헬라어 문장 검색 - Διονψσ́Αντιθυί1́70́

(디오니시오스, Antiquitates Romanae, book 1, chapter 70)

Ἀσκανίου δὲ ὀγδόῳ καὶ τριακοστῷ ἔτει τῆσ βασιλείασ τελευτήσαντοσ παρέλαβε τὴν ἡγεμονίαν Σιλούιοσ ἀδελφὸσ ὢν Ἀσκανίου, μετὰ τὸν Αἰνείου θάνατον γενόμενοσ ἐκ Λαύνασ τῆσ Λατίνου θυγατρόσ, ὅν φασιν ἐν τοῖσ ὄρεσιν ὑπὸ τῶν νομέων ἐκτραφῆναι. τοῦ γὰρ Ἀσκανίου παραλαβόντοσ τὴν βασιλείαν περιδεὴσ ἡ Λαῦνα γενομένη μή τι δεινὸν ὑπ’ αὐτοῦ πάθῃ κατὰ τὸ τῆσ μητρυιᾶσ ὄνομα, ἐγκύμων οὖσα δίδωσιν ἑαυτὴν Τυρρηνῷ τινι συοφορβίων ἐπιμελητῇ βασιλικῶν, ὃν ᾔδει Λατίνῳ γενόμενον ἐν τοῖσ μάλιστα προσήγορον.

ὁ δ’ εἰσ ὕλασ ἐρήμουσ ἀγαγὼν αὐτὴν ὡσ τῶν ἐπιτυχουσῶν τινα, φυλαττόμενοσ ὀφθῆναι τοῖσ εἰδόσιν ἔτρεφεν ἐν τῇ νάπῃ κατασκευάσασ οἴκησιν οὐ πολλοῖσ γνώριμον καὶ τὸ παιδίον γενόμενον ἀναιρεῖταί τε καὶ τρέφει Σιλούιον ὀνομάσασ ἀπὸ τῆσ ὕλησ, ὥσπερ ἂν εἴ τισ Ελλάδι γλώσσῃ λέξειεν Ὑλαῖον.

χρόνου δὲ προϊόντοσ ὡσ πολλὴν ζήτησιν ἔγνω τῆσ γυναικὸσ ὑπὸ τῶν Λατίνων γινομένην καὶ δι’ αἰτίασ ὄντα παρὰ τῷ πλήθει τὸν Ἀσκάνιον, ὡσ ἀνῃρηκότα τὴν παιδίσκην, φράζει τῷ δήμῳ τὸ πρᾶγμα καὶ τὴν ἄνθρωπον ἄγει μετὰ τοῦ παιδὸσ ἐκ τῆσ νάπησ.

ἐπειδὴ τὸν ἀδελφὸν αὐτοῦ τελευτῆσαι συνέπεσεν, ἀμφίλογον γενομένην πρὸσ ἕνα τὸν πρεσβεύσαντα τῶν Ἀσκανίου παίδων Ιοὔλον ἀξιοῦντα τὴν πατρῴαν ἀρχὴν διαδέξασθαι.

τὴν δὲ δίκην ἐπεψήφισεν ὁ δῆμοσ ἄλλοισ τε ὑπαχθεὶσ λόγοισ καὶ οὐχ ἥκιστα ὅτι μητρὸσ ἦν ὁ Σιλούϊοσ ἐπικλήρου τῆσ ἀρχῆσ.

Ιοὔλῳ δὲ ἀντὶ τῆσ βασιλείασ ἱερά τισ ἐξουσία προσετέθη καὶ τιμὴ τῷ τε ἀκινδύνῳ προὔχουσα τῆσ μοναρχίασ καὶ τῇ ῥαστώνῃ τοῦ βίου, ἣν ἔτι καὶ εἰσ ἐμὲ τὸ ἐξ αὐτοῦ γένοσ ἐκαρποῦτο, Ιοὔλιοι κληθέντεσ ἀπ’ ἐκείνου. ἐγένετο δὲ μέγιστοσ ἅμα καὶ λαμπρότατοσ οἴκων οὗτοσ, ὧν ἡμεῖσ ἴσμεν, ἄνδρασ τε διαφορωτάτουσ ἡγεμόνων ἤνεγκεν, οἷσ τὸ εὐγενὲσ αἱ ἀρεταὶ μὴ ἀπιστεῖσθαι παρέσχον· ὑπὲρ ὧν ἐν ἄλλῳ δηλωθήσεται λόγῳ τὰ προσήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 70

(디오니시오스, Antiquitates Romanae, book 1, chapter 70)

상위

목록

SEARCH

MENU NAVIGATION