Ancient Greek Text

Dionysius of Halicarnassus, Antiquitates Romanae, Books IV-VI, book 4, chapter 1

(디오니시오스, Antiquitates Romanae, Books IV-VI, book 4, chapter 1)

βασιλεὺσ μὲν δὴ Ταρκύνιοσ οὐ μικρῶν οὐδ’ ὀλίγων Ῥωμαίοισ ἀγαθῶν αἴτιοσ γενόμενοσ, ὀκτὼ καὶ τριάκοντα ἔτη τὴν ἀρχὴν κατασχὼν οὕτω τελευτᾷ υἱωνούσ τε δύο καταλιπὼν νηπίσυσ καὶ δύο θυγατέρασ ἀνδράσιν ἤδη συνοικούσασ. διάδοχοσ δὲ τῆσ ἡγεμονίασ ὁ γαμβρὸσ αὐτοῦ γίνεται Τύλλιοσ ἐνιαυτῷ τετάρτῳ τῆσ πεντηκοστῆσ ὀλυμπιάδοσ, ἣν ἐνίκα στάδιον Ἐπιτελίδησ Λάκων ἄρχοντοσ Ἀθήνησιν Ἀρχεστρατίδου·

περὶ οὗ καιρὸσ ἤδη λέγειν, ἃ κατ’ ἀρχὰσ παρελίπομεν, ἐξ ὧν τε γονέων ἔφυ καὶ τίνασ ἀπεδείξατο πράξεισ ἰδιώτησ ὢν ἔτι καὶ πρὶν ἐπὶ τὴν δυναστείαν παρελθεῖν. τὰ μὲν οὖν περὶ τοῦ γένουσ αὐτοῦ λεγόμενα, οἷσ μάλιστ’ ἔγωγε συγκατατίθεμαι, τοιαῦτ’ ἐστίν.

ἐν Κορνικόλῳ πόλει τοῦ Λατίνων ἔθνουσ ἀνήρ τισ ἐκ τοῦ βασιλείου γένουσ Τύλλιοσ ὄνομα γυναικὶ συνῆν Ὀκρισίᾳ καλλίστῃ τε καὶ σωφρονεστάτῃ τῶν ἐν Κορνικόλῳ γυναικῶν. δ’ Ὀκρισίαν ἐγκύμονα οὖσαν ἐξαίρετον ἐκ τῶν λαφύρων λαμβάνει Ταρκύνιοσ ὁ βασιλεὺσ καὶ δίδωσι δωρεὰν τῇ ἑαυτοῦ γυναικί.

μαθοῦσα δ’ ἐκείνη πάντα τὰ περὶ τὴν ἄνθρωπον οὐ πολλοῖσ χρόνοισ ὕστερον ἐλευθέραν αὐτὴν ἀφίησι καὶ πασῶν μάλιστα γυναικῶν ἀσπαζομένη τε καὶ τιμῶσα διετέλεσεν. ἐκ ταύτησ γίνεται τῆσ Ὀκρισίασ ἔτι δουλευούσησ παιδίον, ᾧ τίθεται τραφέντι ἡ μήτηρ τὸ μὲν ἴδιόν τε καὶ συγγενικὸν ὄνομα Τύλλιον ἐπὶ τοῦ πατρόσ, τὸ δὲ κοινὸν καὶ προσηγορικὸν Σερούιον ἐπὶ τῆσ ἰδίασ τύχησ, ὅτι δουλεύουσα ἔτεκεν αὐτόν.

εἰή δ’ ἂν ὁ Σερούιοσ εἰσ τὴν Ἑλληνικὴν διάλεκτον μεταβιβαζόμενοσ Δούλιοσ.