헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 16)

τῶν βίων σοφώτατον ἁπάντων πολιτευμάτων εἰσηγήσατο καὶ μεγίστων Ῥωμαίοσ ἀγαθῶν αἴτιον, ὡσ τὰ ἔργα ἐδήλωσε. τὸ δὲ πολίτευμα τοιόνδε ἦν·

μίαν ἀφεῖλεν ἐξ ἁπάντων μοῖραν, ἧσ τὸ μέγιστον ἦν τίμημα τῆσ οὐσίασ οὐκ ἔλαττον ἑκατὸν μνῶν. τούτουσ δὲ συντάξασ εἰσ ὀγδοήκοντα λόχουσ ὅπλα φέρειν ἐπέταξεν ἀσπίδασ Ἀργολικὰσ καὶ δόρατα καὶ κράνη χάλκεα καὶ θώρακασ καὶ κνημῖδασ καὶ ξίφη. διελὼν δ’ αὐτοὺσ διχῇ, τετταράκοντα μὲν ἐποίησε νεωτέρων λόχουσ, οἷσ τὰσ ὑπαιθρίουσ ἀπέδωκε στρατείασ, τετταράκοντα δὲ πρεσβυτέρων, οὓσ ἔδει τῆσ νεότητοσ εἰσ πόλεμον ἐξιούσησ ὑπομένοντασ ἐν τῇ πόλει τὰ ἐντὸσ τείχουσ φυλάττειν. αὕτη πρώτη σύνταξισ ἦν·

χώραν δὲ κατεῖχεν ἐν τοῖσ πολέμοισ τὴν προαγωνιζομένην τῆσ φάλαγγοσ ὅλησ. ἔπειτ’ ἐκ τῶν ὑπολειπομένων ἑτέραν ἀφῄρει μοῖραν, οἷσ ἦν ἐντὸσ μὲν μυρίων δραχμῶν, οὐ μεῖον δὲ πέντε καὶ ἑβδομήκοντα μνῶν τὸ τίμημα. συντάξασ δὲ τούτουσ εἰσ εἴκοσι λόχουσ τὰ μὲν ἄλλα φορεῖν ὅπλα προσέταξεν, ὅσα τοὺσ προτέρουσ, τοὺσ δὲ θώρακασ αὐτῶν ἀφεῖλε, καὶ ἀντὶ τῶν ἀσπίδων ἀνέδωκε θυρεούσ. διελὼν δὲ καὶ τούτων τοὺσ ὑπὲρ τετταράκοντα καὶ πέντε ἔτη γεγονότασ ἀπὸ τῶν ἐχόντων τὴν στρατεύσιμον ἡλικίαν, δέκα μὲν ἐποίησε λόχουσ νεωτέρων, οὓσ ἔδει προπολεμεῖν τῆσ πόλεωσ, δέκα δὲ πρεσβυτέρων, οἷσ ἀπέδωκε τειχοφυλακεῖν. αὕτη δευτέρα σύνταξισ ἦν, ἐκοσμεῖτο δ’ ἐν τοῖσ ἀγῶσι μετὰ τοὺσ προμάχουσ. τὴν δὲ τρίτην ἐποίει σύνταξιν ἐκ τῶν ὑπολειπομένων, ὅσοι τίμησιν εἶχον ἐλάττονα μὲν τῶν ἑπτακισχιλίων καὶ πεντακοσίων δραχμῶν, οὐ μείονα δὲ μνῶν πεντήκοντα.

τούτων δ’ ἐμείωσε τὸν ὁπλισμὸν οὐ μόνον τοῖσ θώραξιν, ὥσπερ τῶν δευτέρων, ἀλλὰ καὶ ταῖσ περικνημῖσι. συνέταξε δὲ καὶ τούτουσ εἰσ εἴκοσι λόχουσ καὶ διεῖλε τὸν αὐτὸν τρόπον τοῖσ προτέροισ καθ’ ἡλικίασ, δέκα λόχουσ ἀποδοὺσ τοῖσ νεωτέροισ καὶ δέκα τοῖσ πρεσβυτέροισ.

χώρα δὲ καὶ στάσισ ἦν τούτων τῶν λόχων ἐν ταῖσ μάχαισ ἡ μετὰ τοὺσ ἐφεστῶτασ τοῖσ προμάχοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 16

(디오니시오스, Antiquitates Romanae, Books IV-VI, book 4, chapter 16)

상위

목록

SEARCH

MENU NAVIGATION