헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 23)

ἀχθομένων δὲ τῶν πατρικίων ἐπὶ τῷ πράγματι καὶ δυσανασχετούντων συγκαλέσασ τὸ πλῆθοσ εἰσ ἐκκλησίαν Πρῶτον μὲν θαυμάζειν, ἔφη, τῶν ἀγανακτούντων, εἰ τῇ φύσει τὸ ἐλεύθερον οἰόνται τοῦ δούλου διαφέρειν, ἀλλ’ οὐ τῇ τύχῃ· ἔπειτ’ εἰ μὴ τοῖσ ἤθεσι καὶ τοῖσ τρόποισ ἐξετάζουσι τοὺσ ἀξίουσ τῶν καλῶν, ἀλλὰ ταῖσ συντυχίαισ, ὁρῶντεσ ὡσ ἀστάθμητόν ἐστι πρᾶγμα εὐτυχία καὶ ἀγχίστροφον, καὶ οὐδενὶ ῥᾴδιον εἰπεῖν οὐδὲ τῶν πάνυ μακαρίων μέχρι τίνοσ αὐτῷ παρέσται χρόνου. ἠξίου τ’ αὐτοὺσ σκοπεῖν, ὅσαι μὲν ἤδη πόλεισ ἐκ δουλείασ μετέβαλον εἰσ ἐλευθερίαν βάρβαροί τε καὶ Ἑλληνίδεσ, ὅσαι δ’ εἰσ δουλείαν ἐξ ἐλευθερίασ·

εὐήθειάν τε πολλὴν αὐτῶν κατεγίνωσκεν, εἰ τῆσ ἐλευθερίασ τοῖσ ἀξίοισ τῶν θεραπόντων μεταδιδόντεσ, τῆσ πολιτείασ φθονοῦσι·

συνεβούλευέ τ’ αὐτοῖσ, εἰ μὲν πονηροὺσ νομίζουσι, μὴ ποιεῖν ἐλευθέρουσ, εἰ δὲ χρηστούσ, μὴ περιορᾶν ὄντασ ἀλλοτρίουσ· ἄτοπόν τε πρᾶγμα ποιεῖν αὐτοὺσ ἔφη καὶ ἀμαθὲσ ἅπασι τοῖσ ξένοισ ἐπιτρέποντασ τῆσ πόλεωσ μετέχειν καὶ μὴ διακρίνοντασ αὐτῶν τὰσ τύχασ μηδ’ εἴ τινεσ ἐκ δούλων ἐγένοντο ἐλεύθεροι πολυπραγμονοῦντασ, τοὺσ δὲ παρὰ σφίσι δεδουλευκότασ ἀναξίουσ ἡγεῖσθαι ταύτησ τῆσ χάριτοσ·

φρονήσει τε διαφέρειν οἰομένουσ τῶν ἄλλων οὐδὲ τὰ ἐν ποσὶ καὶ κοινότατα ὁρᾶν ἔφασκεν, ἃ καὶ τοῖσ φαυλοτάτοισ εἶναι πρόδηλα, ὅτι τοῖσ μὲν δεσπόταισ πολλὴ φροντὶσ ἔσται τοῦ μὴ προχείρωσ τινὰσ ἐλευθεροῦν, ὡσ τὰ μέγιστα τῶν ἐν ἀνθρώποισ ἀγαθῶν οἷσ ἔτυχε δωρησομένοισ· τοῖσ δὲ δούλοισ ἔτι μείζων ὑπάρξει προθυμία χρηστοῖσ εἶναι περὶ τοὺσ δεσπότασ, ἐὰν μάθωσιν, ὅτι τῆσ ἐλευθερίασ ἄξιοι κριθέντεσ εὐδαίμονοσ εὐθέωσ καὶ μεγάλησ ἔσονται πολῖται πόλεωσ, καὶ ταῦθ’ ἕξουσιν ἀμφότερα παρὰ τῶν δεσποτῶν τἀγαθά.

τελευτῶν δὲ τὸν περὶ τοῦ συμφέροντοσ εἰσηγήσατο λόγον τοὺσ μὲν ἐπισταμένουσ ὑπομιμνήσκων, τοὺσ δ’ ἀγνοοῦντασ διδάσκων, ὅτι πόλει δυναστείασ ἐφιεμένῃ καὶ μεγάλων πραγμάτων ἑαυτὴν ἀξιούσῃ οὐδενὸσ οὕτω δεῖ πράγματοσ ὡσ πολυανθρωπίασ, ἵνα διαρκέσῃ πρὸσ πάντασ τοὺσ πολέμουσ οἰκείοισ ὅπλοισ χρωμένη, καὶ μὴ ξενικοῖσ στρατεύμασι καταμισθοφοροῦσα συνεξαναλωθῇ τοῖσ χρήμασι·

καὶ διὰ τοῦτ’ ἔφη τοὺσ προτέρουσ βασιλεῖσ ἅπασι μεταδεδωκέναι τῆσ πολιτείασ τοῖσ ξένοισ. οἰκείων ὅπλων, ἀλλ’ ἕξειν δυνάμεισ αἰεὶ διαρκεῖσ, κἂν πρὸσ πάντασ ἀνθρώπουσ ἀναγκασθῇ πολεμεῖν.

χωρὶσ δὲ τοῦ κοινῇ χρησίμου καὶ ἰδίᾳ πολλὰ ὠφελήσεσθαι τοὺσ εὐπορωτάτουσ Ῥωμαίων, ἐὰν τοὺσ ἀπελευθέρουσ ἐῶσι τῆσ πολιτείασ μετέχειν, ἐν ἐκκλησίαισ τε καὶ ψηφοφορίαισ καὶ ταῖσ ἄλλαισ πολιτικαῖσ χρείαισ τὰσ χάριτασ, ἐν οἷσ μάλιστα δέονται πράγμασι, κομιζομένουσ καὶ τοὺσ ἐκ τῶν ἀπελευθέρων γινομένουσ πελάτασ τοῖσ ἐγγόνοισ τοῖσ ἑαυτῶν καταλείποντασ.

τοιαῦτα λέγοντοσ αὐτοῦ συνεχώρησαν οἱ πατρίκιοι τὸ ἔθοσ εἰσ τὴν πόλιν παρελθεῖν, καὶ μέχρι τῶν καθ’ ἡμᾶσ χρόνων ὡσ ἕν τι τῶν ἱερῶν καὶ ἀκινήτων νομίμων διατελεῖ τοῦτ’ ἐν τῇ πόλει φυλαττόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 23

(디오니시오스, Antiquitates Romanae, Books IV-VI, book 4, chapter 23)

상위

목록

SEARCH

MENU NAVIGATION