헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 3)

ἃ δὲ πρὸ τοῦ βασιλεῦσαι διεπράξατο λόγου ἄξια, ἐξ ὧν Ταρκύνιόσ τ’ αὐτὸν ἠγάσθη καὶ ὁ Ῥωμαίων δῆμοσ τῆσ μετὰ βασιλέα τιμῆσ ἠξίου, τοιάδε. ἀντίπαισ μὲν ὢν ἔτι τῇ πρώτῃ στρατείᾳ, ἣν ἐπὶ Τυρρηνοὺσ Ταρκύνιοσ ἐστράτευσεν, ἐν τοῖσ ἱππεῦσι τεταγμένοσ οὕτωσ ἔδοξεν ἀγωνίσασθαι καλῶσ, ὥστε περιβόητοσ εὐθὺ γενέσθαι καὶ τἀριστεῖα πρῶτοσ ἁπάντων λαβεῖν·

ἔπειθ’ ἑτέρασ γενομένησ ἐπὶ τὸ αὐτὸ ἔθνοσ στρατείασ καὶ μάχησ καρτερᾶσ περὶ πόλιν Ἤρητον ἀνδρειότατοσ ἁπάντων φανεὶσ στεφάνοισ αὖθισ ἀριστείοισ ὑπὸ τοῦ βασιλέωσ ἐκοσμεῖτο. ἔτη δὲ γεγονὼσ εἴκοσι μάλιστα τῆσ συμμαχικῆσ στρατηγὸσ ἀπεδείχθη δυνάμεωσ, ἣν Λατῖνοι ἔπεμψαν, καὶ συγκατεκτήσατο βασιλεῖ Ταρκυνίῳ τὴν τῶν Τυρρηνῶν ἀρχήν·

ἔν τε τῷ πρὸσ Σαβίνουσ πολέμῳ τῷ πρώτῳ συστάντι τῶν ἱππέων ἀποδειχθεὶσ ἡγεμὼν ἐτρέψατο τοὺσ τῶν πολεμίων ἱππεῖσ καὶ μέχρι πόλεωσ Ἀντέμνησ ἐλάσασ τἀριστεῖα καὶ ἐκ ταύτησ τῆσ μάχησ ἔλαβεν· ἑτέρασ τε πολλὰσ πρὸσ τὸ αὐτὸ ἔθνοσ ἀγωνισάμενοσ μάχασ τοτὲ μὲν ἱππέων ἡγούμενοσ, τοτὲ δὲ πεζῶν ἐν ἁπάσαισ ἐφάνη ψυχὴν ἄριστοσ καὶ πρῶτοσ ἐστεφανοῦτο τῶν ἄλλων.

καὶ ἐπειδὴ παρέστη Ῥωμαίοισ εἰσ ὑπόταξίν τε καὶ παράδοσιν τῶν πόλεων τὸ ἔθνοσ, αἰτιώτατοσ εἶναι δόξασ Ταρκυνίῳ καὶ ταύτησ τῆσ δυναστείασ τοῖσ ἐπινικίοισ στεφάνοισ ἀνεδεῖτο ὑπ’ αὐτοῦ.

ἦν δὲ καὶ φρονῆσαι τὰ πολιτικὰ συνετώτατοσ καὶ λόγῳ τὰ βουλευθέντα ἐξενεγκεῖν οὐδενὸσ χείρων ἁπάσαισ θ’ ἁρμόσαι ταῖσ τύχαισ καὶ παντὶ συνεξομοιωθῆναι προσώπῳ δυνατώτατοσ. καὶ διὰ ταῦτα Ῥωμαῖοι μὲν αὐτὸν ἐκ τοῦ δήμου μεταγαγεῖν ἠξίωσαν εἰσ τοὺσ πατρικίουσ ψῆφον ἐπενέγκαντεσ, ὥσπερ Ταρκύνιόν τε πρότερον καὶ ἔτι πρὸ τούτου Νόμαν Πομπίλιον·

ὁ δὲ βασιλεὺσ κηδεστὴν ἐποιήσατο τὴν ἑτέραν τῶν θυγατέρων ἐγγυήσασ, καὶ πάνθ’ ὅσα διὰ νόσουσ ἢ διὰ γῆρασ ἀδύνατοσ ἦν ἐπιτελεῖν, δι’ ἑαυτοῦ τούτῳ πράττειν ἐπέσκηπτεν, οὐ μόνον τὸν ἴδιον οἶκον ἐπιτρέπων, ἀλλὰ καὶ τὰ κοινὰ τῆσ πόλεωσ διοικεῖν ἀξιῶν. ἐν οἷσ ἅπασιν ἐξητάσθη πιστὸσ καὶ δίκαιοσ, καὶ οὐδὲν ᾤοντο διαφέρειν οἱ δημόται Ταρκύνιον ἐπιμελεῖσθαι τῶν κοινῶν ἢ Τύλλιον· οὕτωσ ἐξεθεραπεύθησαν ὑπ’ αὐτοῦ ταῖσ εὐεργεσίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 3

(디오니시오스, Antiquitates Romanae, Books IV-VI, book 4, chapter 3)

상위

목록

SEARCH

MENU NAVIGATION