헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 19)

ταύτῃ τῇ διακοσμήσει χρησάμενοσ τὰσ μὲν τῶν στρατιωτῶν καταγραφὰσ κατὰ τὴν διαίρεσιν ἐποιεῖτο τὴν τῶν λόχων, τὰσ δὲ τῶν εἰσφορῶν ἐπιταγὰσ κατὰ τὰ τιμήματα τῶν βίων. ὁπότε γὰρ αὐτῷ δεήσειε μυρίων ἢ δισμυρίων, εἰ τύχοι, στρατιωτῶν, καταδιαιρῶν τὸ πλῆθοσ εἰσ τοὺσ ἑκατὸν ἐνενηκοντατρεῖσ λόχουσ τὸ ἐπιβάλλον ἑκάστῳ λόχῳ πλῆθοσ ἐκέλευε παρέχειν ἕκαστον λόχον· τὴν δὲ δαπάνην τὴν εἰσ τὸν ἐπισιτισμὸν τῶν στρατευομένων καὶ εἰσ τὰσ ἄλλασ χορηγίασ τὰσ πολεμικὰσ ἐπιτελεσθησομένην συμμετρησάμενοσ, ὁπόση τισ ἀρκοῦσα ἔσται, διαιρῶν τὸν αὐτὸν τρόπον εἰσ τοὺσ ἑκατὸν ἐνενηκοντατρεῖσ λόχουσ, τὸ ἐκ τῆσ τιμήσεωσ ἐπιβάλλον ἑκάστῳ διάφορον ἅπαντασ ἐκέλευεν εἰσφέρειν.

συνέβαινεν οὖν τοῖσ τὰσ μεγίστασ ἔχουσιν οὐσίασ ἐλάττοσι μὲν οὖσιν, εἰσ πλείονασ δὲ λόχουσ μεμερισμένοισ, στρατεύεσθαί τε πλείουσ στρατείασ οὐδέποτε ἀναπαυομένουσ καὶ χρήματα πλείω τῶν ἄλλων εἰσφέρειν·

τοῖσ δὲ τὰ μέτρια καὶ μικρὰ κεκτημένοισ πλείοσιν οὖσιν ἐν ἐλάττοσι λόχοισ, στρατεύεσθαί τ’ ὀλιγάκισ καὶ ἐκ διαδοχῆσ καὶ βραχείασ συντελεῖν εἰσφοράσ· πάντων ὀχληρῶν.

ἐποίει δὲ τούτων ἕκαστον οὐκ ἄτερ αἰτίασ, ἀλλὰ πεπεισμένοσ, ὅτι πᾶσιν ἀνθρώποισ ἆθλα τῶν πολέμων ἐστὶ τὰ χρήματα καὶ περὶ τῆσ τούτων φυλακῆσ ἅπαντεσ κακοπαθοῦσιν·

ὀρθῶσ οὖν ἔχειν ᾤετο τοὺσ μὲν περὶ μειζόνων κινδυνεύοντασ ἄθλων μείζονασ ὑπομένειν κακοπαθείασ τοῖσ τε σώμασι καὶ τοῖσ χρήμασι, τοὺσ δὲ περὶ ἐλαττόνων ἧττον ἐνοχλεῖσθαι κατ’ ἀμφότερα, τοὺσ δὲ περὶ μηδενὸσ δεδοικότασ μηδὲν κακοπαθεῖν, τῶν μὲν εἰσφορῶν ἀπολυομένουσ διὰ τὴν ἀπορίαν, τῶν δὲ στρατειῶν διὰ τὴν ἀνεισφορίαν. οὐ γὰρ ἐλάμβανον ἐκ τοῦ δημοσίου τότε Ῥωμαῖοι στρατιωτικοὺσ μισθούσ, ἀλλὰ τοῖσ ἰδίοισ τέλεσιν ἐστρατεύοντο. καθ’ ἡμέραν ἀναγκαίων ἀπορουμένουσ ᾤετο δεῖν, οὔτε μηδὲν συμβαλλομένουσ στρατεύεσθαί τινασ ἐκ τῶν ἀλλοτρίων ὀψωνιαζομένουσ χρημάτων, ὥσπερ μισθοφόρουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 19

(디오니시오스, Antiquitates Romanae, Books IV-VI, book 4, chapter 19)

상위

목록

SEARCH

MENU NAVIGATION