὴ Λατίνουσ μὲν τῶν προσοίκων ἄρχειν καὶ τὰ δίκαια τάττειν Ἕλληνασ ὄντασ βαρβάροισ·

Ῥωμαίουσ δὲ τὴν ἁπάντων Λατίνων ἔχειν προστασίαν μεγέθει τε πόλεωσ προὔχοντασ καὶ πραγμάτων ὄγκῳ καὶ τῇ προνοίᾳ τοῦ δαιμονίου κρείττονι κεχρημένουσ ἐκείνων, δι’ ἣν εἰσ τοσαύτην ἐπιφάνειαν προῆλθον. συνεβούλευεν αὐτοῖσ ἱερὸν ἄσυλον ἀπὸ κοινῶν ἀναλωμάτων ἐν Ῥώμῃ κατασκευάσασθαι, ἐν ᾧ θύσουσί θ’ αἱ πόλεισ συνερχόμεναι καθ’ ἕκαστον ἐνιαυτὸν ἰδίασ τε καὶ κοινὰσ θυσίασ καὶ πανηγύρεισ ἄξουσιν, ἐν οἷσ ἂν ὁρίσωσι χρόνοισ, καί, εἴ τι γένοιτο πρόσκρουσμα αὐταῖσ πρὸσ ἀλλήλασ, ἐκ τῶν ἱερῶν τοῦτο διαλύσονται, ταῖσ ἄλλαισ πόλεσιν ἐπιτρέψασαι τὰ ἐγκλήματα διαγνῶναι.

διεξιὼν ταῦτα τε καὶ ὅσα ἄλλα ἕξουσιν ἀγαθὰ βουλευτήριον ἐγκαταστησάμενοι πάντασ ἔπεισε τοὺσ ἐν τῷ συνεδρίῳ παρόντασ·

καὶ μετὰ τοῦτο κατεσκεύασεν ἐξ ὧν ἅπασαι συνήνεγκαν αἱ πόλεισ χρημάτων τὸν τῆσ Ἀρτέμιδοσ νεών, τὸν ἐπὶ τοῦ μεγίστου τῶν ἐν τῇ Ῥώμῃ λόφων ἱδρυμένον Αὐεντίνου· καὶ τοὺσ νόμουσ συνέγραψε ταῖσ πόλεσι πρὸσ ἀλλήλασ καὶ τἆλλα τὰ περὶ τὴν ἑορτὴν καὶ πανήγυριν, ὃν ἐπιτελεσθήσεται τρόπον, ἔταξεν.

ἵνα δὲ μηδεὶσ χρόνοσ αὐτοὺσ ἀφανίσῃ, στήλην κατασκευάσασ χαλκῆν ἔγραψεν ἐν ταύτῃ τά τε δόξαντα τοῖσ συνέδροισ καὶ τὰσ μετεχούσασ τῆσ συνόδου πόλεισ.

αὕτη διέμεινεν ἡ στήλη μέχρι τῆσ ἐμῆσ ἡλικίασ ἐν τῷ τῆσ Ἀρτέμιδοσ ἱερῷ κειμένη γραμμάτων ἔχουσα χαρακτῆρασ , οἷσ τὸ παλαιὸν ἡ Ἑλλὰσ ἐχρῆτο. ὃ καὶ αὐτὸ ποιήσαιτ’ ἄν τισ οὐ μικρὸν τεκμήριον τοῦ μὴ βαρβάρουσ εἶναι τοὺσ οἰκίσαντασ τὴν Ῥώμην. οὐ γὰρ ἂν Ἑλληνικοῖσ ἐχρῶντο γράμμασιν ὄντεσ βάρβαροι. καὶ ἀμαυροτέραισ αἱ μέγισται καὶ λαμπρόταται αὗται μνημονεύονται, πολεμικαὶ δ’ αἱ πρὸσ ἓν τὸ Τυρρηνῶν ἔθνοσ γενόμεναι, περὶ ὧν μέλλω νῦν διεξιέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 26

(디오니시오스, Antiquitates Romanae, Books IV-VI, book 4, chapter 26)

상위

목록

SEARCH

MENU NAVIGATION