헬라어 문장 검색 - Διονψσ́Αντιθυί1́86́

(디오니시오스, Antiquitates Romanae, book 1, chapter 86)

χρόνου δέ τινοσ ἐν τούτῳ διαγενομένου, ἐπειδὴ οὐδὲν ἐμειοῦτο τὸ τῆσ στάσεωσ, δόξαν ἀμφοῖν τῷ μητροπάτορι ἐπιτέψαι παρῆσαν εἰσ τὴν Ἄλβαν. ὁ δὲ αὐτοῖσ ταῦτα ὑποτίθεται· θεοὺσ ποιήσασθαι δικαστάσ, ὁποτέρου χρὴ τὴν ἀποικίαν λέγεσθαι καὶ τὴν ἡγεμονίαν εἶναι. ταξάμενοσ δὲ αὐτοῖσ ἡμέραν ἐκέλευσεν ἐξ ἑωθινοῦ καθέζεσθαι χωρὶσ ἀλλήλων, ἐν αἷσ ἑκάτεροι ἀξιοῦσιν ἕδραισ· προθύσαντασ δὲ τοῖσ θεοῖσ ἱερὰ τὰ νομιζόμενα φυλάττειν οἰωνοὺσ αἰσίουσ· ὁποτέρῳ δ’ ἂν οἱ ὄρνιθεσ προτέρῳ κρείττουσ γένωνται, τοῦτον ἄρχειν τῆσ ἀποικίασ.

ἀπῄεσαν οἱ νεανίσκοι ταῦτ’ ἐπαινέσαντεσ καὶ κατὰ τὰ συγκείμενα παρῆσαν ἐν τῇ κυρίᾳ τῆσ πράξεωσ ἡμέρᾳ.

ἦν δὲ Ῥωμύλῳ μὲν οἰωνιστήριον, ἔνθα ἠξίου τὴν ἀποικίαν ἱδρῦσαι, τὸ Παλλάντιον, Ῥώμῳ δ’ ὁ προσεχὴσ ἐκείνῳ λόφοσ Αὐεντῖνοσ καλούμενοσ, ὡσ δέ τινεσ ἱστοροῦσιν ἡ Ῥεμορία· φυλακή τε ἀμφοῖν παρῆν οὐκ ἐπιτρέψουσα ὅ τι μὴ φανείη λέξειν. ὡσ δὲ τὰσ προσηκούσασ ἕδρασ ἔλαβον ὀλίγον ἐπισχὼν χρόνον ὁ Ῥωμύλοσ ὑπὸ σπουδῆσ τε καὶ τοῦ πρὸσ τὸν ἀδελφὸν φθόνου, ἴσωσ δὲ καὶ ὁ θεὸσ οὕτωσ ἐνῆγε, πρὶν ἢ καὶ ὁτιοῦν σημεῖον θεάσασθαι πέμψασ ὡσ τὸν ἀδελφὸν ἀγγέλουσ ἥκειν ἠξίου διαταχέων, ὡσ πρότεροσ ἰδὼν οἰωνοὺσ αἰσίουσ.

ἐν ᾧ δὲ οἱ πεμφθέντεσ ὑπ’ αὐτοῦ δι’ αἰσχύνησ ἔχοντεσ τὴν ἀπάτην οὐ σπουδῇ ἐχώρουν, τῷ Ῥώμῳ γῦπεσ ἐπισημαίνουσιν ἓξ ἀπὸ τῶν δεξιῶν πετόμενοι. καὶ ο μὲν ἰδὼν τοὺσ ὄρνιθασ περιχαρὴσ ἐγένετο, μετ’ οὐ πολὺ δὲ οἱ παρὰ τοῦ Ῥωμύλου πεμφθέντεσ ἀναστήσαντεσ αὐτὸν ἄγουσιν ἐπὶ τὸ Παλλάντιον. ἐπεὶ δὲ ἐν τῷ αὐτῷ ἐγένοντο ἤρετο μὲν τὸν Ῥωμύλον ὁ Ῥῶμοσ, οὕσ2τινασ οἰωνοὺσ ἴδοι πρότεροσ, ὁ δὲ ἐν ἀπόρῳ γίνεται ὅ τι ἀποκρίναιτο.

ἐν δὲ τούτῳ δώδεκα γῦπεσ αἴσιοι πετόμενοι ὤφθησαν, οὺσ ἰδὼν θαρρεῖ τε καὶ τῷ Ῥώμῳ δείξασ λέγει, Τί γὰρ ἀξιοῖσ τὰ πάλαι γενόμενα μαθεῖν;

τούσ2δε γὰρ δή που τοὺσ οἰωνοὺσ αὐτὸσ ὁρᾷσ. ὁ δὲ ἀγανακτεῖ τε καὶ δεινὰ ποιεῖται, ὡσ διηρτημένοσ ὑπ’ αὐτοῦ, τῆσ τε ἀποικίασ οὐ μεθήσεσθαι αὐτῷ φησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 86

(디오니시오스, Antiquitates Romanae, book 1, chapter 86)

상위

목록

SEARCH

MENU NAVIGATION