헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 2)

φέρεται δέ τισ ἐν ταῖσ ἐπιχωρίοισ ἀναγραφαῖσ καὶ ἕτεροσ ὑπὲρ τῆσ γενέσεωσ αὐτοῦ λόγοσ ἐπὶ τὸ μυθῶδεσ ἐξαίρων τὰ περὶ αὐτόν, ὃν ἐν πολλαῖσ Ῥωμαϊκαῖσ ἱστορίαισ εὑρ́ομεν, εἰ θεοῖσ τε καὶ δαίμοσι λέγεσθαι φίλοσ τοιοῦτοσ· βασιλείων, ἐφ’ ἧσ ἄλλασ τε Ῥωμαῖοι συντελοῦσιν ἱερουργίασ καὶ τὰσ ἀπὸ τῶν δείπνων ἀπαρχὰσ ἁγίζουσιν, ὑπὲρ τοῦ πυρὸσ ἀνασχεῖν λέγουσιν αἰδοῖον ἀνδρόσ.

τοῦτο δὲ θεάσασθαι τὴν Ὀκρισίαν πρώτην φέρουσαν τοὺσ εἰωθότασ πελάνουσ ἐπὶ τὸ πῦρ καὶ αὐτίκα πρὸσ τοὺσ βασιλεῖσ ἐλθοῦσαν εἰπεῖν. τὸν μὲν οὖν Ταρκύνιον ἀκούσαντά τε καὶ μετὰ ταῦτ’ ἰδόντα τὸ τέρασ ἐν θαύματι γενέσθαι, τὴν δὲ Τανακυλίδα τά τ’ ἄλλα σοφὴν οὖσαν καὶ δὴ καὶ τὰ μαντικὰ οὐδενὸσ χεῖρον Τυρρηνῶν ἐπισταμένην εἰπεῖν πρὸσ αὐτόν, ὅτι γένοσ ἀπὸ τῆσ ἑστίασ τῆσ βασιλείου πέπρωται γενέσθαι κρεῖττον ἢ κατὰ τὴν ἀνθρωπείαν φύσιν ἐκ τῆσ μιχθείσησ τῷ φάσματι γυναικόσ.

τὰ δ’ αὐτὰ καὶ τῶν ἄλλων τερατοσκόπων ἀποφηναμένων δόξαι τῷ βασιλεῖ τὴν Ὀκρισίαν, ᾗ πρώτῃ ἐφάνη τὸ τέρασ, εἰσ ὁμιλίαν αὐτῷ συνελθεῖν· μόνην εἰσ τὸν οἶκον, ἐν ᾧ τὸ τέρασ ὤφθη.

μιχθέντοσ δή τινοσ αὐτῇ θεῶν ἢ δαιμόνων καὶ μετὰ τὴν μίξιν ἀφανισθέντοσ εἴθ’ Ἡφαίστου καθάπερ οἰόνταί τινεσ εἴτε τοῦ κατ’ οἰκίαν ἡρ́ωοσ, ἐγκύμονα γενέσθαι καὶ τεκεῖν τὸν Τύλλιον ἐν τοῖσ καθήκουσι χρόνοισ.

τοῦτο τὸ μύθευμα οὐ πάνυ τι πιστὸν εἶναι δοκοῦν ἑτέρα τισ ἐπιφάνεια θεία γενομένη περὶ τὸν ἄνδρα θαυμαστὴ καὶ παράδοξοσ ἧττον ἀπιστεῖσθαι ποιεῖ. καθημένου γάρ ποτ’ αὐτοῦ μεσούσησ μάλισθ’ ἡμέρασ ἐν τῇ παστάδι τῶν βασιλείων καὶ κατενεχθέντοσ ἐφ’ ὕπνον, πῦρ ἀπέλαμψεν ἐπὶ τῆσ κεφαλῆσ αὐτοῦ, ἥ τε μήτηρ αὐτοῦ καὶ ἡ τοῦ βασιλέωσ γυνὴ πορευόμεναι διὰ τῆσ παστάδοσ ἐθεάσαντο καὶ πάντεσ ὅσοι σὺν ταῖσ γυναιξὶν ἐτύγχανον τότε παρόντεσ, καὶ μέχρι τούτου διέμενεν ἡ φλὸξ ὅλην αὐτοῦ καταλάμπουσα τὴν κεφαλήν, ἑώσ ἡ μήτηρ προσδραμοῦσα διανέστησεν αὐτὸν καὶ ἡ φλὸξ ἅμα τῷ ὕπνῳ διασκεδασθεῖσα ἠφανίσθη. τὰ μὲν δὴ περὶ τοῦ γένουσ αὐτοῦ λεγόμενα τοιαῦτ’ ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 2

(디오니시오스, Antiquitates Romanae, Books IV-VI, book 4, chapter 2)

상위

목록

SEARCH

MENU NAVIGATION