헬라어 문장 검색 - Διονψσ́Αντιθυί1́46́

(디오니시오스, Antiquitates Romanae, book 1, chapter 46)

Ἰλίου κρατηθέντοσ ὑπ’ Ἀχαιῶν, εἴτε τοῦ δουρείου ἵππου τῇ ἀπάτῃ, ὡσ Ὁμήρῳ πεποίηται, εἴτε τῇ προδοσίᾳ τῶν Ἀντηνοριδῶν εἴτε ἄλλωσ πωσ, τὸ μὲν ἄλλο πλῆθοσ ἐν τῇ πόλει Τρωικόν τε καὶ συμμαχικὸν ἐν ταῖσ εὐναῖσ ἔτι καταλαμβανόμενον ἐφονεύετο ̔νυκτὸσ γὰρ δὴ τὸ δεινὸν ἀφυλάκτοισ αὐτοῖσ ἐπιστῆναι ἐοίκεν’, Αἰνείασ δὲ καὶ οἱ σὺν αὐτῷ παρόντεσ Ἰλιεῦσιν ἐπίκουροι Τρῶεσ ἐκ Δαρδάνου τε πόλεωσ καὶ Ὀφρυνίου τῶν τε ἄλλων ὅσοι τῆσ κάτω πόλεωσ ἁλισκομένησ ἔφθασαν αἴσθησιν τοῦ δεινοῦ λαβεῖν, ἐπὶ τὰ καρτερὰ τοῦ Περγάμου συμφυγόντεσ τὴν ἀκρόπολιν ἰδίῳ τείχει φρουρουμένην καταλαμβάνονται, ἐν ᾗ καὶ ἱερὰ τὰ πατρῷα τοῖσ Τρωσὶν ἦν καὶ χρημάτων ὁ πολὺσ πλοῦτοσ, οἱᾶ εἰκὸσ ἐν ἐχυρῷ, καὶ τοῦ στρατιωτικοῦ τὸ κράτιστον· ἔνθα ὑπομένοντεσ ἀπεκρούοντο τοὺσ πειρωμένουσ ἐπιβαίνειν τῆσ ἄκρασ καὶ τὸ διαπῖπτον ὑπὸ τῆσ ἁλώσεωσ πλῆθοσ ἐμπειρίᾳ στενωπῶν ὑποθέοντεσ ἀνελάμβανον·

καὶ ἐγένετο τοῦ καταληφθέντοσ πλεῖον τὸ διαφυγόν.

τὴν μὲν δὴ αὐτίκα ὁρμὴν τῶν πολεμίων, ἣν εἶχον ὅλην διαχρήσασθαι τὴν πόλιν, καὶ τὸ μὴ πᾶν ἐξ ἐφόδου καταληφθῆναι τὸ ἄστυ τοῦτο τὸ μηχάνημα ἐξευρὼν Αἰνείασ ἐπέσχε. λογισμὸν δὲ τὸν εἰκότα περὶ τοῦ μέλλοντοσ λαμβάνων, ὡσ ἀμήχανον εἰή πρᾶγμα σῶσαι πόλιν, ἧσ τὰ πλείω ἤδη ἐκρατεῖτο, εἰσ νοῦν βάλλεται τοῦ μὲν τείχουσ ἐρήμου παραχωρῆσαι τοῖσ πολεμίοισ, τὰ δὲ σώματα αὐτὰ καὶ τὰ ἱερὰ τὰ πατρῷα καὶ χρήματα ὁπόσα φέρειν δύναιτο διασώσασθαι. δόξαν δὲ αὐτῷ, παῖδασ μὲν καὶ γυναῖκασ καὶ τὰ γηραιὰ σώματα καὶ ὁπόσοισ ἄλλοισ βραδείασ ἔδει φυγῆσ προεξελθεῖν κελεύει τῆσ πόλεωσ κατὰ τὰσ ἐπὶ τὴν Ἴδην φερούσασ ὁδοὺσ, ἑώσ Ἀχαιοὶ τὴν ἄκραν ἑλεῖν προθυμούμενοι διώξεωσ τοῦ διαπίπτοντοσ ἐκ τῆσ πόλεωσ πλήθουσ οὐδὲν προεμηχανῶντο, τοῦ δὲ στρατιωτικοῦ τὸ μὲν ἐπὶ φυλακῇ τῶν ἐξιόντων ἔταξεν, ὡσ ἀσφαλήσ τε καὶ ἀταλαίπωροσ ἐκ τῶν ἐνόντων ἡ φυγὴ αὐτοῖσ γένοιτο, εἴρητο δὲ τούτοισ τὰ καρτερώτατα καταλαβέσθαι τῆσ Ἴδησ·

τὸ δὲ λοιπὸν, ὃ δὴ κράτιστον ἦν, αὐτὸσ ἔχων ὑπέμενεν ἐπὶ τοῦ τείχουσ καὶ παρεῖχε τοῖσ προεξελθοῦσιν ἧττον ἐπιπόνουσ διηρτημένων τειχομαχίᾳ τῶν πολεμίων τὰσ φυγάσ.

Νεοπτολέμου δὲ σὺν τοῖσ ἀμφ’ αὐτὸν ἐπιβάντοσ μέρουσ τινὸσ τῆσ ἄκρασ καὶ προσβοηθησάντων αὐτοῖσ Ἀχαιῶν ἁπάντων τῆσ μὲν ἄκρασ μεθίεται, ἀνοίξασ δὲ τὰσ πύλασ ἀπῄει συντεταγμένουσ ἔχων τοὺσ λοιποὺσ φυγάδασ, ἀγόμενοσ ἐπὶ ταῖσ κρατίσταισ συνωρίσι τόν τε πατέρα καὶ θεοὺσ τοὺσ πατρῴουσ γυναῖκά τε καὶ τέκνα καὶ τῶν ἄλλων εἴ τι πλείστου ἄξιον ἦν σῶμα ἢ χρῆμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 46

(디오니시오스, Antiquitates Romanae, book 1, chapter 46)

상위

목록

SEARCH

MENU NAVIGATION